BOTHUBO 11:31 - Sumi Naga CL (Re-edited) Bible (BSI)

³¹ Terah no pa nu Abram, pa tilimi Haran nu Lot, pa nu Abram nipu eno pa mukishiu Sarai, ishi sasü kümtsa Chaldeami yeghi Ur lono Canaan yeghi lo wuniye cheve, ikemu kughou panongu no Haran lo ighi keno, panongu no tile xüsüve.

BAIBEL (BSI)

³¹ Ike Tera no panu Abram ngo pa ti-nu Lot, ti Haran no nu eno Abram nipu pamukishiu Sarai ishi sasu pa gholono Kanan ghakhulo wunike ghenguno Khaldiami yeghilo Ur phughi qhive. Panonguno Haran phu kutolo ighino tile kughunache.

BOTHUBO 11:31 Iomraidhean Croise

BOTHUBO 10:19

Canaanmi lughi ye Sidon lono Gerar küdau no Gaza kuto, eno Sodom, Gomorrah, Admah eno Zeboiim ngo Lasha küdau kutolo ke.

BOTHUBO 11:32

Terah mpe ye 205, eno Terah ye Haran lono thive.

BOTHUBO 12:4

Ikehu Abram ye Ampeu no pa vilo pi ketoi wuve, eno Lot no pa gholo wuve. Kughou pa no Haran qhive keno, Abram ye ampe 75 shiae.

BOTHUBO 12:5

Abram no pa nipu Sarai, pa thiküzüu nu Lot, panongu no tinhemgha hekütsülu keqo, eno Haran lono qhülu kemi ishi sasü Canaan yeghi lo wuve. Kughou panongu no Canaan yeghi lo ighi keno,

BOTHUBO 14:12

Panongu no Abram thiküzüu nu Lot, khuu Sodom lo küghüna akeno, pa eno paw tinhemgha ghi luve tsüno cheve.

BOTHUBO 15:7

Ampeu no pa vilo pi, “Ni ye Ampeu, Chaldea ghakhu Ur lono ayeghi hipau o tsüno ti ighilu peniye o saighi keu ke.”

BOTHUBO 24:10

Tishino aqeu huno pa mpeuw sayeshi chighi eno agho jeli akiviu ikhipe wuve; eno pa no ithu Mesopotamia lo Nahor phughi lo wuve.

BOTHUBO 24:15

Pa no atsa pi tamphi lono, julo, Bethuel nonga Rebekah no azübohu li bighi lo xapu ighi. Bethuel ye Abraham thiküzüu, Nahor nipu Milcah no punuke.

BOTHUBO 27:43

Tighenguno I nu, itehi I tsa lulo. Ithu Haran lo I peu Laban lau povelo,

BOTHUBO 28:10

Jacob no Beersheba qhive no Haran küdau wuve.

KUKAMI AKINIU 19:12

I puasüqo no shiye kütsave keqo Gozan, Haran, Rezeph, eno Telassar lo Edenmi akemi lhouqo ye pano xaphelu keshea?

NEHEMIA 9:7

No ye Ampeu Alhou, Abram kishelu no Chaldea lo Ur lono pa saipeghi no Abraham ipi pa je kutsü keu huke.

JOB 1:17

Pa no pi aphi lono itaghi lakhiu ighive no pi, “Chaldeami no amqo küthüshi ighi no sayeshiqo hakholuve no sawove tsüa eno aqemi ghiqhi khave tsüke akushukulu I likhino pokasü o vilo piniye ighilu anie.”

ISAIAH 37:12

I puasüqo no Gozan, Haran, Rezeph, eno Edenmi khunoqo Telassar lo ache keno, hipaqo kütsale kelo pano lhouqo ye panongu xaphelu keshea?

IBRIMI 11:8

Aküpülü lono Abraham ye hithiu pa mheghi shiniye akeu yeghi lo Alhou no wu peniye kukelo agholue. Pa ye khila wucheni keno mtha keghi aghokulu shi wuve.