Apostolmi 9:17 - Sumi Naga CL (Re-edited) Bible (BSI)

¹⁷ Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

BAIBEL (BSI)

¹⁷ Anania no wupuzu akilo ilo pa-u Saul shou be puzu pi,”Athikuzuu Saul, nono hilau wuchekela lono Ampeu Jisu khuu olau ipeghi keno, pano olau ipuwu ani tishianguno opelo itaghi ithulukithepe eno Aghungu Kimthe no chhitoilu peniye ke.”

Sümi Tiqhelimi Bible

¹⁷ Tipathiu Ananias no wu no aki alou ilo. Pa u pesü Saul shou be püzü ishi pi, “Athiküzüu Saul, Ampeu Jisü, khuu nono hilau wuche kelo alaghi lo O lau ipeghi keno, pa no O pelo ithulu kitheve püzü Aghungu Kimthe no chhitoilu peniye O lau I puwu ani.”

Apostolmi 9:17 Iomraidhean Croise

BOTHUBO 45:4

Ikehu Joseph no pa mu noqo vilo pi, “Kimiyeno kupunu ighilo.” Panongu no kupunu ighi. Eno pa no pi, “Ni ye Joseph, nongu thiküzüu, khuu nongu no Egypt lo jepuwuve keno pa ke.

MATTHEW 19:13

Tileno Jisü pelo pa u beno inikhu tsü penike timi khami no itimi pa lau saghi. Akhopemi no timiqo sakiyi,

Mark 5:23

eno tsüikhomo pa qhüiniju pi, “I nga ye thiveni keu lo ngovae. Kimiye no ighi püzü li shou o u betsü lo, tishi aye li ye athoputho luve no xülu nani.”

Mark 6:5

Ikehu tithiu pa ye küsükinimi lakhi kini shou pa u beno shipivi tsükeu thono tile akughushu kümla kiumu shimlave.

Luke 1:41

Kughou Elizabeth no Mary sütsa chilu keno, li polo anu huno ithauve no li ye Aghungu Kimthe no chhitoive,

Luke 1:67

John papu Zechariah ye Aghungu Kimthe no chhitoive no tungkuptsa pithuve,

Luke 1:76

Anu, no ye Shishe Akiqheuw tungkupu kepi ku nani; kughengu nono Ampeu züuno pa laghi kuto tsünike wunani,

Luke 15:30

Ikemu kughou o nu khuu o mheghi kuchopu pesü kütüqhalimi gholono kuthole khave tsü keno, hipau no ighi kelaye nono pa ghenguno amshiti athakupuu heqhi tsüe!’

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 13:3

Panongu no kümvü akighini shino pama shou au betsü no puwuve.

Apostolmi 13:52

Pülüluve kemi ye alokivi eno Aghungu Kimthe no chhitoive.

Apostolmi 19:6

Kughou Paul no panongu shou pa u bekeno, Aghungu Kimthe no panongu shou ighi, eno panongu no amili lono eno tungkuptsa piuve.

Apostolmi 2:4

Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

Apostolmi 21:20

Kughou panongu no hi chilu keno, Alhou sheqhe, eno pa vilo pi, “Athiküzüu, nono ithi anino Jewmi gholo pülüluve kemi qhethonhe kutomo ani. Panongu ye ighono müamzü ayezah pecheni.

Apostolmi 26:15

I no pi, ‘Ampeu, no khuu kea?’ Ampeu no pi, ‘Ni ye Jisü, nono ghime akeu huke.

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

Apostolmi 6:6

Timi hipaqo apostolmi zülo saghi, eno panongu no panoqo shou au beno inikhu tsü.

Apostolmi 8:17

Ikehu pama no panongu shou au betsü, eno panongu no Aghungu Kimthe ikhiluve.

Apostolmi 9:18

Paikhavi no kiukela akoza toike pa nhethi lono ikiqive no pa ye ithulu kitheve. Tileno pa no ithu no baptiz shive;

Rommi 15:7

Ikehu Alhou juküvüpu ghenguno Khristo no nongu ikhilu ketoi nongu lakhino lakhi ikhilu kilelo.

1 Kor. 15:47

Timi atüghüu ye ayeghimkhu no lhoke; Timi akiniu ye kungugha lono ighie.

1 Kor. 15:8

Ashekha shi, Pa no ni ado tomphi lono punu keu nga toikeu lau ipeghie.

1 Kor. 9:1

Ni ye I ghoshi ililai anike kumo? Ni ye apostolmi ke kumo? Ni ye ni Mpeu Jisü ithulu püamo keo? Nongu ye I no Ampeu lau mlaphe keu kekumo keshea?

1 Tim. 4:14

Layemi hoho no o shou au betsü kelo, tungkuptsa vecheo agho o tsükeu hu kughucho kevilo.

1 Tim. 5:22

Mighimghai sakiphemi kishephepe au betsü kevilo, eno kütami xine lo kuloji kevilo; o küghape mqhamqhiyi lo.

2 Tim. 1:6

Hi ghenguno I no o shou kükümgha betsü kelono Alhou no agho o tsükeu hu iqü ipeghi penike o piputo ani.

Philemon 1:16

ti ye aqüaxemi gholau no kumoe, ikemu aqüaxemi nguno alau qhuivü keu thiküzüu toilu peniye ke. Pa ye ashi lo eno Ampeu küdau ghi I qhuu ke, ikemu tinguno alauno o qhuu ke.

IBRIMI 6:2

baptizkishi ghili, au kibe, kithimi xüchilekulu, eno lhokta küghakütha pesü itaghi aboqha qhakithe moni.

2 Peter 3:15

Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,