Apostolmi 6:1 - Sumi Naga CL (Re-edited) Bible (BSI)

¹ Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

BAIBEL (BSI)

¹ Tishiwo kusho kumolo, apapemi alau shi ikowove kehu Grik tsa kipimi Judami ngo Ibri tsa kipimi Judami dolo mutomushukeu ipeghive. Grik tsa kipimi Judamiqono pikeuno atsala atsalalo achuqupu kijetsu chekeulo panonguw chimemiqoye kughuchovetsu cheniepi pike.

Sümi Tiqhelimi Bible

¹ Tipau ghuloki lo kughou küpülümiqo alau shi iko wove keno, Greek tsa kipími Jewmiqo no Hebrew tsa kipimí Jewmiqo ye tsalà kipetsü achuqupu kijé tsü akeu lo panonguw chimemiqo juzüve tsü anike ipi muchho ipeghive.

Apostolmi 6:1 Iomraidhean Croise

JOB 29:13

Thiuve chekemi no I shikimthi eno I no chimemi lopivilu cheke.

JOB 31:16

“Tsala kumlhomi no laju chekeu I no süchilelu püaghi, momu chimemi püqapunu püzü anhebo khoivepe aghi aye,

LESHELE 110:3

O küka tsala lo ow timiqo no akimthe phimini pepusü lüthü kupulo lono pano küxü ikhiphe tsü nani, inaqhe tsüzü toi ow lhothemiqo no o lau ighi nani.

LESHELE 72:16

Ayeghi lo athi kupukuno shi apeniu; tipaqo no naghuto kütsüqa lo fuküghütha apelo; Lebanon lo xathi toi peniu; eno aluza lo atsüni kümtsha toi mishighünaqo lo timi pelo ikoishe lupelo!

ISAIAH 1:17

akivi mlani keu shika lulo; kuchou xakütha phulo, nedaqodave kemi süsho tsülo, kuchou xakütha pe mighimi tsülo, chimemi ghenguno puthugholo.”

ISAIAH 27:6

Ighinikeu tsala lo Jacob lagha ye akuhu qüsüve nani, Israelmi no mini ipeghi no punani eno axathi no ayeghi nhakha nani.

JEREMIYA 30:19

Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

EZEKEL 22:7

Apu ngo aza noqo ye nongu no küthaküghapu shi peitha ani; kichiqhi süxachu keu lono kupokichemi no ime ani; eno nongu gholo mighimi ngo chimemi peitha püsa ani.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

Apostolmi 11:20

Ikemu panongu gholo Cyprus ngo Cyrene timi khami no Antioch lo ighi no Ampeu Jisü ghili pesü Greekmi vilo ghi sheshu.

Apostolmi 11:26

eno kughou pa no phulu keno, pa sasü Antioch lo ighi. Ampe kupuju pama no akukuhomi sasü kuposhu no timi kütsasa shika. Antioch lono atüghüshi akhopemi pesü Khristomi ipi kulue.

Apostolmi 11:29

Ikehu akhopemi no pütüta no toluke qhemi Judea lo athiküzümi lau akukuphu tsünie pi xathalu.

Apostolmi 2:41

Ikehu khunoqo pa tsa ikhilu keno tipaqo baptiz shivetsü, eno tipani timi 3,000 kutolo panongu gholo kihisü luve.

Apostolmi 2:45

Panongu no pano mheghi ngo tinhemgha kümtsü jeve no avehupu shi aghi kemi lau küsaje che.

Apostolmi 2:47

Alhou sheqhe eno timi kümtsü lopu shilue. Eno Ampeu no tsala kipetsü panoqo gholo xaluve kemi küpha tsüe.

Apostolmi 4:35

apostolmi pukhu lo qhitsü kelo tipau pesü avehupu shi akemi kijetsü cheke.

Apostolmi 4:4

Ikemu pama tsa chilu kemi kutomo no pülüve, eno akikihi 5,000 kutolo shive.

Apostolmi 5:14

Ghulo kütau nguno alau Ampeu küpülümi kiptimi totimi kikihi kütsasa shive.

Apostolmi 5:28

“Timi hipau je lono kütsü kevilo pi ningu no azah tsü keghi nongu no Jerusalem qha kuchopu kütsü shika ani, eno timi hipau ji pesü ni shou puku tsüniye shi anie.”

Apostolmi 6:2

Apostolmi chighikini no apapemi kümtsü kukütsü no pi, “Ningu ye aghulhu lüpa lo loji niye Alhou tsa shekushu kughuchove keu ye achipi kumoe.

Apostolmi 6:7

Alhou tsa alaushi ikowove, Jerusalem lo akhopemi kikihi shishe küghüsüve, eno achinemi kutomo no aküpülü khuaye ikhiluve.

Apostolmi 9:29

Pa no Greek tsa kipimi Jewmi sasü kighe, ikemu panongu no pa heqhive niye pükapütsa ae.

Apostolmi 9:39

Peter no ithu pama gholono wuve. Pa no ighi kelo pa sasü kunguu chebo lo iku. Chimemi kümtsü pa phivilo ngono mloqa eno Dorcas no panoqo gholo ache kelo mlakeu phimini pa piye.

Apostolmi 9:41

Pa no pa u lono li sünhe puthuve. Tishino pa no li püxüpe küpülümi ngo chimemi tsüve.

Rommi 12:7

hukuthu kümla shi aghi aye, huthu masa; khuu no shika cheni keno, shiküka gho peitha masa;

1 Kor. 10:10

momu muchho kepu kumoe, kughengu panongu khami ye tishi kelono Akithi Ghawu no panongu pithive ke.

2 Kor. 11:22

Panongu ye Hebrewmi keshea? Ni ghike. Panongu ye Israelmi kea? Ni ghike. Panongu ye Abraham polo kughukomi keshea? Ni ghike.

ZAKINIU 26:12

“Kughou ampe aküthüu, ti ye Levimi, kachenami, mighimi, eno chimemi lau chighi saje tsü chekeu mpe, lo nongu no thokha lo chighi saje tsüve no panongu ghapiqive tsüni keno,

FILIPIAMI 3:5

atsala akütacheni no aphighüyiko ghakemi; Benjamin laghami Israelmi; Hebrewmi no punu keu Hebrewmi; Ayezah tsa loye Phariseemi;

1 Tim. 5:3

Kuchou no chimemi shive keqo ikhilu lo.

1 Tim. 5:9

Chimemi ampe lhotsügho shive kemi no akimi lakhi kilo likhi küghüna püaghi aye, akukuphu ghenguno li pelo aje kihisülu pelo,

IBRIMI 13:1

Athiküzümi dolo kimiye kile ketoi kimiyelo.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

James 4:5

Ikeo Kuchoyesü lo, “Alhou ye Pa nheshu qhiyi ni lolo aghungu sütsü keu kümsükütü acheni,” ipikeu ye akiqi kühano pi küghashi cheni kea?

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.