Apostolmi 9:22 - Sumi Naga CL (Re-edited) Bible (BSI)

²² Ikemu Saul ye alau akumto shiuve, eno Damascus lo Jewmi vilo Jisü ye Khristo kepi thebei pi kelo panongu ye pa lamlave.

BAIBEL (BSI)

²² Ikemu Saul ye pa ghuthi kuxu alau shiuve, eno Jisu ye Mesiya ke pikeu kuchou tsa Damaska lo Judami kughuna-akeqo mlolo putsaqhitsu ikehu panonguye pa lamlavekepu shive.

Sümi Tiqhelimi Bible

²² Ikemu Saul ye alau shi mutotoi kitheve no Damascus lo Jewmi küghüna akemiqo phiküghüzü ghi Jisü ye Messiah kepi kimchitsü.

Apostolmi 9:22 Iomraidhean Croise

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

LESHELE 51:13

Tileno hekibidemi lau I no O laghiqo shika piye nani, eno axinemi no O lau xaide ighi nani.

LESHELE 84:7

Panongu no alau-alau akumto shikithe wuve, milakhikhi no Zion lo Alhou zülo ighie.

ISAIAH 40:29

Pa no aküka pesü kulhokughomi tsü cheni, eno akumto küha kemi küka kughukotsü cheni.

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Apostolmi 17:3

Khristo ye imeve no akithi lono ithughi masa kepu shive keu hepho piye no pi, “Hi Jisü khuu I no nongu lau sheshu ani keno pa no Khristo ke.”

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Apostolmi 9:20

Tithiu pa no mtazü sinagog lono Jisü ghili sheshu, “Pa ye Alhou Nue.”

Apostolmi 9:21

Pa tsa chilu kemi kümtsü no akümzave no pi, “Jerusalem lo aje hipau ku aghi kemi thaqhü timi hipau no heqhi cheke kumo? Pa ye tipaqo küghape achinetomi zülo sawuni keu kimji lono hilau ighike kumo keshea?”

Apostolmi 9:23

Atsala kutomo thiu Jewmi no Saul pithive nike kümqü,

Apostolmi 9:27

Ikemu Barnabas no pa sasü apostolmi lau ighi no panongu vilo kishi ala lo pa no Ampeu ithulu, Ampeu no pa pütsa eno tithiu pa no mtotoi Damascus lo Jisü je lono asheshu keno lhepiye.

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

Galatiami 1:18

Tishino ampe küthü thiu ni ye Jerusalem lo Cephas xuju niye iqho eno pa sasü atsala chighipungu ngove.

FILIPIAMI 4:13

Khristo no I shikumto keu vecheo ni ye thokha shilu nani.

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,