Apostolmi 28:4 - Sumi Naga CL (Re-edited) Bible (BSI)

⁴ Kughou tipano ghami no pa u lo lhoxü hechijepe akeu ithulu keno, lakhino lakhi vilo pi, “Timi hipau ye mtsüqheino ghikiqhimie. Azüghi lono pojolu namu, Kuchou Xakütha huno pa püxü movae.”

BAIBEL (BSI)

⁴ Tile kughunakuamiye aphighino Paul u hechije akeu ithulu puzu lakhino lakhi vilo pi. “Timi hipauye ghikiqhimi shiani putsa. Azughi lono akushukulu polu kethiu ghi azapolo kighini huno pa puxumoniye kutovae.”

Sümi Tiqhelimi Bible

⁴ Züdoyeghi lo xüküamiqo no pa u lo apighi thuthu pesü akeu ithulu kelo, panongu lakhi no lakhi vilo ishi piae, “Timi hipau ye hekiqhimi shiaghini chenie; kughengu pa ye azüghi lono pokajoluve keghi Achipiu xakütha lhouliu ipikeu no pa püxümo niye shi anie.”

Apostolmi 28:4 Iomraidhean Croise

BOTHUBO 3:1

Ampeu Alhou no aluza lo tüghashi lho keqo kümtsü dolo apighi no amqükiniue. Pa no totimi vilo pi, “Kuchou no Alhou ye nokujo vilo, ‘Nokujo ye aghutu lo kiu sübo lonomu chukevilo’ ipi keshea?”

AHOLE 28:17

Timi küxü luvetsü keu kipimi xapu chekemi ye akithi kutolo poche nani, khunomu pa kuphu kevilo.

ISAIAH 26:21

Kughengu julo, ayeghi lo küami xine ghenguno panoqo ghime nike Ampeu ye Pa kungo-a qhive no ipecheae, ayeghi no pa shou aji pele püakeu, eno chhuqho püakemi küsü mono lhaphevetsü nani.

ISAIAH 43:20

Tüghashiqo no I gihu nani; aghalo tsü ngo ostrich no I gihu nani; kughengu Iw kishekiphe timiqo pelo yelu penike I no timi küghünamo ke-a lo, eno asayeqha lo azü tsüke.

ZEFANIA 2:15

Hi no alokivi eno sükusho akeu mishighüna, li mlo lono piche, “Ni thono kütami ye khumu kühae.” Li ye kiutoi küghüküghaleive akelae, tüghashi kungo-a shivae! Khunoqo no li hechesü wu keno atuthu kuloghi sheqhi eno au sükumqo luve ke.

MATTHEW 23:35

tishikeu lono ayeghi lo amikuchomi ji pele püakeu kümtsü nongu shou ikughi nani, ti ye amikuchou Abel ji lono huthu no wo Barakhiah nu Zechariah, khuu nongu no achineki khala alou ngo akiptia dolono ghiqhive keno, pa kutolo ke.

MATTHEW 27:25

Timi kümtsü no khochile, “Timi hipau ji peleve keu ngusü ye ni shou eno ni tianuli shou ikughi peni!”

Luke 13:2

Pa no panoqo khochile, “Galileemi tipaqo no hipaphi shi imeve kehu nongu ye panoqou no Galileemi kütami kümtsü nguno alhoksau axinemi kepi kümsü anio?

Luke 13:4

Momu Siloam lo pano chighitache khunoqo shou aqoghe ilaqi veqhi pithive keno: panoqou no Jerusalem lo küxümi kümtsü nguno alhoksa kümla shiche kepi nongu ye kümsü ani keshea?

John 7:24

Agi juno küghatha kevilo, ikemu achipiu küghakütha pesü küghatha lo.”

Apostolmi 28:2

Tile küxümi no paküta keu kimiyekini ningu piye, kughengu tsüghuuve no süthi akehu, panongu no ami shino ningu kümtsü ikhilue.

Apostolmi 28:3

Paul no asükügha amqo lakhi kichepe ami lo sükelo athicho pighi no akülü pumla no ipeghi püzü pa u lo hechije luve.

Apostolmi 28:5

Ikemu pa no lhoxü hu ami lo kilhesüve no kiumu pa shipüsa moe.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”