Apostolmi 8:24 - Sumi Naga CL (Re-edited) Bible (BSI)

²⁴ Simon no khochile, “Nono pive keu lakhimu I shou ighi pemoni ke I ghenguno Ampeu vilo inikhu tsülo.”

BAIBEL (BSI)

²⁴ Simon no ishi khochile, “Nongu kumtsu ighenguno Ampeu vilo inikhulo, tishianguno nono pikeu hipaqo lakhimu ishou ighi pemonike.”

Sümi Tiqhelimi Bible

²⁴ Simon no khochile, “Nono pive keqo I lau shikupu pemo nike ghenguno Ampeu lau inikhu tsülo.”

Apostolmi 8:24 Iomraidhean Croise

BOTHUBO 20:17

Tishino Abraham no Alhou lau inikhu, eno Alhou no Abimelek eno pa nipu ngo totimi aqemi ghi shipivi tsüe, tishikeu lono panongu ghi atianuli punulue.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

KUKAMI ATUGHIU 13:6

Akükau Jeroboam no Alhou timi vilo pi, “I ghenguno Ampeu o Lhou vilo inikhu tsülo eno I u hipau shipivi tsülo.” Alhou timi no Ampeu vilo inikhu tsü, eno akükau u ye athoputho luve.

EZRA 6:10

tishianguno panongu no kungugha Lhou mlokiqipu shi aghakishi tsülu nani, eno akükau ngo pa nuliqo küxü ghenguno inikhu tsü nani.

EZRA 8:23

Tighenguno ningu no hipau ghenguno kümvü eno ni Lhou vilo qhüiniju, eno nino khukeu Pa no chilu tsü.

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

IPEKULU 10:17

Tighenguno, kimiyeno itehi I kipimi qhive tsülo, hi likhi ake, eno Ampeu nongu Lhou vilo I launo akithi hipau ikhive tsü penike inikhu tsülo.”

IPEKULU 12:32

Nongu no pi aketoi, no mbeloji ngo amishi loji sasü chevelo, eno ningu ghi kümgha tsülo!”

IPEKULU 8:8

Tileno Pharaoh no Moses ngo Aaron kuno pi, “I lau eno Iw timi launo achuyiqo ikhi süwuve tsü penike Ampeu lau qhüiniju tsülo, eno I no timiqo pelo Ampeu lau aghakishi tsülu penike puwunie.”

JEREMIYA 37:3

Akükau Zedekiah no Shelemiah nu Jehucal, eno Maaseiah nu achineu Zephaniah pama tungkupu Jeremiah lau puwu no pipe, “Kimiyeno Ampeu ni Lhou lau ni ghenguno inikhu tsülo.”

JEREMIYA 42:2

Jeremiah vilo pi, “Ni kimiye tsü penike o lau ighi ani, hi ghükulumi ghenguno O Lhou Ampeu lau inikhu tsülo. Kughengu o nhethi no ithulu anike, ningu ye aghulo likhivae,

AKIKIHI 21:7

Ikehu timiqo no Moses lau ighi no pi, “Ningu no Ampeu shou eno o shou axine shivae. Itehi ye Ampeu vilo inikhu tsüno apighi hipaqo süwuve tsüpelo.” Ikehu Moses no timiqo ghenguno inikhu.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

SAMUEL ATUGHIU 12:19

Timi kümtsü no Samuel vilo pi, “O qemiqo ghenguno Ampeu o Lhou lau inikhu tsülo, tishianguno ningu ye thimo nani, kughengu ningu no akükau khu keu lono nino ni xine shou küsakügha hipau küphavae.”

SAMUEL ATUGHIU 12:23

Tinguno alau, ni ye nongu ghenguno inikhu mono Ampeu zülo pimive keu shimo nani, ikemu kiu no akivi eno achipiu laghi keno I no tipaqo nongu kütsüshika nani.