BOTHUBO 13:7 - Sumi Naga CL (Re-edited) Bible (BSI)

⁷ eno Abram tsü-aqu khemi ngo Lot tsü-aqu khemi dolo mtomshu keu auve. Tipa ghuloki lo Canaanmi ngo Perizimi ye ayeghi tipau lo küghüna ache.

BAIBEL (BSI)

⁷ Ikehu Abram tsu-aqu khemi ngo Lot tsu-aqu khemi dolo mutomushu keu auve. Tipa ghulokilo Kananmi ngo Perizimi no tipa ghakhulo acheke.

BOTHUBO 13:7 Iomraidhean Croise

BOTHUBO 10:19

Canaanmi lughi ye Sidon lono Gerar küdau no Gaza kuto, eno Sodom, Gomorrah, Admah eno Zeboiim ngo Lasha küdau kutolo ke.

BOTHUBO 12:6

Abram no chesü Shechem lo a-a lakhi Moreh lo aphisübo akeu lo ighi. Tipa ghuloki lo Canaanmi ye tile acheghi.

BOTHUBO 21:25

Kughou Abraham no Abimelek vilo pa qemi no azükhe süxa luve tsükeu muchho keno,

BOTHUBO 26:20

Gerar lo amishi khemi no Isaac mishi khemi sasü mtouve no pi, “Azü ye niw ke.” Ikehu pa no azükikhe je pesü Esek kuvetsü, kughengu panongu no pa sasü kishi ke.

BOTHUBO 34:30

Tile Jacob no Simeon ngo Levi pama vilo pi, “Nokujo ye I shou aküküpna süghivae eno Canaanmi ngo Perizimi yeghi hile küxümi zülo I pesü ajuaje küsapu shive tsüae. Ni ye aghulo ke, eno tsala panongu no hekütsüpe I mjochile eno leighi aye, ni eno I kibo ye kütsave nanie.”

BOTHUBO 46:34

nongu ye ishi pilo, ‘Ningu eno ningu papu, o qemiqo ye ni lhothe lono ishi kutolo atsü-aqu pighi achenie,’ tishi pikeu vecheo nongu ye Goshen yeghi lo küghüna lunani, kughengu Egyptmi ghenguno ambekhemi ye aphikümqhüpu ke.”

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

IPEKULU 2:17

Ambekhemi no ighi no panoqo hapupove, ikemu Moses no ithu no panongu xalu, eno pano tsü-aqu azü piyetsü.

AHOLE 20:3

Aküküpna lono putosü luve kemi ye agigihupu ke, ikemu mbomzümi thaqhü no mtomshu acheni.

Mark 3:25

Akibo lakhi dolono kijethave aye, akibo tipau ye puthugho lumoae.

1 Kor. 3:3

kughengu nongu ye ashi lono xüaphi ke. Nongu gholo anhekushu eno mtomshu akelo ti ye ashi eno ayeghi gholau no xü aphike kumo?

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

Kolosiami 4:5

Ado akiviu peitha no khalaumi zülo alokütsü lono xüpiye lo.

1 Thes. 4:12

tishikeu lono nongu ye khuu shoumu mungube mono khalaumi zülo kithikiyi xülu nani.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

James 3:16

Kughengu khile anhekushu eno aghükha ani keno, tile kübangü keu eno alhoksa jeli kümtsü anie.

James 4:1

Nongu gholo kighekile keu ngo kichighi keu ye kiu no kea? Ti ye nongu no pitipüza keu no nongu lolo kichighi keu ghenguno ke kumo?

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.