BOTHUBO 17:1 - Sumi Naga CL (Re-edited) Bible (BSI)

¹ Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BAIBEL (BSI)

¹ Abram no ampe lhotoku toku shi akelo, AMPEU no pa lau ipeghino pa vilo pi, “Niye Tuchomujokulu Lhoue,

BOTHUBO 17:1 Iomraidhean Croise

BOTHUBO 12:1

Ampeu no Abram vilo pi, “O ghakhu, o sholokumi, eno o limi qhive no I no o piyeni ye akeu yeghi lo wuvelo.

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 16:16

Hagar no Abram lau Ishmael punu tsüke ghuloki lo Abram ye ampe lhotache tsügho shiae.

BOTHUBO 18:1

Atsala külü dolo Abraham no pa phiki hukikha lo iqa akelo, Ampeu no Mamre lo aphisübo phivi lono pa lau ipeghi.

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

BOTHUBO 24:40

Ikemu pa no I vilo pi, ‘Ampeu, khuu zülo I no checheni keno, Pa no Paw kungumi o gholo puwu nani, eno o laghi heshetsü nani. No ye I nu nipu ni sholokumi eno I limi dolono lusaghi tsülo.

BOTHUBO 26:2

Ampeu no pa lau ipeghi no pi, “Egypt yeghi lo iqi kevilo; I no ayeghi khikhi o piyeni keno tile küghüna lo.

BOTHUBO 28:3

Akughushu Lhou no o kümghatsü peni eno o pelo athi pithilu eno kughukolu peniu, tishianguno no ye lighimi timi shilu peni.

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

BOTHUBO 48:15

Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

BOTHUBO 48:3

Eno Jacob no Joseph vilo pi, “Akughushu Lhou no Canaan yeghi, Luz lono I lau ipeghi no I kümghatsüe,

BOTHUBO 5:22

Enoch ye Alhou gholo cheche, pa ye Methuselah ithuluve kethiu ampe 300 xü eno atianuli kütami ghi ithulu.

BOTHUBO 5:24

Pa ye Alhou gholo checheke, eno pa ye phumlave, kughengu Alhou no pa sawuve.

BOTHUBO 6:9

Hipaqo no Noah kughukomi. Noah ye amikuchomi lakhi, pano tiqheli lo tukutiye küha kemike.

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

KUKAMI ATUGHIU 3:6

Solomon no khochile, “Nono I pu David o qeu lau iqemokeu kikimiye kije piye, kughengu pa no O zülo pükhükulu eno mikucho lono, eno müzüchoi xüche ke. Nono O kikimiye kije tipau pa ghenguno qhitsü eno ishi ye pa kükalakhü lo iqalu penike anu pa tsüe.

KUKAMI ATUGHIU 8:25

Tighenguno itehi, O Ampeu Israel Lhou, Nono O qeu I pu vilo, ‘Nono I zülo cheche ketoi o nuli no titoi cheche aye, no ye Israel kükalakhü lo iqani keu timi püqümo nani,’ ipi püakeu kümsülu tsülo.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

JOB 11:7

“No ye Alhouw tuqhou thime phuphelu nani kema? No ye Akughushuu ghili ithi khalu nani keshea?

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

LESHELE 116:9

Ikehu küxümi yeghi lo ni ye Ampeu zülo cheche nani.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

AHOLE 10:9

Akikhishi xükemi ye sükusho acheni, ikemu khuu no pa küxü la tuchighive akeno phuphe luve nani.

ISAIAH 38:3

“O Ampeu, I no kishi O zülo pükhükulu eno amlo tsüqhiyi shi püzü O nhethe lo akivi shiche keno, kimiyeno kümsülu tsülo.” Eno pa ye amlo ghujushi qauve.

JEREMIYA 32:17

‘Ya, Ampeu Alhou! Nono atsütsü ayeghi O küka kuloghi lono eno O u sükhope mlae! O ghenguno kiumu kushokütsü kühae.

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

AKIKIHI 11:23

Ampeu no khochile, “Ampeu u ye ikholove akeshea? I tsa ye o ghenguno kuchou shinani kemo keno nono ithi nani.”

AKIKIHI 24:16

Alhou tsa chikuluu no pikeu tsa, pa ye Shishe Akiqheuw akighithi tsa ithi ani, pa no Akughushuuw kungunhetsü, anhethi süküqü mono ithulue:

MATTHEW 19:26

Jisü no panoqo jupüzü pi, “Timi ghengu ye kushokütsüpu kemu Alhou ghengu ye thokha kümtsü shilu nani.”

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

Apostolmi 23:1

Paul no tsaqüi hoho mpemi juno pi, “Athiküzümiqo, ni ye ishi kutolo Alhou zülo I kükümsü mtsümishei shi xüighivae.”

Apostolmi 24:16

Ikehu ni ye alhokuthu Alhou eno timi zülo I lolo kiviküsa lotsü tsüghükhüi qhinike pükapütsa cheni.

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

ZAKINIU 10:17

Kughengu Ampeu nongu Lhou ye alhouqo Lhou eno ampemi shou Ampeu, Pa ye kije, akumto, eno akighiche Lhou, Pa ye agi juchemo eno külügho luchemoe.

ZAKINIU 18:13

Nongu ye Ampeu zülo tukutiye kühani,

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

FILIPIAMI 4:13

Khristo no I shikumto keu vecheo ni ye thokha shilu nani.

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.