Apostolmi 7:42 - Sumi Naga CL (Re-edited) Bible (BSI)

⁴² Ikemu Alhou no panongu launo tsüghüve eno tungkupmi kaku lo ishi yepüa ketoi panoqo pelo atsütsü lo yepu-yesü mlla penike tsüve: “‘O Israelmi, ampe lhobidi asayeqha lo chekelo, nongu ye lhoxü eno aghakishi pesü I lau ighi keshea?

BAIBEL (BSI)

⁴² Ikemu Alhou no panoqo launo ighosu wuve eno panoqo pelo atsutsulo ayepu yesu akeqo mlla penikeu shivepe, ti tungkupmi kakulo ishi yepe puakeu hutoi, ‘O Israilmiqo, ampe lhobidi dolo asayeqhalo, Nonguye Lhoxu heqhi eno akumllagho pesu ilau ighi kesha?

Sümi Tiqhelimi Bible

⁴² Ikemu Alhou ye panongu lau no kughosü wuve eno panongu pesü khetsünhe, aqhi, eno ayepuqo mülá apenike tsüve. Hiye tungkupumiqo no kaku lo ishi yèpüa keu shikupu ke: “ ‘Israel timiqo, nongu ye küghünamokeu-a lo ampe lhobidi itsüche kelo aghakishi eno akümlaghoqo pesü I lau süghi keshea?

Apostolmi 7:42 Iomraidhean Croise

KUKAMI AKINIU 17:16

Panongu no Ampeu pano Lhou zakütsü kümtsü pheve, eno pano sala ayi no amshiti julho kini mlape qhi; panongu no Asherah mla no atsütsü lo ayepuqo mlla eno Baal huthu.

KUKAMI AKINIU 21:3

Kughengu papu Hezekiah no qhemghaike-a kütsave tsükeqo pa no shiqhe kitheve, pa no Baal kümlla-aqo mla, Israel kükau Ahab no mlake toi Asherah julho mlae, eno atsütsü lo aqhi ayepu kümtsü mlla ke.

LESHELE 95:10

Ampe lhobidi kutolo I no pano tiqheli jupe I phimqhü eno pi, “Panongu ye pano mlo lono kauve kemi timiqo, eno panongu ye I laghi ithi move.”

ISAIAH 43:23

Nongu ye I lau akipti kümllagho shi nongu mbe tsümoe; eno aghashi pesü I gihu moe. Ni ye akümllagho tsülopi nongu pünaqhi püamoe, momu müsüghüta tsülopi nongu züpüzü püamoe.

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

ISAIAH 66:4

Ni ghi panongu ghenguno aghimepu kishetsü nani; eno panongu no msa chekeu panongu shou pukutsü nani, kughengu khunomu I no kukeu lo khochile moe, I no pütsa kelo, panongu no ini tsümoe; ikemu kiu no I nhethe lo axine keno, panongu no ti shike, eno I no pulomo keu kishelu ke.”

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

EZEKEL 20:25

Tinguno alau, I no ayezah alomo keqo eno aküxüpu shimo kepu pimheyeqo panongu tsü,

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

EZEKEL 8:16

Pa no Ampeu kilo achebo alou I sailo. Eno julo, Ampeu chineki kulaghi lo akisheqho ngo akümlla-khache küma dolo timi pano muku pungu-a toike aghi, ti ye Ampeu chineki ye panongu zübou shive eno panoqo gi no kipela küdau shive no kipelau khetsünhe mlla aghi.

HOSIYA 4:17

Ephraim ye ajulho lau kime luve ake pa likhi qhivelo.

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

Apostolmi 13:40

Tighenguno tsükhüi lo, tikumo aye tungkupmi kaku lo pi püakeu no nongu shou ikughi nosae:

Apostolmi 7:36

Timi hipau no Egypt lono timiqo saipe, eno Egypt lo, Akuhu Züghi lo, eno asayeqha lo ampe lhobidi piqi akümzapu eno amchipu mlae.

ZAKINIU 17:3

kütau lhou qeuve eno mllauve no I no lakha chekeu khetsünhe, aqhi, momu ayepuqo mllauve aye,

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

IBRIMI 3:9

no puasüqo no ampe lhobidi kutolo tilau no I ghükeju eno I kümlaqo ithulu püani.

JOSHUA 24:20

Tsala nongu no Ampeu qhive no inami lhou qeuve aye, Pa no nongu lau akivi kümla shive akemu ideighi no nongu ghüza nani eno püghave nani.”