BOTHUBO 17:23 - Sumi Naga CL (Re-edited) Bible (BSI)

²³ Tithiu Abraham no pa nu Ishmael eno pa ki lono punu keqo momu paw pisa no qhülu keqo, Abraham kilo kiptimi akeqo kümtsü saighi no Alhou no pa vilo pike toi, tipani no panoqo phighüyiko ghave tsü.

BAIBEL (BSI)

²³ Tipani no Alhou no pa vilo pike toi Abraham no pa nu Ismael ngo pa qepumi kiptimi pa gholo akemi kumtsu sawo aphighu yiko ghave tsu, pa gholo ake lono punu kemi na pano inami vilo qhulukeu shi aghinamu.

BOTHUBO 17:23 Iomraidhean Croise

BOTHUBO 14:14

Kughou Abram no pa sholokumi küghape wuvae pi chilu keno, pa no paw timi qopheve kemi, pa ki lono punu kemi, aqolo 318 sasü Dan kutolo hawue.

BOTHUBO 17:9

Alhou no Abraham vilo pi, “No eno o thiu o tikughukomi tiqheli no tiqheli kutolo Iw puloshoqhi papelo.

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

BOTHUBO 34:24

Mishighüna khagho lo wukemi kümtsü no Hamor ngo pa nu Shechem tsa initsü, eno tile wukemi kiptimi kümtsü no aphighüyiko ghave.

LESHELE 119:60

O zakütsüqo pape niye I no mighi eno munuve moe.

AHOLE 27:1

Thoghiu ghili pesü qheza kevilo, kughengu no ye ado no kiu süghi nani keno mthake.

YETSAPIU 9:10

Kiu kiu kümla lomu o kumto süno mlalo, kughengu nono wuche keu kithimi yeghi loye akümla, akükümsü, akighithi, alokütsü, kiumu kühae.

Apostolmi 16:3

Paul no Timothy pelo pa küsa shipeni shive kehu pa no sawo aphighüyiko ghave tsü, kughengu Jewmi tipa qhalo akemi kümtsü no Timothy papu ye Greekmi kepi ithi ae.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Galatiami 6:15

Kughengu aphighüyiko ghana ghamo namu kiumu akiqi kühae, ikemu lhoxü kithe shiluve keu no akhotou ke.