BOTHUBO 1:29 - Sumi Naga CL (Re-edited) Bible (BSI)

²⁹ Alhou no pi, “Julo, ayeghi lo ayetsüni lhoipeghilu kepu lothi eno alothikupu xathibo kümtsü I no nongu tsüvae. Tipaqo pesü nongu chuqupu shini.

BAIBEL (BSI)

²⁹ Alhou no pi, “Julo, ayeghi shou ayetsuni lothi akeu eno axathi lothi pithi keu subo kumtsu nongu tsuvae; tipaqoye nongu chuqupu ke.

BOTHUBO 1:29 Iomraidhean Croise

BOTHUBO 2:16

Ampeu Alhou no azah pa tsüno pi, “Aghutu lo akeu xathibo kümtsü nono vejoi chulu nani,

BOTHUBO 6:21

Achuqupu jeli ghi kiu chucheni keno kümtsü o gholo pelo eno pekütsü lo. Tipaqo no o ghenguno eno panoqo ghenguno achuqupu shi nani.”

BOTHUBO 9:3

Ithakiche lhoxü thaqhü no o chuqupu shi nani. Eno I no ayetsüni nongu tsüve ketoi thokha kümtsü nongu tsü ani.

JOB 36:31

Kughengu Pa no tsütsüghu puwu no timi loji cheni; eno pofushi achuqupu tsücheni.

LESHELE 111:5

Khunono Pa gihu cheni keno Pa no achuqupu tsü cheni; Pa no Paw puloshoqhi alholo kümsülu cheni.

LESHELE 115:16

Kungugha ye Ampeuw kungugha ke, ikemu ayeghi ye Pa no timi nuliqo tsüvae.

LESHELE 136:25

Pa no xüakeu lhoxü kümtsü lau achuqupu tsüe, kughengu Paw iqemokeu kikimiye ye alholo acheni.

LESHELE 146:7

nedaqoda püakemi saphu ghi Pa no kuchou xakütha tsü cheni, Pa no müzüthi akemi lau achuqupu tsü cheni. Ampeu no akughumi khaqhiphe cheni;

LESHELE 147:9

Pa no achuqupu tüghashiqo tsü, eno aghati no igha kelo loji cheni.

LESHELE 24:1

Ayeghi eno tipau lo akeu kümtsü Ampeuw ke, ayeghiqha eno tile küxümi ghi Paw ke,

ISAIAH 33:16

pa no qhemghaike-a lo xü nani; atuqu liwo no pa sükusho-a shi nani; eno pa sala chuqu-kusho ye püqüve mo nani.

HOSIYA 2:8

Athi, aji eno thazü ngo Baal mlla chekeu ghükayi eno ameshoyi pesü li pipe keu ye I no kepi li ye mthae.

MATTHEW 6:11

Tsalakipe chuqupu ishi tsala lo ningu tsülo,

Apostolmi 14:17

Ikeghi Pa ye thopimi qhimoke kumoe, kughengu Pa no akümla kivi hitoi shi püani: atsütsü lono tsütsüghu piqitsü; atusho kiqi lono axa jeli nongu tsü; achuqupu ngo alokivi pesü nongu mlo piqi tsüke.”

Apostolmi 17:28

kughengu “‘Pa gholono ningu ye xülu, ithalu eno ampi anie’; nonguw leshe kiyemi khami ghi pi püani, “‘Kughengu ningu ye Pa tikughukomi ke.’

1 Tim. 4:3

Panongu no külakupu lakha cheni eno achuqupu khikhi pülü luve no kuchou ithi kemi pelo shikimthikütsü lono ikhipe chu peniye Alhou no lhosü keno, tipaqo chukevilo picheni.

1 Tim. 6:17

Ishi tiqheli lo kinimi vilo qheza kevilo pilo, momu mtsüqhei mokeu kini shou pano lajupu bekevilo pilo, ikemu alokiqipu shilu peniye thokha pofushi ningu tsü chekeu Lhou shou lajupu belo pilo.