Apostolmi 26:10 - Sumi Naga CL (Re-edited) Bible (BSI)

¹⁰ Titoi ni ye Jerusalem lo mla püani. Achinetomi launo azah pesü, küpülümi kutomo akughuki lo khathake likhi kumono panongu pithini kelo ni ghi Iw pulobe tsüke.

BAIBEL (BSI)

¹⁰ Ikehu ino Jerusalem lo hishi shiche. Achinetomi launo ahza lupuzu Alhou wu timi kutomo akughukilo sunhesuke likhi kumo puzu kughou panongu pithiveni keu tsa xathani keno nighi tipaulo pulobe sutsuche.

Sümi Tiqhelimi Bible

¹⁰ Eno tihutoi Jerusalem lo I no hitoi shike. Achinetou kükagha lono, I no Ampeu’w timi kutomo akughuki lo khathave, eno kughou panongu pìthíve nikeu shi keno I no panongu lachile keu shi iw pulobe sǘtsü cheke.

Apostolmi 26:10 Iomraidhean Croise

LESHELE 16:3

Ayeghi lo kimthemi akeqo ye akighichemi ke, pano lau I züküvü kümtsü ani.

Apostolmi 7:58

Eno aphughi khalau pa sünhephe no atu pesü veqhi pithive. Tishino thopimi no pano phi xape apumi lakhi Saul ipikeu pukhu philo qhitsü.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

Apostolmi 8:3

Ikemu Saul no akukuhou kütsa thuve, pa no aki kümtsü lo ilo no küpülümi kiptimi totimi sünhekiti sawo akughuki lo süve.

Apostolmi 9:21

Pa tsa chilu kemi kümtsü no akümzave no pi, “Jerusalem lo aje hipau ku aghi kemi thaqhü timi hipau no heqhi cheke kumo? Pa ye tipaqo küghape achinetomi zülo sawuni keu kimji lono hilau ighike kumo keshea?”

Apostolmi 9:26

Kughou pa no Jerusalem lo ighi keno, akhopemi gholo kutupo niye shikemu kümtsü no pa msave, kughengu pa ye apapemi shivae pi panongu ye pülümoe.

Apostolmi 9:32

Peter no aqha kümtsü lo iqho-iqi chekelo, Lydda lo küpülümi lau ghi ighi.

Apostolmi 9:41

Pa no pa u lono li sünhe puthuve. Tishino pa no li püxüpe küpülümi ngo chimemi tsüve.

1 Kor. 15:9

Kughengu ni ye apostolmi gholo akimkheu, I no Alhou kukuhou shikighime chekehu ni ye apostolmie pi kuküzüpu kumoe.

Galatiami 1:13

Kughengu I no püzüu Jewmi chine küxü lo ache kelo kishi ayiküsa shi Alhou kukuhou shikighime eno shipühave tsünike pükapütsa chekeno nongu no chiluvae.

Ephesiami 1:1

Alhou kupulo lono Khristo Jisüw apostol Paul no Ephesus lo küpülümi Khristo Jisü sasü lakhi shive kemi lau:

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.