Apostolmi 9:31 - Sumi Naga CL (Re-edited) Bible (BSI)

³¹ Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

BAIBEL (BSI)

³¹ Ike Judia, Galil eno Samaria qha kumtsulo akukuhouye iquneikeu do sholu ae. Ampeu sumsakeu lono hiye mutokithe eno azuu hawolu eno Aghungu Kimthe kukuphu lono alau thuwuae.

Sümi Tiqhelimi Bible

³¹ Tipathiu Judea, Galilee eno Samaria qha kümtsü lo akukuhouqo ye alokughuno tüqhüdo ithulu eno panongu ye mtokitheluve. Ampeu sükümsa lono xü keu eno Aghungu Kimthe no shikumto keu vechewo panongu ye akikihi alau iko wove.

Apostolmi 9:31 Iomraidhean Croise

YEKIKITHI ATUGHIU 22:18

“Ampeu nongu Lhou ye nongu gholo küha keshea? Pa ye ala jeli lono aloino keu pesü nongu tsüke kumo? Kughengu Pa no hipa cheaxü lo ache kemi pesü I u lo sütsü no Pa eno Paw timiqo zülono ayeghi hi qhasülue.

YEKIKITHI ATUGHIU 22:9

Julo, anu lakhi khuu vecheo iqüghai keu yekipe süghi nani keno, o lau punutsü nani. Pa hokümxa lo aghümi akemi kümtsü launo I no pa lokughunotsü nani. Kughengu pa je ye Solomon ipi ku nani, eno pa ghuloki lono I no Israel lo külakishi ngo iqüghai keu süghitsü nani.

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

LESHELE 111:10

Ampeu sükümsa ye alokütsü boqha ke; khunono tipau pape cheni keno vethakulu kivi ani. Pa shekiqhe ye alhokupuju ache nani!

LESHELE 86:11

O laghi I shikalo, O Ampeu, tishiaye I no Ow kuchou laghi lo checheni; O je sümsa penike I mlo lakhishi tsügha tsülo;

LESHELE 94:13

aveküsa tsala lono Nono akulhokiqhi pa tsü, küsaküghami kitime nike ghenguno aqo lakhi chhuke.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

AHOLE 23:17

Axinemi jumine kevilo, ikemu aküxü tivilo tamono Ampeu sükümsa lono xülo.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

ISAIAH 11:10

Tipa ghuloki lo shiye kütami no Jesse kuhu, khuu ashiayeqo ghenguno amchipu shi ithughi nani keno, pa jekipi kungo-a lo pa phusü ighi nani.

ISAIAH 33:6

eno nongu boqha kumtopu shino xakulupu, alokütsü, eno akighithi pofushi tsü nani; Ampeu sükümsa no Zion küakinie.

ZEKHARIA 8:20

“Aqokitikhi Mpeu no ishi piani: Timiqo ye ighini aphi, mishighünaqo lo küami ghi ighi nani.

Apostolmi 12:24

Ikemu Alhou tsa ye veküpha eno alau ikowove.

Apostolmi 16:5

Ikehu aküpülü lono akukuhomi shikumto luno ghulo atsütsü akikihi alau ikowolu.

Apostolmi 2:47

Alhou sheqhe eno timi kümtsü lopu shilue. Eno Ampeu no tsala kipetsü panoqo gholo xaluve kemi küpha tsüe.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 5:11

Akukuhomi eno hipa tsa chilu kemi kümtsü shou akümsa kije ikughive.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 14:19

Tishi aye kiu lono külashilu eno shiqhe kilelu cheni keno ningu no hajuni nolo.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

1 Kor. 14:12

Tihutoi nongu ghi Aghungu kümla pephe penishi khelho ani kehu akukuhou shiqhe pukukeu lo akiqheu shinike pükapütsa lo.

1 Kor. 14:26

Athiküzümiqo, tishiaye kiu pini kea? Kughou nongu kuhoni keno, nongu khami no ale pheluvi, khami no akükütsü, piyeküsü, amili kithe, momu pekidetsü luvi. Thokha kümtsü akukuhou xaqheni keu ghenguno shimasae.

2 Kor. 10:8

Kughengu nongu kütsave penike kumono shiqhe puku penike Ampeu no kükagha ningu tsükeu pesü kitila qhezalove aghi namu ni ye kujovemo nani.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 13:10

Hi ghenguno I no nongu launo putou akelono hipaqo yelu anike, tishianguno I no ighi kelo ni ye Ampeu no xaleqhive peniye kumono shiqhe puku peniye kükagha I tsükeu nongu lau mkamghai peithamo nani.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Ephesiami 4:12

ti ye Alhou kümla ghenguno hukuthumi qophepe kutokughoi shino Khristo phimpi shiqhe niye ke.

Ephesiami 4:16

Pa launo aghi aphimpi kuchopu anhü vecheo ghokünape kime küqhatsü no thuwulu cheni. Kughou aphiau lakhikhi no pütüta kümlapu achipi lono shini keno aphimpi ye kikimiye lono pa ampi shiqhelu cheni.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

Ephesiami 5:21

eno lakhino lakhi lau Khristo gihu keu michishi qhoqhü kilelo.

ZAKINIU 12:10

Ikemu kughou nongu no Jordan katha ikuno Ampeu no nongu tsü akeu yeghi lo xülu, eno no sükümxa lo aghümi akeqo launo nongu kulhoqhi tsüno sükusho tsüni keno,

FILIPIAMI 2:1

Tighenguno, Khristo laumi shikeu lono shikumto kilelu, kikimiye lono alokughunolu, Aghungu lono kuposhulu, ivüilailu eno amlosa qhiyi kilelu aghi aye,

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

1 Thes. 5:11

Tighenguno nongu no shiake toi, lakhino lakhi shikumto eno shiqhe puku alo.

1 Tim. 1:4

eno küghakiche tsa ngo ashekuho küha keu laghaphi ghili lakha peniye ke, kughengu tipaqo ye aküpülü vecheo Alhou launo ighi keu jukükütsü kümlapu pekho ke kumono, avehu küghüzüpu xukutho cheni.

IBRIMI 4:9

Tighenguno, Alhouw timiqo ghenguno Sabbath kulhokiqhi ye aphike,

JOSHUA 21:44

Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

Jude 1:20

Ikemu kimiye chekeqo, nonguw shishe akimthe küpülü shiqhe puku eno Aghungu Kimthe lono inikhu keu vecheo,

XAKUTHAMI 3:30

Ikehu tipa tsalani Israelmi no Moabmi qhasüve, eno tipa ghakhu lo ampe lhotache kutolo alokughuno shive.