Apostolmi 27:24 - Sumi Naga CL (Re-edited) Bible (BSI)

²⁴ eno pi, ‘Msa kevilo, Paul, no ye Caesar zülo puthugho masae. Julo, Alhou no zükilu lo o gholo kichemi kümtsü o tsüvae.’

BAIBEL (BSI)

²⁴ ishi pi, ‘Musakevilo, Paul Noye Rom kukau Kaisar zulo puthugho masae, eno julo, ogholo ashukakilo chekeqo kumtsu Alhou no pesu otsu ani.’

Sümi Tiqhelimi Bible

²⁴ püzü ishi pi, ‘Msà kevilo, Paul. No ye Caesar zülo puthugho no O tsa kügha moayesa nani; eno Alhou no paw küpükini vechewo O gholo zükilu lo chekemi kümtsü pesü O tsüvae.’

Apostolmi 27:24 Iomraidhean Croise

BOTHUBO 12:2

I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

BOTHUBO 30:27

Ikemu Laban no pa vilo pi, “Tsala nono I küpüqhiyi ithulu aghi aye, I no saqhisali lono ithivae, ti ye o ghenguno Ampeu no I kümghave tsüae.

BOTHUBO 39:23

Joseph no ghatou shikeu vehu lo akughu kheu ye kiumu alomsü moe, kughengu Ampeu no pa gholo ake. Eno pa no kiu shi keno kümtsü lo Ampeu no tokulu shilupe ke.

BOTHUBO 39:5

Pa no pa pelo pa kibo eno pa no pighi akeu kümtsü shou jukükütsüu shivepe ke ghuloki lono, Ampeu no Joseph ghenguno Egyptmi kibo hu kümghatsü; Ampeuw kükümgha ye aki lo, aluza lo, eno pa no mla keu kümtsü lo ae.

BOTHUBO 46:3

Tile Pa no pi, “Ni ye Alhou, o pu Lhou ke. Egypt lo iqinike msa kevilo, kughengu tilauno I no o pesü shiye kije shitsüni.

KUKAMI ATUGHIU 17:13

Ikemu Elijah no pi, “Amlosa kevilo, wuno nono pike toi shilo, ikemu atüghüshi tipau pesü asho aghulo lakhi mlape I lau süghilo eno tithiu no achili aghikeu pesü o nu nokujo sala kutolo.

KUKAMI AKINIU 6:16

Elisha no pi, “Msa kevilo, kughengu panongu gholo chekemi ye, ni laumi pachi ani.”

JOB 35:8

O lhoksa no o shou ikughina thono o mikucho huye kütami lau wuve nanie.

AKUMLO 3:57

I no O ku kelo Nono kupunu ighi no pi, ‘Msa kevilo!’

DANIEL 2:24

Tighenguno Daniel no Arioch, khuu akükau no Babylonmi alokütsümiqo kütsave peniye süsü keno, pa lau wu. Pa no wuno hitoi pa vilo pi: “Babylon lo alokütsümiqo kütsa kevilo; akükau zülo I sailo lo, eno hekupho huye I no akükau piyeni.”

MICAH 5:7

Tishino Jacobw ghükulumi ye Ampeu tsüzü toi, atsüni shou tsüghuqhi ketoi, ashiaye kutomo dolo anani ti ye timi ghenguno munuve chemo momu timi nuliqo ngokhe chemoe.

MATTHEW 10:18

nongu sünhe sasü angh ngo kükamiqo lau wunani, ti ye panoqo eno Jewkumomi zülo I je ghenguno ashepe shilu peniye ke.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

John 11:9

Jisü no khochile, “Tsüküvü do ayikihedo chighikini acheni ke kumo? Khuana no puchou no cheche aye pa ye küpxalu monani kughengu pa ye hipa yeghi lo küvü ithulu anie.

Apostolmi 19:21

Hipa thiu Aghungu no hakite keu lono Paul no Macedonia ngo Achaia vechesü Jerusalem lo wunikeu vehu kughu ghi pi, “I no tilau wuve kethiu ni ye Rome ghi xuju masae.”

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”

Apostolmi 25:11

Tsala I no akumou kümlami shiaghi eno I kümla lhoksa ghenguno thive küzüpu shiaghi aye, ni ye akithi lono pojolu nike khuamoe. Ikemu panongu no I nguku akeu no kuchou kumo aye, khunomu I pesü panongu tsüve mlae. Ni ye Caesar launo xatha nike khuani.”

Apostolmi 27:31

ikemu Paul no aqhe zatsüu ngo ghüshimi vilo pi, “Timi hipaqo no zükilu lo ngomo aye nongu ye xümoae.”

Apostolmi 27:37

(Zükilu lo kichemi kümtsü kelo 276 ae.)

Apostolmi 27:42

Akughumi no azü ghasü wuve no pove nosa kehu ghüshimi no kümtsü pithive niye kughu.

Apostolmi 27:44

eno kütami no asüpa ngo zükilu kughupo khamgho peni keu shive. Hitoi kümtsü no kütüsü mono amkü tolu.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Philemon 1:22

Hipau gholono, I ghenguno achebo lakhi kuto püaghi lo, kughengu I no laju anike nongu kighini vecheo küpükini no I sasü nongu lau ighi nani.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.

Piyeküsü 1:17

Kughou I no Pa ithulu keno ni ye thive keshi Pa pukhu philo ikiqive. Ikemu Pa no Pa u ajeu pesü I shou beno pi, “Msa kevilo, Ni ye Atüghüu eno Ashekhau,