Apostolmi 25:16 - Sumi Naga CL (Re-edited) Bible (BSI)

¹⁶ Ikemu Rommi khuaye lo timi khuu nguku ani keno, pa no pa nguku akeqo sasü kinheqhe kusho no kiu ghenguno pa nguku ani keno pa shokhalu moke loye kütami u lo süve tsümlae pi I no panongu khochileve.

BAIBEL (BSI)

¹⁶ Ikemu ino panoqo vilo pivekeuno Rommi khuayeh lono timi khuu nguku ani keno tipauno pa ngukuakeqo sasu kinheqhi kusho puzu kiu ghenguno pa nguku anikeno tipaulo pa likhi pa shokhajupe mokeloye kutami ulo phesuve chemoe ipive.

Sümi Tiqhelimi Bible

¹⁶ “I no panongu vilo pikeu ye, Rommi kukhuaye lo timi lakhi ye pa nguku akemiqo zülo pa lachile akeu shokhalu kepu dokivi tsü no küghatha ju moke züu ye pa pesü kütami lau phesüve chemoe ipi.

Apostolmi 25:16 Iomraidhean Croise

BOTHUBO 39:19

Anipu no pa vilo “O qeu no hitoi I peithake,” ipikeu pa mpeu no chilu khavi pa mlo shikighideve.

AHOLE 18:13

Khuana no chilu mphi züuno khochileve aye, ti ye pa nikha eno akukujopu ke.

AHOLE 18:17

Küghakütha-a lo khuu paghino pa sheamzü tsa pini keno pa külami tsa chilu moke kutolo pau no achipiu toi cheni.

Luke 12:11

Kughou timiqo no nongu sünhepe sinagog lo, momu yepemi eno küghaküthami lau sawuni keno, nongu ye kishi nongu süshoni momu kiu pini kelapi amlo kütakihi kevilo,

John 7:51

“Ni yezah loye atüghüshi timi lakhi launo chilu eno pa no mlakeu phuju mphi lono pa shou küghatha cheni keshea?”

Apostolmi 23:30

Kughou pa pithive niye kuchughu akeu I pithi keno, tipa mtsa I no o lau pa puwuve ani, eno pa nguku akeqo vilo ghi o zülono pa shou pikepu aghikeu pilo pivae.”

Apostolmi 23:35

pa no pi, “O nguku akeqo no ighi kelono o tsa ini tsüni.” Tishino Paul pesü Herod kighiki lo qhino khe penike pa no azah tsüve.

Apostolmi 26:1

Ikehu Agrippa no Paul vilo pi, “O ghenguno pilu penike azah tsü ani.” Paul no pa u sükhope pa shokükha tsa pi:

ZAKINIU 17:4

nongu no hi chilu kelo tsaqüi kighinikile juni, eno tsala tino kuchou shive aghi eno aphikümqhüpu hitoike Israel lo shive aghi aye,