Apostolmi 3:25 - Sumi Naga CL (Re-edited) Bible (BSI)

²⁵ Nongu ye tungkupmi nuli, eno Alhou no nongu puasüqo sasü puloshoqhi shikeu nuliqo ke. Pa no Abraham vilo pi, ‘O polo kughuko vecheo ayeghi lo alagha kümtsü kümghatsü nani.’

BAIBEL (BSI)

²⁵ Alhou shoqhi pawu tungkupumi vechewo akeu huye nongu salake, eno Alhou no nongu pu-asu sasu puloshoqhi shikeulo nongu ghi kusajekemie. Pano Abraham vilo pikeu toi,”Otikughukoqo vechewo ayeghilo timi kumtsu ino kumghatsunie.”

Sümi Tiqhelimi Bible

²⁵ Alhou no tungkupumi vechewo nongu pù-asü lau puloshoqhi shipepüa keu ye nongu ghí küsaje akemi ke. Pa no Abraham vilo ishi pi, ‘O nuli-kughuko vechewo ayeghi lo timi kümtsü mügha nani.’

Apostolmi 3:25 Iomraidhean Croise

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 17:19

Alhou no pi, “Moe, o nipu Sarah no anu lakhi punu nani, eno nono pa je Isaac kutsü nani. I no pa thiu pa tikughukomi lau shekhaha puloshoqhi shi ghi pa sasü Iw puloshoqhi shi nani.

BOTHUBO 18:18

Abraham ye mtsüqheino kije eno akughushu shiye shi nani, eno ayeghi lo shiye kümtsü pa vecheo müghalu nani.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

YEKIKITHI ATUGHIU 16:16

Abraham sasü puloshoqhi shikeu, Isaac lau pikiqhi shoqhi shikeu,

YEKIKITHI ATUGHIU 16:17

tipau iqhikumto ghi Israelmi lau lhokta puloshoqhi khikhi Jacob lau xaküthaza shi tsü keno,

NEHEMIA 9:8

Pa mlo no O shou pükhükulupu shikeu Nono ithulu kehu Canaanmi, Hittimi, Amorimi, Perizimi, Jebusimi, eno Girgashimi yeghi pesü pa lagha tsüniye pa sasü puloshoqhi shike. Eno Nono Ow pikiqhitsa papeke, kughengu No ye amikucho ke.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

LESHELE 96:7

Ampeu sheqhelo, O ayeghi lo ashiayeqo, ajuküvü eno aküka pesü Ampeu sheqhelo!

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

Apostolmi 13:26

“Athiküzümi, Abraham nuli, eno nongu Alhou sümsa chekeqo, xakulupu tsape hipau ningu lau puwuve tsüae.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

Rommi 15:8

I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Rommi 4:13

Kughengu Abraham no ayeghiqha ighilu nanie pi pa eno pa laghami lau pikiqhitsa tsükeu ye Ayezah lono kumono aküpülü vecheo Alhou lau achipikalu keu lono ke.

Galatiami 3:16

Pikiqhitsa ye Abraham ngo pa tikughuko lau shike. Ti ye kutomo lau pipuku ghi, “Eno atikughukoqo lau” ipimoe, ikemu milakhi, ti ye Khristo, lau pipuku ghi, “Eno o tikughuko lau” ipike.

Galatiami 3:29

Eno nongu no Khristow ipi aye, nongu ye Abraham polo kughukomi, pikiqhitsa kiqi lono amheghi kiyighimi ake.

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

Piyeküsü 14:6

Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,