BOTHUBO 17:16 - Sumi Naga CL (Re-edited) Bible (BSI)

¹⁶ I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BAIBEL (BSI)

¹⁶ Ino li kumghatsu ni,eno li pelo anu lakhi punu otsu peni. Ino li kumghatsuni eno liye ashiayehqo paza shilupe nani eno li tikughuko launo kukami ipeghi nani.”

BOTHUBO 17:16 Iomraidhean Croise

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 15:4

Eno julo, Ampeu tsa pa lau ighi: “Timi hipau ye o mheghi kiyighiu shimo nani; no ampi nu no o mheghi kiyighiu shi nani.”

BOTHUBO 17:15

Alhou no Abraham vilo pi, “O nipu Sarai ghenguno, no ye li pesü Sarai ipi moae, ikemu li je ye Sarah ipi kuniae.

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

BOTHUBO 17:6

I no o pelo shishe athi pithi lupe nani, o pesü shiye kutomo kughulho nani, eno o launo kükamiqo ighi nani.

BOTHUBO 21:1

Ampeu no piqhi ketoi, Pa no Sarah xuju, eno Pa no ashoqhi shi ketoi Sarah lau mlatsüe.

BOTHUBO 24:60

Eno panongu no Rebekah kümghatsü no li vilo pi, “Ni chepu, o pelo qhethonhe no qhethonhe paza shilu peniu, eno o tikughuko no pano mithi chekeqo khagho lelu peniu!”

BOTHUBO 25:23

Ampeu no li vilo pi, “Shiye kini o polo ani, eno ashiaye kini o lolo akeu ye kijethave nani; lakhi no lakhiu nguno akumtou shive nani, akichiu no ayitiu qe nani.”

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 36:31

Israel yeghi lo kükami no ayepe mphi züu hipaqo no Edom yeghi lo kükami shi ayepe cheghi keqo.

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

Rommi 9:9

Kughengu pikiqhitsa lo akeu ye hike: “Tokuu hipa ghuloki lo I no ideighini, eno Sarah ye anu ithuluve nani.”

Galatiami 4:23

Ikemu aqeu nu ye ashi lhoaye lono punu, eno ililai keu nu huno pikiqhitsa vecheo punue.

1 Peter 3:6

Sarah ye hitoi Abraham gholu no pa vilo ampeu ipi kuche. Nongu no achipiu mla eno kichi kümsa kelo msaichimo aye, nongu ye li ngaqo ake.