Apostolmi 3:22 - Sumi Naga CL (Re-edited) Bible (BSI)

²² Moses no pivae, ‘Ampeu Alhou no nongu ghenguno tungkupu lakhi I toike nongu thiküzümi gholono ipipe nani. Pa no kiu kiu pimu nongu ye pa tsa ini masae.

BAIBEL (BSI)

²² Kughengu Muse no pivae, “Ampeu nongu Lhou no nongu lau tungkupu lakhi nongu thikuzumi gholono itoike ipeghipe nani. Pano kiu pinikeno nonguno pa tsa inimasae.

Sümi Tiqhelimi Bible

²² Kughengu Moses no pivae, ‘Ampeu nongu Lhou no nongu ghenguno tungkupu I toi ke lakhi nonguw timiqo dolo no ipeghi pe nani: nongu ye pa no pikeu kümtsü ini moayesa nani.

Apostolmi 3:22 Iomraidhean Croise

MATTHEW 21:11

Eno aqokitikhi no khochile, “Hi ye Galilee lo Nazareth lono ighikeu tungkupu Jisü huke.”

Luke 13:33

Tishimu, ni ye ishi, thoghiu eno aghiniu I la lo cheche masae, kughengu tungkupu lakhi ye Jerusalem nguno khalau no pithiveni keu ye shimlae.’

Luke 24:19

Pa no pi, “Kiu kea?” Pama no khochile, “Nazarethmi lakhi khuu tungkupmi shi ache keno Alhou eno timiqo zülo akümla atsapi lo aküka kumto pephe chekeu Jisü vehu pi anike.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

John 5:24

Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

Apostolmi 7:37

Moses hipau no Israelmi vilo pike, ‘Alhou no nongu ghenguno no thiküzümi dolo tungkupu I toikeu ipeghipe nani.’

Rommi 8:3

Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

Rommi 9:5

Alhouw tushokiqhi pekibe ighi keu ye panongu puasüqo ke, eno ashi kiqi lono pini aye, pano kuhu-aghü lono Khristo ighi, Pa ye kümtsü shou Alhou, alhokupuju sheqhe akepue, Amen.

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

Piyeküsü 1:1

Hi ye asheazü lo kiu shiniye ani keno Alhou no Pa qemi piye penike Jisü Khristo tsükeu piyeküsü ke. Khristo no Paw kungumi vecheo tipau pesü Pa qeu John lau kilethitsü,