Apostolmi 4:13 - Sumi Naga CL (Re-edited) Bible (BSI)

¹³ Kughou panongu no Peter ngo John pama mlo kuloghi ithulu eno pama ye kighithimi kumo no inapüghami kepi ithi keno, panongu ye akichiqhive. Pama ye Jisü gholo kichemie pi panongu no michive.

BAIBEL (BSI)

¹³ Judami Hoho lo kuho akemiqono Pitor ngo Johan pama mulo kuloghi ithulu eno pamaye kighithimi kumo puzu kutami paphiepikeu ithi puzu panonguye akichiqhive. Eno pamaye Jisu gholo cheche kenapi panonguno michiluve.

Sümi Tiqhelimi Bible

¹³ Kughou panongu no Peter ngò John pama mlo kumto ithulu püzü pama ye akiphiki lo wujumo kemi, inapügha timiqo paphi ipikeu ithive keno panongu ye akichiqhive no pama ye Jisü gholo ache kena ipi kimchiluve.

Apostolmi 4:13 Iomraidhean Croise

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

MATTHEW 26:71

Pa no akulaghi lo ipeve, ikelo aqeliu kütami no pa ithulu no tile akeqo vilo pi, “Timi hipau ye Nazarethmi Jisü gholo cheke.”

MATTHEW 26:73

Ado hami thiu tile timi puthugho akeqo no Peter lau ighi no pi, “Mtsüqheino no ghi panoqo gholo lakhie, kughengu o tsapi ghola no o küta ani.”

Luke 22:8

Ikehu Jisü no Peter ngo John pama pelo aghini shiwu penike pi, “Ningu kümtsa Hechekulu ghulhu chunike wuno kuto aghilo.”

John 19:26

Kughou Jisü no paza ngo pa no kimiye chekeu akhopeu tile puthugho akeu ithulu keno, pa no paza vilo pi, “Totimio, hi no o nuke!”

John 7:15

Ikehu Jewmi ye akichiqhive no pi, “Timi hipau ye phi-yemo keghi kishino akighithi ani kea?”

John 7:49

Ikemu hi aqokitikhi Ayezah mtha keqo ye müsüinivae.”

Apostolmi 4:14

Ikemu timi viluve keu huno pama phivilo puthugho aghi keu ithulu no panongu ye nguku kepu kiumu kühave.

Apostolmi 4:19

Ikemu pama no khochile, “Alhou nguno alau nongu gholuni keu ye Alhou zülo achipi kemo keno nongu no küghatha lo,

Apostolmi 4:29

Ampeu, itehi panongu no ningu kichi akeu lo jupuku tsülo, eno O qemi pelo amlo kumto lono O tsa pilu pelo.

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

Apostolmi 9:27

Ikemu Barnabas no pa sasü apostolmi lau ighi no panongu vilo kishi ala lo pa no Ampeu ithulu, Ampeu no pa pütsa eno tithiu pa no mtotoi Damascus lo Jisü je lono asheshu keno lhepiye.

Apostolmi 9:28

Tishino Saul ye Jerusalem lo panoqo gholo ipe-ilo eno ighümo no Ampeu je lono kütsü thuve.

1 Kor. 1:27

Ikemu alokütsümi shikujo niye Alhou no ayeghi lo kiu no mbomzü keno ti kishelu; eno akumtomi shikujo niye Alhou no ayeghi lo kiu no miqemlei keno ti kishelue.

1 Kor. 14:25

Pa mlo lo tuqhouqo lhepheve akehu pa ye agi pishiqhope Alhou mlla no kuchou no Alhou ye nongu gholo anie pi shuphe nani.

2 Kor. 3:12

Ningu ye lajupu hitoi keu anike ghenguno amlo mtotoi acheni.