BOTHUBO 17:8 - Sumi Naga CL (Re-edited) Bible (BSI)

⁸ No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BAIBEL (BSI)

⁸ Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

BOTHUBO 17:8 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 13:17

Ithulo, ayeghi hipau akijelau eno akushulau kupuju chesü wulo, kughengu I no tipau o tsüni.”

BOTHUBO 23:4

“Ni ye kupokichemi eno nongu gholo inami; akumo kuqho-a ghenguno nongu mheghi lakhi I tsülo, tishianguno I no Iw kithimi shiqho luni.”

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 28:4

Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

BOTHUBO 35:27

Jacob no Abraham ngo Isaac pama no kachena shi acheke-a Mamre, momu Kiriath-arba (ti ye Hebron) lo papu Isaac lau ighi.

BOTHUBO 36:7

Kughengu panongu mheghi ye ighono kutomo shive kehu kümtsa küghüna keu shilu move. Pano tsü-aqu ghenguno pano no kachena shi akeu yeghi ye zülave.

BOTHUBO 37:1

Jacob ye Canaan yeghi lo pa pu no inami shi achekeu yeghi lo xüache.

BOTHUBO 48:4

eno I vilo pi, ‘Julo, I no o pelo athi pithi eno kughuko lupe nani, eno timi aqokitikhi shivepe nani, eno pülhapuju mheghi shi ayeghi hipau pesü o shelo o tikughukoqo tsü nani.’

SAMUEL AKINIU 23:5

“I kibo ye titoi Alhou gholo puthugho acheni kekumo? Kughengu Pa no I sasü lhokta puloshoqhi shivae, thokha kithikiyi eno mtotoivae. Kughengu Pa ye I kuphutsü eno I kimji shikupu tsümoni keshea?

YEKIKITHI ATUGHIU 16:18

ti ye hike, “I no Canaan yeghi pesü amheghi shi o saje shitsüni.”

LESHELE 103:17

Ikemu Ampeu sükümsami lau Paw iqemokeu kikimiye ye shekhaha acheni, eno Pa chipiu mikucho ye atianuli lono atilimi kutolo acheni,

LESHELE 105:11

eno pi, “I no hi Canaan yeghi, amheghi shi nongu saje shi tsüni.”

LESHELE 105:9

ti ye Pa no Abraham sasü puloshoqhi shikeu, Isaac lau Paw tushokiqhi shoqhi shikeu ke.

IPEKULU 13:11

“Kughou Ampeu no o lau eno o puasüqo lau tushoqhi ketoi Canaanmi yeghi lo o saighi no ayeghi o tsüni keno,

IPEKULU 21:6

pa mpeu no pa sasü Alhou lau ighini, eno ahukikha momu ahukikha kuchosü lo saghini. Eno pa mpeu no ayi pesü pa kini vüpheve tsüni, eno pa ye alholo pa qüaxe shi acheuveni.

IPEKULU 29:45

I no Israelmi gholo anani eno panoqo Lhou shi nani.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

IPEKULU 40:15

eno panongu pelo achinemi shi I qe penike panoqo papu nukishe ketoi nono panongu nukisheni. Eno panoqo nukishe keu huno tiqheli kupuju lo panoqo pesü achine kümlapu lo süküsü shiluve nani.”

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

JEREMIYA 25:5

eno pi, ‘Itehi nongu pütüta laghi eno akümla lhoksa lono tsüghü ighilo, eno Ampeu no khaghi no alholo ghenguno nongu eno no puasüqo tsükeu yeghi lo xülulo.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 33:24

“Timi nu, Israel yeghi kütsave keu lo küghüna akeqo no pi ani, ‘Abraham ye pa likhie, ikeghi pa ye ayeghi amheghi shilue; ikemu ningu ye kutomoe; mtsüqheino ayeghi ye amheghi shi penike ningu tsüvae.’

ACHINE 14:34

“Kughou I no amheghi shi tsükeu Canaan yeghi lo nongu no ighini, eno tilau aki lo akughumho aghini keno,

ACHINE 16:34

Hi ye nongu ghenguno alholo pimheye ae: Israelmi xine kümtsü shikimthe tsünike ghenguno ampe lo ghuthu lakhi lokichile shini.” Ampeu no azah tsüke toi Moses no shike.

ACHINE 26:12

I no nongu gholo anani eno nongu Lhou shinani, nongu no Iw timi shinani.

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

AKIKIHI 10:29

Moses no pangu Reuel nu Hobab, Midian noghami, vilo pi, “Ningu ye Ampeu no ayeghi khikhi, ‘I no nongu tsüni’ ipi püa keno, tilau wucheni. Nino akivishi o tucho nanike ni gholo ighilo, kughengu Ampeu no Israelmi lau akivi mlani keu piqhive ake.”

AKIKIHI 25:13

tino pa eno pa limi pesü pülhapuju lo achinemi shiche peni keu puloshoqhi shivae, kughengu pa ye pa lhou ghenguno müamzü shi, eno Israelmi ghenguno lochile tsüke.’”

AKIKIHI 27:12

Ampeu no Moses vilo pi, “Abarim naghuto lo iqho no Israelmi lau I no tsü akeu yeghi juluve lo.

Apostolmi 7:5

Ikeghi tile apukhu kinepu-a mu pesü pa mheghi shi tsümoe, eno pa no anu küha keghi ayeghi pesü pa eno pa polo kughukomi mheghi shitsüni kepi tushoqhie.

ZAKINIU 14:2

Kughengu nongu ye Ampeu Alhou lau akimthemi, Pa no ayeghi lo ashiaye kümtsü gholono Paw timi shipenike nongu kishelue.

ZAKINIU 26:18

Eno ishi tsala lono Ampeu no piqhike toi nongu ye Paw akughupu mheghi kepi shuphevae, eno Pa zakütsü kümtsü pelu lo pivae.

ZAKINIU 29:13

tishianguno Pa no nongu lau eno no puasü Abraham, Isaac, eno Jacob lau tushoqhi ketoi ishi tsala lono nongu pesü Paw timi shino Pa no nongu Lhou shiniye ke.

ZAKINIU 32:49

“Moab ghakhu lo Abarim naghuto, Jericho ghüngüu Nebo Toghi lo ikulo, eno I no Israelmi tsüniye akeu Canaan yeghi juluve lo.

ZAKINIU 32:8

Shishe Akiqheu no shiyeqo pütüta mheghi kutotsü kelo, Pa no timiqo kijetha kelo, Pa no Alhou nuliqo kikihi kiqi lono ashiayeqo lughi shotsü.

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

ZAKINIU 4:37

Pa no nongu puasüqo kimiye kehu pano polo kughukomi kishelu no Pa küka kije lono Pa ampi no Egypt lono nongu saipeghi.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

JOSHUA 1:2

“I qeu Moses ye thivae. Tighenguno itehi ye no eno Israelmi kümtsü ithu no Jordan kathasü I no panongu tsü akeu yeghi lo ilolo.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.