BOTHUBO 12:7 - Sumi Naga CL (Re-edited) Bible (BSI)

⁷ Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BAIBEL (BSI)

⁷ Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 12:7 Iomraidhean Croise

BOTHUBO 12:8

Tilehi no pa no Bethel kipelau atoghi ghakhu lo iqesü wuve, eno Bethel no kulolau shi, Ai no kipelau shino pa phiki tshü. Eno pa no Ampeu lau akümlla-khache shiqhe no Ampeu je kue.

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 13:17

Ithulo, ayeghi hipau akijelau eno akushulau kupuju chesü wulo, kughengu I no tipau o tsüni.”

BOTHUBO 13:18

Ikehu Abram no pa phiki xakiqheve no wo Mamre lo aphisübo phivilo xüsüve, tipau ye Hebron lo ani, eno tile pa no Ampeu lau akümlla-khache shiqhe.

BOTHUBO 13:4

a-a khile pa no atüghü lo akümlla-khache mla keno, tilau wuve. Eno tileno Abram no Ampeu mllae.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

BOTHUBO 17:3

Tile Abram no pa gi pishiqho luve. Eno Alhou no pa vilo pi,

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 18:1

Atsala külü dolo Abraham no pa phiki hukikha lo iqa akelo, Ampeu no Mamre lo aphisübo phivi lono pa lau ipeghi.

BOTHUBO 22:9

Kughou pama no Alhou no kichetsü keu-a lo ighive keno, Abraham no tilehi akümlla-khache shiqhe no asü kithipe qhive eno pa nu Isaac tsüghave no akümlla-khache lo asü shou bepe qhive.

BOTHUBO 24:7

Ampeu, atsütsü Lhou, khuu no I limi eno I sholokumi yeghi lono I saipeghi, eno ‘O tikughukomi lau I no ayeghi hipau tsüni,’ ipi I pütsa eno I lau ashoqhi shi keno, Pa no Paw kungumi o züu puwu tsü nani, eno no ye I nu ghenguno tilauno anipu lusaghi nanie.

BOTHUBO 26:25

Ikehu pa no tilehi akümlla-khache shiqhe no Ampeu mlla eno pa phiki shiqhe. Eno Isaac qemi no tilehi azükikhe lakhi chhue.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 28:4

Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

BOTHUBO 32:30

Ikehu Jacob no tipa-a pesü Peniel kuve tsüno pi, “Kughengu ni ye agi no agi kinheqhe Alhou ithuluvae, tishimu I küxü xaphe tsüke.”

BOTHUBO 33:20

Tilehi pa no akümlla-khache shiqhe eno tipa-a pesü El-Elohe-Israel kuvetsü.

BOTHUBO 35:12

I no Abraham ngo Isaac tsükeu yeghi o tsü nani, eno o shelo o tikughukomi lau I no ayeghi tsü nani.”

BOTHUBO 35:7

eno tilehi pa no akümlla-khache shiqhe no tipa-a pesü El-bethel kuvetsü, kughengu pa no pamu launo posü wuche kelo, tipa-a lono Alhou no pa lau ipeghi ke.

BOTHUBO 50:24

Joseph no pa mu noqo vilo pi, “Ni ye thive niye shivae, ikemu Alhou no nongu xuju ighi nani eno ayeghi hipau lono nongu sasü Pa no Abraham, Isaac eno Jacob vilo ashoqhi shikeu yeghi lo ipeve nani.”

BOTHUBO 8:20

Tishino Noah no Ampeu lau akümlla-khache shiqhe eno mqhamqhi keu lhoxü ngo aghau khami ikhilu no akümlla-khache lono akipti kümllagho tsüe.

SAMUEL AKINIU 24:25

Eno David no tile Ampeu lau akümlla-khache shiqhe no akipti kümllagho ngo külakishi kümllagho pesü mlla. Ikehu aghakhu züqhushi qhüiniju keu Ampeu no khochile tsüno Israel lo püsa kishekhave tsü.

KUKAMI ATUGHIU 18:32

Eno tipaqo pesü Ampeu kümlla khache mla, eno tipau homxa ghi azülaki mlave, azü liter shighi qhemi khepucho kulupu heve.

YEKIKITHI ATUGHIU 16:16

Abraham sasü puloshoqhi shikeu, Isaac lau pikiqhi shoqhi shikeu,

YEKIKITHI ATUGHIU 16:18

ti ye hike, “I no Canaan yeghi pesü amheghi shi o saje shitsüni.”

YEKIKITHI AKINIU 20:11

tipa jume shi panongu no Nono ni tsükeu mheghi yeghi lono ni hapheve niye ani.

YEKIKITHI AKINIU 20:7

O Alhou, Nono Israelmi zülono hile xüküami hapheve tsüno ayeghi hipau pesü O poshuu Abraham polo kughukomi alholo ghenguno tsüke kumo keshea?

EZRA 3:2

Tile Jozadak nu Jeshua no pa lojimi achinemi, eno Shealtiel nu Zerubbabel no pa laghaqo sasü puthugho, eno panongu no Israel Lhou kümlla khache shiqhe, tipa shou no akipti kümllagho mllani ye shi, ti ye Alhou timi, Moses Yezah lo yepüakeu kiqi lono.

IPEKULU 17:15

Moses no akümlla-khache lakhi shiqhe eno tipa je pesü, Ampeu ye Iw Michiphi ipi kuvetsü,

IPEKULU 24:4

Moses no Ampeu tsa kümtsü yekütsüpe qhive. Pa no inaqhe itheno ithu no naghuto pukhu philo akümlla-khache shiqhe eno Israel shiaye chighikini kiqi lono atsükucho chighikini ghope qhi.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

IPEKULU 33:1

Ampeu no Moses vilo pi, “No eno timi khunoqo nono Egypt yeghi lono saipeghi keno, hileno chevelo, eno I no Abraham, Isaac, ngo Jacob vilo, ‘O tikughukomi lau I no tsüni,’ ipi püakeu yeghi lo iqhove lo.

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

JEREMIYA 3:18

Tipau tsala lo Judah kibo ye Israel kibo gholo küqha luve nani, eno küqhano ahuu yeghi lono I no nongu puasüqo tsükeu yeghi pesü amheghi shiluve nani.

AKIKIHI 26:53

“Alagha hipaqo dolo pütüta kikihi kiqi lono ayeghi pesü amheghi shi kije tsülo.

AKIKIHI 32:11

‘Jualo, kiptimi ampe muku nguno kunguu khije Egypt lono ipeghi keno milakhi mu I no Abraham, Isaac, eno Jacob lau piqhi püakeu yeghi lo ilo pemoae, kughengu panongu no amlo kuchopu pesü I papemoe,

Apostolmi 7:5

Ikeghi tile apukhu kinepu-a mu pesü pa mheghi shi tsümoe, eno pa no anu küha keghi ayeghi pesü pa eno pa polo kughukomi mheghi shitsüni kepi tushoqhie.

Rommi 9:8

Hipau kiqi ye Alhou nuli kepi kihi luni keu ye ajilo kiyighiqo no kumoe, ikemu pikiqhitsa kiqi lono ighi kemiu noke.

Galatiami 3:16

Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Galatiami 4:28

Itehi nongu athiküzümi ye Isaac toi pikiqhi tianuliqo ke.

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

ZAKINIU 6:10

“Ampeu nongu Lhou no nongu puasü Abraham, Isaac, eno Jacob tsünike tushoqhi keu yeghi lo nongu sailoghi no nongu no shiqhemo keu phughi kije eno akivi nongu tsükelo,

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

IBRIMI 11:13

Hipaqo kümtsü aküpülü lono thivae. Panongu ye piqhi püakeu ithumlave, ikemu putou no ithulu no kuchou kepi ikhiluve, eno ayeghi lo inami eno hapheve kemiae pi ikhiluve.

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.

JOSHUA 1:6

Akumto shilo eno amlo kuloghi shilo, kughengu I no panoqo puasü tsünike piqhi püakeu, nono sakipheu shino panongu pelo ayeghi tipau hu amheghi shi ighilu penani.

JOSHUA 22:10

Kughou Reuben, Gad eno Manasseh shiaye tüxa no chewo Canaan yeghi Jordan kupunu keno panongu no tile akiptia kije lakhi mla.

JOSHUA 8:30

Tipa ghuloki lo Joshua no Ebal naghuto lo Ampeu Israel Lhou ghenguno akümlla-khache lakhi mla.

XAKUTHAMI 6:24

Gideon no akiptia lakhi tile shiqhe no, “Ampeu ye aloino” ipi kuvetsü. Ishi kutolo Ophrah lo ti aphi eno ti ye Abiezer laghamiw ke.

SAMUEL ATUGHIU 7:17

Tishino pa no Ramah lo pa kilo idewove che, eno tilau ghi pa no Israelmi shou xathatsü che. Pa no tile Ampeu ghenguno akümlla-khache shiqhe pukue.