Apostolmi 24:26 - Sumi Naga CL (Re-edited) Bible (BSI)

²⁶ Ikeghi Felix ye Paul no pisa pa tsüni mala lajuae. Ikehu ghuthu kutomo Paul kuno pa sasü küptsae.

BAIBEL (BSI)

²⁶ Tishi pulaghi, Feliks ye Paul no pisa pesu kulugho shi pa tsunimalaye laju ae. Ikehu ghuthu kutomo Paul kupuwu che eno pa sasu kuptsache.

Sümi Tiqhelimi Bible

²⁶ Tishi akelo Felix ye Paul no kulugho pesü pa tsü nani küghashi lakuju shi ake, tighenguno pa ye müamzü Paul ku puwu no pütsa acheke.

Apostolmi 24:26 Iomraidhean Croise

YEKIKITHI AKINIU 19:7

Tishiaye Ampeu sükümsa nongu shou alo. Nongu no xatha keu lo kutokupui lo, kughengu Ampeu ni Lhou ghenguno amikucho kumo momu agikuju momu külügho kulu ye a-a kühae.”

JOB 15:34

Kughengu Alhou kümthami loji ye anuhami ke, eno külügho lukemi phiki ye ami no pitive nani.

IPEKULU 23:8

No ye külügho lumoni, kughengu külügho no mtsümishei ithulu chekemi nhethi kighicheve tsü cheni eno khunono achipiu küdau ani keno panoqo chipiu süchighive tsü cheni.

AHOLE 17:23

Kixikilami no achipiu xakütha tuchighive tsüniye tuqho-tughou no külügho luve cheni.

AHOLE 17:8

Khuu no külügho tsücheni keno pa ye aghatu kipighimi no kinikülü shilu nanie pi kümsü chekeu paphie.

AHOLE 19:6

Kümtsü no timi akhotomi lopu shiniye pükapütsa cheni; eno tsükinimi sasü küsapau shinike pükha cheni.

AHOLE 29:4

Akükau no kuchou xakütha pesü pa shiaye shiqhe cheni, ikemu pa no külügho luuve aye tino xaleqhive cheni.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 33:15

Khuu no amikucho la lo cheghi eno athotsa picheghini keno, khuu no süxa pesü ala shini keu milive cheni keno, khuu no külügho luve nosa kehu au kukhu qhive cheni keno, khuu no aji peleni keu kukughu ini tsümoni eno alhoksa lono pa nhethi miyi luveni keno,

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

HOSIYA 4:18

Pano ji shokhave kemtsa panongu no kütüqhauve cheni; panow yepemi no akukujopu kimiyekütü cheni.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MICAH 7:3

Panoqo u ye tsaqüi alhoksa shiniye tipau shou bepe ani; yepemi ngo xaküthami no külügho khu, eno kijemi no pa lolo küsakügha shinishi keu picheni; ikehu panoqo no kuchughu küqha cheni.

MATTHEW 17:3

Tileno Moses ngo Elijah pama no panoqo lau ipeghi eno Jisü sasü küptsa.

Apostolmi 24:17

Ampe hami thiu no ni ye kümsagho eno akümllagho pesü ni shiye tsünike ighi.

1 Kor. 6:9

Amikucho kumomi ye Alhou yekipe ighimla nanie pi nongu ye mtha keshea? Nongu pishiqhipe kevilo: kipti-toti dolo mithekumomi na, ajulho kümllami na, küsalhami na, kiptimi no kiptimi sazü kemi na,

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

SAMUEL ATUGHIU 12:3

Ni ye hile ani; Ampeu zülo eno Paw nukikishe zülo I lachile kepu aghi aye thopi shijulo. Khuu mishitsü momu khurha I no luvetsü kea? I no khuu pishiqhi chuve momu khuu qhasüve kea? Momu khuu u lono I no külügho luve no tino I nhethi miyi luve kea? I lachile ghi thopi shijulo eno I no tipaqo nongu lochileveni.”

SAMUEL ATUGHIU 8:3

Ikemu pa nuli ye pa laghi lo chemove no ala shinikeu laghi lo wuve. Panongu no külügho lu eno kuchou xakütha tuchighive tsü.