BOTHUBO 11:29 - Sumi Naga CL (Re-edited) Bible (BSI)

²⁹ Abram ngo Nahor pama ye anipu luve. Abram nipu je no Sarai, eno Nahor nipu je no Haran nonga Milcah, Haran ye Milcah ngo Iscah pama papu.

BAIBEL (BSI)

²⁹ Abram ngo Nahor pamaye anipu luve, Abram nipu jeno Sarai eno Nahor nipu jeno Milka, liye Haran no nga eno Haran ye Iska papu ke.

BOTHUBO 11:29 Iomraidhean Croise

BOTHUBO 17:15

Alhou no Abraham vilo pi, “O nipu Sarai ghenguno, no ye li pesü Sarai ipi moae, ikemu li je ye Sarah ipi kuniae.

BOTHUBO 20:12

Tinguno alau, li ye kuchou no I chepue, I za vecheo kumo kemu I pu nonga, eno li ye I nipu shive.

BOTHUBO 22:20

Hipa thiu Abraham vilo ishi pi, “Julo, Milcah ghi o thiküzüu Nahor lau anuli punuve tsüae:

BOTHUBO 22:23

(Bethuel ye Rebekah papu.) Milcah no pano tache Abraham thiküzüu Nahor lau punu tsü.

BOTHUBO 24:10

Tishino aqeu huno pa mpeuw sayeshi chighi eno agho jeli akiviu ikhipe wuve; eno pa no ithu Mesopotamia lo Nahor phughi lo wuve.

BOTHUBO 24:15

Pa no atsa pi tamphi lono, julo, Bethuel nonga Rebekah no azübohu li bighi lo xapu ighi. Bethuel ye Abraham thiküzüu, Nahor nipu Milcah no punuke.

BOTHUBO 24:24

Li no pa vilo pi, “Ni ye Nahor nipu Milcah no punu keu Bethuel nonga ke.”