Apostolmi 28:8 - Sumi Naga CL (Re-edited) Bible (BSI)

⁸ Publius papu ye aghakimki ngo ajiküba no süae. Paul no pa xuju wuno pa u chhope pa shou beno inikhu tsü püzü shipivive.

BAIBEL (BSI)

⁸ Publio pa puhye aghakimki ngo ajikubano supuzu azu-a dape ae. Paul no pa kilo wuno inikhutsu eno pa-u pesu pa shou chhope be eno pa shipivie.

Sümi Tiqhelimi Bible

⁸ Papù ye aghamiki eno ajiküba no sǜ akeu ghenguno azüa lo dapesü ae. Paul no pa ju nike alou iloe eno akighini shive tsü kethiu pa shou au betsü no pa shipivive.

Apostolmi 28:8 Iomraidhean Croise

MATTHEW 10:1

Tishino Jisü no akhopemi chighikini pa lau kukumqo no panongu pelo aghau lhoksaqo qhasülu eno haphelu penike, eno aküsü ghime jeli kümtsü shipivilu penike aküka tsü.

MATTHEW 10:8

Küsükinimi shipivi lo, kithimi xüputhu lo, apüghami shikimthe lo, tüghami haphelo. Ame tsümono nongu no ithulu kehu ame lumono tsülo.

MATTHEW 12:13

Tishino pa no timi vilo pi, “O u xachholo.” Timi huno xachho kelo kütami toi athoputho luve.

MATTHEW 9:18

Jisü no hipa tsa panoqo vilo pi akelo, julo, yepemi lakhi pa lau ighi no pa zülo qhoqhünhe no pi, “I nga ye itehi no thivae, ikemu ighi no o u pesü li shou betsülo, eno li ye xüluve nani.”

Mark 16:18

panongu no au lono tüghükupu pighi ikhiqhelu momu akithipu tüghü yelu namu panongu shipüsamla nani; panongu no küsükinimi shou au bekelo tipaqo no viluve nani.”

Mark 5:23

eno tsüikhomo pa qhüiniju pi, “I nga ye thiveni keu lo ngovae. Kimiye no ighi püzü li shou o u betsü lo, tishi aye li ye athoputho luve no xülu nani.”

Mark 6:5

Ikehu tithiu pa ye küsükinimi lakhi kini shou pa u beno shipivi tsükeu thono tile akughushu kümla kiumu shimlave.

Mark 7:32

Timi khami no akini ipo eno atsa akivishi piphemla keu timi lakhi sasü pa lau ighi no pa shou au betsü lopi qhüiniju.

Luke 13:13

Pa no li shou pa u be khavi li ye müzüchoi puthugho luve, eno li no Alhou akishe tsüe.

Luke 4:40

Avela shive no khetsünhe iloche kelo timiqo no aküsü jeli kütüta xapu akemi kümtsü sasü pa lau ighi, eno pa no lakhikhi shou pa u betsü no panongu shipivi tsü.

Apostolmi 28:7

Ningu no ngo akeu phivilo züdoyeghi tipau kükau Publius yeghi ae. Pa no ningu ikhilu eno atsala küthü ningu kimiyeqhiyi pa kilo sasü.

Apostolmi 28:9

Kughou hi shikeno, züdoyeghi lo küsükinimi kütami ghi ighi no shikipivi ithulu.

Apostolmi 9:40

Ikemu Peter no panongu kümtsü khalau pipeve no qhoqhünhe pe inikhu, eno pa no akumo küdau tsüghü ighi no pi, “Tabitha, ithulo.” Li no anhethi tsükho, eno Peter ithulu kelo ithu iqave.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

1 Kor. 12:9

Aghungu tipau no kütami lakhiu lau aküpülü tsü püani, lakhiu lau shikipivi gho tsü püani.