BOTHUBO 13:16 - Sumi Naga CL (Re-edited) Bible (BSI)

¹⁶ I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BAIBEL (BSI)

¹⁶ Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 13:16 Iomraidhean Croise

BOTHUBO 15:5

Pa no khalacheu pa saipe no pi, “Atsütsü küdau julo, eno tsala nono ayepuqo kihilu kepu shi aye kihiju lo.” Tishino Pa no pa vilo pi, “O tikughuko ye hitoi nani.”

BOTHUBO 16:10

Itaghi Ampeuw kungumi no li vilo pi, “I no mtsüqhei o tikughuko küghüsü tsü nani, tishikeu lono panongu ye aqokitikhi kihikha kümla shive nani.”

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 17:2

tishianguno Iw puloshoqhi nikujo dolo shini, eno no ye shishe kije ikowolu nani.”

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 17:6

I no o pelo shishe athi pithi lupe nani, o pesü shiye kutomo kughulho nani, eno o launo kükamiqo ighi nani.

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 21:13

I no aqüaxeu atopuu nu ghi shiye lakhi shitsü nani, kughengu pa ye o tikughuko ke.”

BOTHUBO 22:17

I no mtsüqheino o kümgha tsüni, eno mtsüqheino atsütsü lo ayepu ngo azüghimkü lo asaye toi o tikughuko kighishe tsüni. Eno o tikughukomi no pa ghümiqo khagho khasü luve nani,

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

BOTHUBO 28:3

Akughushu Lhou no o kümghatsü peni eno o pelo athi pithilu eno kughukolu peniu, tishianguno no ye lighimi timi shilu peni.

BOTHUBO 32:12

Ikemu Nono pi, ‘Mtsüqheino Ni ye o lau akivi shitsü nani, eno o lagha pesü azüghi lo asaye, khikhi kihi khamla keno titoi aqokitikhi shitsü nani.’”

BOTHUBO 32:13

Ikehu pa ye tipaji tilehi ngove, eno pa no kiu pighi akeno tipau lono pa mu Esau ghenguno agho luve,

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

KUKAMI ATUGHIU 3:8

O qeu ye Nono kisheluve kemi, shishe ajekipimi, eno kihikhakümla timi hijeje dolo ani.

KUKAMI ATUGHIU 4:20

Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

KUKAMI AKINIU 13:23

Ikemu Ampeu no panongu lau küpükini eno kimiye keu ache, eno Paw puloshoqhi Abraham, Isaac, eno Jacob lau akehu ishi kutolo panoqo süsho eno pühavemo momu Pa zülono hapheve moke.

YEKIKITHI ATUGHIU 21:5

Pa no hitoi timi kihikülai pe David pithi, Israel qha kümtsü lo azütakikihi pekithimi no pano lakh chighiqhaqhi, eno Judah lono pano lakh bidi qhethonhe lhotsüni.

YEKIKITHI ATUGHIU 27:23

David no apunu mpe muku qhou ye kihi move, kughengu Ampeu no Israelmi pesü atsütsü lo ayepuqo jehi shitsünie pi piqhi püake.

YEKIKITHI AKINIU 1:9

O Ampeu Alhou, O tsa I pu David lau piqhi keu shikupu tsülo, kughengu Nono I pelo timi ayeghimkhu jehi shou akükau shive apeke.

JOB 5:25

Itaghi o ji lo kiyighi no kutomo shini keu nono ithi nani, eno o polo kughuko no ayeghi lo atsaneghu toi qhawo nani.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

JEREMIYA 33:22

Atsütsü lo ayepuqo kihi khamla eno azüghi lo asaye mighi khamla ketoi, I no I qeu David ti kughuko küghüsü tsü nani, eno Levi chinemi I huthu chekemi ghi tishi tsünani.”

AKIKIHI 23:10

Khuu no Jacob yeghimkhu kihilu momu kikije abidiu kihi luni kea? I pelo amikuchomi kithi thilu pelo, eno I shekuho ye pano toilu pelo!”

ZAKINIU 1:10

Ampeu nongu Lhou no nongu kughukove tsüae, julo, itehi nongu ye atsütsü lo ayepuqo jehivae.

IBRIMI 11:12

Ikehu thiveke kumlho timi lakhi launo atsütsü lo ayepu eno azüghi mkülo asaye jehi atianuli kughukolue.

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,

XAKUTHAMI 6:3

Kughengu kugho kughomu Israelmi no tüxatini alu lo yisü aye, Midianmi ngo Amalekmi eno kipelau shiayeqo no panongu lenike iqhoghi che.

XAKUTHAMI 6:5

Kughengu Midianmi no tülhaqu toi panow lhoxü jeli sasü iqhoghi no aphiki shi, ikemu panongu eno panow sayeshiqo ye kihikhamlae, tishikeu lono panongu no ngove keu yeghi kümtsü shipüsave tsü cheke.