Apostolmi 27:1 - Sumi Naga CL (Re-edited) Bible (BSI)

¹ Kughou Italy lo ningu puwuve nike xathave keno, panongu no Paul ngo akughumi kütami khami pesü Akükau Ghüshimi mqo lo aqhe zatsüu Julius ipikeu picheve tsü.

BAIBEL (BSI)

¹ Kughou ninguye Itali lo wupenikeu kughathavetsu keno, panonguno Paul ngo akughumi kutami khami ishi Julia pelo sawupenikeu shive. Julia ye “Rom kukau Ghushimi” ipichekeu Rommi likhikeu ghushimi muqo gholo kijemi lakhi.

Sümi Tiqhelimi Bible

¹ Kughou ningu Italy lo wuve nikeu shi kughuve keno, Paul ngò akughumi kütami khamiqo ye aqhe shou zatsüu Julius ipikeu, khuu Rome Kükaqha kükau ghüshimi mqo lo achekeu pelo sawu pe nikeu shive.

Apostolmi 27:1 Iomraidhean Croise

BOTHUBO 50:20

Nonguu ye I shou küsakügha shiniye shike, ikemu Alhou no akivipu ghenguno kughu tsüe, tishikeu lono ishi tsala lo timi hi kutomo xüaghi keqo küxü pükhalu peke.

LESHELE 33:11

Ampeuw kichekütsü ye alhokupuju acheni, Pa kukughu ye tiqheli kümtsü lo acheni.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

AHOLE 19:21

Timi lolo akukughu kutomo shipeqhi cheni, ikemu ashekha loye Ampeu kimji likhino puthugholu nani.

AKUMLO 3:27

Timi lakhi no pa lhothe lono kuokhasü xapu keu ye aloke.

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

MATTHEW 27:54

Ghüshimi aqhe shou zatsüu eno pa gholo akeqo no Jisü khekuto akelo ayeghi küghütha eno tile kiu shive keno kümtsü ithulupe thüghüive no pi, “Pa ye kuchou no Alhou Nue!”

Luke 23:47

Aqhe shou zatsüu no ti kümtsü ithulu no Alhou sheqhe, “Mtsüqheino timi hipau ye akipimi küha kena!”

Luke 7:2

Tile ghüshimi aqhe zatsüu kilo aqeliu lakhi khuu pa no kimiye che keno, li ye aküsü no thiveni keshi ae.

Apostolmi 10:1

Caesarea lo Italia Ghüshimi ipikeu loji lo aqhe zatsüu Cornelius ache.

Apostolmi 10:22

Panongu no pi, “Kungumi kimthe no azah tsüke toi Cornelius, aqhe zatsüu, süchomi, Alhou sükümsami, Jewmi shiye kümtsü no gihu chekeu no nono kiu pikepu ani keno ininike o pelo pa kilo ighitsü peniye kupuwu ani.”

Apostolmi 16:10

Kughou Paul no kungunhetsü hipau ithulu keno, tipa mtsa ningu ye Macedonia lo wuniye kuto, kughengu hi ye atsakiviu pesü panongu lau pi peniye Alhou no ningu kuani kepi ithive.

Apostolmi 18:2

Pa no Pontusmi Jewmi Aquila kusholu. Aquila ye anileshi pa nipu Priscilla sasü Italy lono ighi ae, kughengu Claudius no Jewmi kümtsü vilo Rome qhive lopi azah tsüveke. Paul no pama pütsani ye wu,

Apostolmi 19:21

Hipa thiu Aghungu no hakite keu lono Paul no Macedonia ngo Achaia vechesü Jerusalem lo wunikeu vehu kughu ghi pi, “I no tilau wuve kethiu ni ye Rome ghi xuju masae.”

Apostolmi 21:32

Tipa mtsa pa no ghüshimi ngo kijemi sasü timiqo no akeu lo ighi. Kughou timiqo no zatsüu ngo ghüshimi ithulu keno, Paul heqhi move.

Apostolmi 22:26

Kughou aqhe zatsüu no ti chilu keno, pa no zatsüu lau wuno pi, “No ye hi ye kiu shiniye ani kea? Kughengu timi hipau ye Rome ghakütsami ke.”

Apostolmi 23:11

Tipa ji Ampeu no Paul phivilo puthugho no pi, “Amlo mtolo, kughengu no ye Jerusalem lo kuchou thopi shivae, titoi Rome lo ghi thopi shimasae.”

Apostolmi 23:17

Paul no ghüshimi aqhe zatsüu lakhi kuno pi, “Apumi hipau sasü zatsüu lau wulo, kughengu pa vilo kiuala pikepu ani.”

Apostolmi 24:23

Tishino Felix no aqhe zatsüu vilo Paul jukuto lopi azah tsü, ikemu pa pelo ililai ngope eno pa no avehupu shikeu pa küsami no süghitsü aye lakha kevilo pive.

Apostolmi 25:12

Tileno Festus no paw hohomi sasü küptsave no khochile, “Nono Caesar launo xatha nike khuke toi Caesar lau wuniae.”

Apostolmi 25:25

Ikemu I no phulu keu no pa ye thive küzüpu kiumu shi püamoe. Eno pa ampi no akükau lau qhüiniju ketoi ni ye pa puwuve nike xathavae.

Apostolmi 27:11

Ikemu aqhe zatsüu no zükilu küsau ngo zükilu mpeu lau amlo tsüno Paul tsa initsü move.

Apostolmi 27:43

Ikemu aqhe zatsüu no Paul xaluni shi kehu panongu kukughu lakhave. Eno khunoqo no azü ghathi ani keno tipaqo paghi ilhe ilo no amkü lo ipe penike pa no azah tsü,

Apostolmi 27:6

Tileno aqhe zatsüu no Alexandriami zükilu lakhi Italy lo wuche keu phulu no ningu tile pukuve.

Apostolmi 28:1

Kütüsü mono ningu sawo toluve kethiu, züdoyeghi huye Malta kepi nino chilu.

Apostolmi 28:16

Kughou ningu no Rome lo iloghi keno, Paul ye ghüshimi lakhi no pa kheno pa kutoshi ngolu penike azah tsü.

IBRIMI 13:24

Now sakiphemi ngo küpülümi kümtsü petha tsülo. Italy lono ighi kemi no petha nongu tsüpuwu ani.