BOTHUBO 17:10 - Sumi Naga CL (Re-edited) Bible (BSI)

¹⁰ Nikujo dolo eno o thiu o tikughukomi dolo Iw puloshoqhi khikhi nono pape masa keno ti ye hike: O gholo kiptimi kümtsü aphighüyiko ghaveni.

BAIBEL (BSI)

¹⁰ No eno oti anuli qono ni eno nongu dolo iwu puloshoqhi hipau pulokuqha pelulo: nongu phighu yiko ghalo eno tino ni eno nongu dolo puloshoqhi michipu lakhi shiveniae.

BOTHUBO 17:10 Iomraidhean Croise

BOTHUBO 17:11

Aphighü lo ayiko azüu akeu ghaveni, eno tino Nikujo dolo puloshoqhi michipu shinie.

BOTHUBO 17:23

Tithiu Abraham no pa nu Ishmael eno pa ki lono punu keqo momu paw pisa no qhülu keqo, Abraham kilo kiptimi akeqo kümtsü saighi no Alhou no pa vilo pike toi, tipani no panoqo phighüyiko ghave tsü.

BOTHUBO 17:27

Kiptimi khunoqo pa ki lono punu eno pa no inaghami launo pisa no qhülu keno tipaqo kümtsü pa gholono aphighüyiko ghave.

BOTHUBO 21:4

Kughou pa nu Isaac no atsala tache shi akeno, Alhou zakütsü kiqi lono Abraham no pa phighüyiko ghavetsü.

BOTHUBO 34:15

Hipa tsalo likhino nino o gholo puloküqhani—ti ye nongu dolo kiptimi kümtsü no aphighüyiko ghave no ningu toi shiveni.

BOTHUBO 34:22

Hipa tsalo likhino panongu ye ningu gholo küghüna niye ani—ti ye ningu gholo kiptimi kümtsü pano toi aphighüyiko ghave masavae.

IPEKULU 12:48

Tsala inami lakhi no nongu gholo ado hami küghüna no Ampeu lau Hechekulu ikhiluni shi aye, pa gholo kiptimi kümtsü aphighüyiko ghaveni. Tithiuno pa ye punukhoi ighi no ti pelu nani; pa ye Israelmi lakhi toi shilu nani. Ikemu aphighüyiko ghamo kemi khumu hi chumoni.

IPEKULU 4:25

Tileno Zipporah no atu kütsügha lakhi pesü pa nu phighüyiko ghave tsüno tipau pesü Moses pukhu ditsü eno pi, “Mtsüqheino no ye Iw ajilo kiyighi külapuu ke!”

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

John 7:22

Moses no nongu vilo aphighüyiko ghavelo pie (ti ye Moses launo ighike kumoe ikemu nongu puasü launo ke), tighenguno nongu no Sabbath lono anu phighü yiko gha cheni.

Apostolmi 7:8

Alhou no aphighü yiko puloshoqhi Abraham tsüe. Tithiu Abraham no Isaac ithulu, eno Isaac punuwo atsala akütacheu lono Abraham no aphighü yiko ghavetsü. Isaac launo Jacob ighi, eno Jacob launo apuasü chighikini ighi.

Rommi 2:28

Kughengu khunomu ashou likhino Jewmi kepi pimlae, tikumo no aphighüyiko kügha ye ashou aphi lo vehuke kumoe.

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

Rommi 3:28

Kughengu ningu no kiqikuto luve ake milakhi ye Ayezah pelu keu nguno khalau aküpülü vecheo likhino achipikalupe chenie.

Rommi 3:30

kughengu Alhou ye lakhi likhi keke—Pa no aphighüyiko ghave kemi lau pano küpülü pesü achipiu shitsü nani, eno aphighüyiko ghamo kemi no aküpülü vecheo achipiu shitsü nani.

Galatiami 3:28

Ikehu Jewmi ngo Greekmi dolo, aqemi ngo ililai kemi dolo, kiptimi ngo totimi dolo kütüqü keu kühae, kughengu nongu kümtsü Khristo Jisü gholo lakhi shivae.

Galatiami 6:12

Khunono nongu pelo ashi lono timi shipiye penishi cheni keno, panoqo no tsümomo nongu pelo aphighüyiko ghave penishi ani, tishikeu lono Khristow kros ghenguno panongu ghime pemo niye ke.

Ephesiami 2:11

Tighenguno nongu aji lono Jewkumomiqo, ghuthu lakhi loye au pesü aphimpi lo amchipu mla no aphighüyiko ghave kemi ipiche keqo no nongu vilo “aphighüyiko ghamo kemi” ipi kuche keu kümsülu lo,

ZAKINIU 10:16

Tighenguno nongu mlo shikimthe lo, eno hinguno hilau ye kuthovi kevilo.

ZAKINIU 30:6

Ampeu nongu Lhou no nongu eno no polo kughukomi mlo kishekimthe nani, tishikeu lono nongu no amlo eno angulho kuchopu pesü Ampeu nongu Lhou kimiye eno xülu nani.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

JOSHUA 5:2

Tipa ghuloki lo Ampeu no Joshua vilo pi, “Azütachi iqilo eno Israel nuliqo phighüyiko akiniu ghave tsülo.”

JOSHUA 5:4

Joshua no aphighü yiko ghavetsü keu ye hi ghenguno ke: Egypt lono ipeghi kemi kiptimi, ghüshimi thaqhü Egypt lono ipeghive kethiu asayeqha lono thikhave.