Apostolmi 7:5 - Sumi Naga CL (Re-edited) Bible (BSI)

⁵ Ikeghi tile apukhu kinepu-a mu pesü pa mheghi shi tsümoe, eno pa no anu küha keghi ayeghi pesü pa eno pa polo kughukomi mheghi shitsüni kepi tushoqhie.

BAIBEL (BSI)

⁵ Ikeghi tipa-alo apukhu nepa qhemi lakhimu pa mheghi shilukepu tsumoe; ikemu Alhou no tushoqhi keuno ti pa tsuniepi, eno tiye pawu eno pa tikughukomiqo wu shipeniepike. Alhou no hipau shoqhi shike ghulokilo Abraham ye ati anuli kuhae.

Sümi Tiqhelimi Bible

⁵ Alhou ye hilehi amheghi kiumu pa tsümoe, pa pukhu nesükulupu qhemi ayeghimu tsümoe. Ikemu Alhou no Abraham no anu küha aphi lonomu pa thikhau pa tikughukomiqo pelo ayeghi hu qhasüluve penike ipi tushokiqhi shike.

Apostolmi 7:5 Iomraidhean Croise

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

BOTHUBO 13:15

kughengu nono ithulu akeu yeghi kümtsü I no alholo ghenguno no eno o polo kughukomi tsüni.

BOTHUBO 15:18

Tipa tsalani Ampeu no Abram sasü puloshoqhi lakhi shino pike, “O tikughuko lau I no ayeghi hipau tsü ani, Egypt ghoki lono aghoki kije, Euphrates ghoki kuto,

BOTHUBO 16:2

Sarai no Abram vilo pi, “Julo, Ampeu no atianuli pununi keu lono I lakhavae. I qeliu lau wulo; tishi aye li vecheo atianuli I lau punu tsüluvi ke.” Eno Abram no Sarai tsa inive.

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 23:4

“Ni ye kupokichemi eno nongu gholo inami; akumo kuqho-a ghenguno nongu mheghi lakhi I tsülo, tishianguno I no Iw kithimi shiqho luni.”

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

EZEKEL 33:24

“Timi nu, Israel yeghi kütsave keu lo küghüna akeqo no pi ani, ‘Abraham ye pa likhie, ikeghi pa ye ayeghi amheghi shilue; ikemu ningu ye kutomoe; mtsüqheino ayeghi ye amheghi shi penike ningu tsüvae.’

ZAKINIU 10:11

Tishino Ampeu no I vilo pi, ‘Ithu no I no nongu puasüqo tsünike tushoqhi keu yeghi pükhalu nike saphesü wulo.’

ZAKINIU 11:9

eno Ampeu no nongu puasüqo eno pano polo kughukomi tsünike tushoqhi keu akichhizü ngo akhingozü no qowu akeu yeghi lo axüshulu nani.

ZAKINIU 2:5

Panongu sasü aghüshi kevilo, kughengu I no Seir Toghi pesü Esau mheghi shivetsü kehu Ni ye pano yeghi apukhu kinepu qhemi mu nongu tsümo nani.

ZAKINIU 34:4

Ampeu no Moses vilo pi, “I no Abraham, Isaac, eno Jacob vilo, ‘I no o polo kughukomi tsüni,’ ipi tushoqhi keu yeghi hi cheni. I no o pelo o nhethi no ti ithuluve peae, ikemu no ye tilau wumoae.”

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.