BOTHUBO 1:28 - Sumi Naga CL (Re-edited) Bible (BSI)

²⁸ Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BAIBEL (BSI)

²⁸ Alhou no panongu kumghatsu ghi pi, “Athi pithilu kighishe lu eno ayeghi nhakha lulo eno tipaqo mpiu shilulo; azulo akhaqo ayeghilo aghau qo eno iqho iqi ithakiche lhoxuqo kumtsu shou qhasululo.”

BOTHUBO 1:28 Iomraidhean Croise

BOTHUBO 1:22

Alhou no tipaqo kümghatsü ghi pi, “Athi pithilu no azüghi nhakha kughukolu lo, eno aghauqo pelo ayeghi lo kughukolu pelo.”

BOTHUBO 17:16

I no li kümghatsü nani, tinguno alau ghi, I no li vecheo anu lakhi o tsü nani. I no li kümghatsü nani, eno li ye shiyeqo paza shi nani; li launo ashiaye kükamiqo ipeghi nani.”

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 24:60

Eno panongu no Rebekah kümghatsü no li vilo pi, “Ni chepu, o pelo qhethonhe no qhethonhe paza shilu peniu, eno o tikughuko no pano mithi chekeqo khagho lelu peniu!”

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 33:5

Kughou Esau no pa nhethi tsüpuku no jupuwo keno totimi eno atianuliqo ithulu, eno pa no pi, “O gholo hipaqo ye khunoqo kea?” Jacob no pi, “Alhou no küpüqhiyi atianuli o qeu tsükeqo ke.”

BOTHUBO 49:25

o pu Lhou, o kuphu tsükeu, Akughushuu kükümgha, kunguu atsütsü lo eno aqhou azü kutho lo akeu, akichhi ngo atita kükümgha pesü o kümgha tsüke ghenguno ke.

BOTHUBO 5:2

Kiptimi ngo totimi Pa no lhosü, eno panoqo kümghatsü no panoqo je Timi ipi kuvetsü.

BOTHUBO 6:1

Kughou ayeghi lo kiptimi kughuko thuve eno totimi kutomo punuve keno,

BOTHUBO 8:17

Aküxüküa lhoxü o gholo akeqo—aghau, tüghashi tikishi, eno ayeghi lo itikiche lhoxü kümtsü saipeghi lo—tishino panongu pelo ayeghi nhakha no athi pithilu eno kughukolu penie.”

BOTHUBO 9:1

Alhou no Noah eno pa nuli kümghatsü no panoqo vilo pi, “Athi pithilu, kughukolu, eno ayeghi shepichhilu lo.”

BOTHUBO 9:7

Eno nongu ye athi pithi no kughuko lulo, ayeghi lo shishe ikowolo eno tileno kughuko lo.”

YEKIKITHI ATUGHIU 4:10

Jabez no Israel Lhou lau ighamku pi, “O pelo I kümghatsü no I lughi pekhotsü, O u no alhoksa lono I süsho no I sache penishi, tishianguno aghime I lau ighi pemo niye ke.” Ikelo pa no kiu khu keno Alhou no pulotsüe.

JOB 39:11

Pa küka kumto kije ghenguno no ye pa pükhülu, eno o kümlapu pesü pa lau kulhuqhi tsülu nanima?

JOB 42:12

AMPEU no Job küxü hukuthu lo nguno alau ashekhalau no pa kümghatsü. Ikehu pa ye ambe qhethonhe chighibidi, sayeshi 6,000, amshitsü 1,000, eno khurhaqu 1,000 auve.

LESHELE 107:38

Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

LESHELE 115:16

Kungugha ye Ampeuw kungugha ke, ikemu ayeghi ye Pa no timi nuliqo tsüvae.

LESHELE 69:34

Atsütsü eno ayeghi, azüghi eno tile lhoxü kümtsü no Pa sheqhelo.

LESHELE 8:6

Nono pa pelo O u lo kümla shou yepeu shive peae; Nono thime kümtsü pesü pa pukhu philo qhive tsüae,

LESHELE 8:7

ambe ngo amshitsü, eno aluza lo tüghashiqo ghi,

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ACHINE 26:9

I no nongu kümgha tsüno atianuli kughuko tsü nani eno nongu sasü puloshoqhi shikeu peche nani.

1 Tim. 4:3

Panongu no külakupu lakha cheni eno achuqupu khikhi pülü luve no kuchou ithi kemi pelo shikimthikütsü lono ikhipe chu peniye Alhou no lhosü keno, tipaqo chukevilo picheni.