BOTHUBO 13:13 - Sumi Naga CL (Re-edited) Bible (BSI)

¹³ Sodommi ye küsakügha, Ampeu shou axine kije shiche kemie.

BAIBEL (BSI)

¹³ Ikemu Sodom phughilo akemiqoye AMPEU zulo ighono lhoksakughami eno axinemiqoe.

BOTHUBO 13:13 Iomraidhean Croise

BOTHUBO 10:9

Pa ye Ampeu zülo akumto shihami. Tighenguno ishi piche, “Ampeu zülo akumto shihami Nimrod toi.”

BOTHUBO 15:16

Eno panongu ye tiqheli abidiu lono hile ideighi nani, kughengu Amorimi xine ye kupu mphike.”

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

BOTHUBO 19:13

Kughengu hipa-a lo timiqo no ighamku keu ye Ampeu zülo ighono kije shive akehu ningu ye hipa-a kütsa niye shivae, eno Ampeu no hi kütsave peniye ningu puwuvae.”

BOTHUBO 38:7

Ikemu Judah nu anoghiu Er ye Ampeu zülo küsakügha shive, eno Ampeu no pa pithive.

BOTHUBO 39:9

Akibo hipau lo I nguno alau kije kühae, momu pa ye o likhi kumo aye kütau kiumu I launo süchileve moe, kughengu no ye pa nipu ke. Tishi aye kishino küsakügha kije eno axine hipau ni ye Alhou hebide ghi shini kea?”

BOTHUBO 6:11

Tipa ghuloki lo ayeghiqha ye Alhou nhethe lo küsaküghapu shive, eno hekiqhi ghikiqhi no chhitoive.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

AKIKIHI 32:23

Ikemu nongu no hitoi shimo aye, julo nongu ye Ampeu zülo axine shivae eno tipau xine no nongu shou akipimi ikughi nani pütsae.

MATTHEW 9:10

Kughou Jisü no aki lo alibe chuniye iqa keno, julo, asüqha küqhami kutomo eno aqoaho lo kihisümo keqo no ighi püzü Jisü ngo pa khopemi gholo chuthuve.

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

John 9:24

Ghuthu akiniu panongu no anhethi iche achekeu kuno pa vilo pi, “Alhou jepipi tsülo. Nino ithi anike timi hipau ye axinemie.”

John 9:31

Ningu no ithi anike Alhou ye axinemi tsa initsü chemoe, ikemu khunono Alhou mlla eno Pa pulou shi cheni keno Alhou no pa tsa initsü cheni.

Rommi 1:27

titoi kiptimiqo ghi alhoaye lo totimi sasü ashiaji küqha chekeu ye qhive no pitipüza lakhino lakhi ghapiqi kileni keu no chhitoive, kiptimi no kiptimi sasü akukujopu kümla shiuveke lono pütüta jume panongu no aghime ithulu püani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

2 Peter 2:10

eno ti ye akhotoshi khunono pano shiaji lo ngosükümla kükümsü pape no yepemi jukünatha cheni keno tipaqo pi ani. Msaighümo mithe panoqo no amlo kumto eno aqheküza shi ajuküvüpu lo akemi thaigha cheni,

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

SAMUEL ATUGHIU 15:18

Ampeu no akümlapu lakhi lo o puwu no pi, ‘Wulo, Amalekmi axinemi kütsave lo, eno püha khamoke kutolo aghü shilo.’

SAMUEL ATUGHIU 2:17

Ikehu achineu pama xine ye Ampeu zülo ighono kije shive, kughengu pama no Ampeu kümllagho küthakügha shi peithake.