Apostolmi 24:25 - Sumi Naga CL (Re-edited) Bible (BSI)

²⁵ Pa no amikucho, alikhi aghasükulu, eno küghakütha chekeu vehu apasü shi lhewo kelo, Felix ye thüghüive no pi, “Hi no tave aghilo, kughou adokivi ithuluni keno I no o ku puwuni.”

BAIBEL (BSI)

²⁵ Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.”

Sümi Tiqhelimi Bible

²⁵ Paul no achipiumikucho, alikhi aghasükulu eno küghakütha ighi niye akeu ghili pi akelo Felix ye msàve eno pi, “Itehi ghengu ye tino taveni! No ye wuluve nani. I no kughou no ado shiluni keno I no O kupuwuni.”

Apostolmi 24:25 Iomraidhean Croise

SAMUEL AKINIU 23:3

Israel Lhou no piqhivae; Israel Tuqu no I vilo pivae: Kughou milakhi no achipiu lono, Alhou sümsa ghi ayepeni keno,

KUKAMI ATUGHIU 21:27

Kughou Ahab no atsa tipaqo chilu keno, pa no pa phiküzü süxüve no yeqhiyephi pepusü kümvü eno ighono amlo saqhiyi itsü wuve.

KUKAMI AKINIU 22:19

kughou I no a-a hipau eno hile xüküami püghave no ghushoveni keu nono philu keno, nono o mlo pebide eno kuchuni püzü o phimini süxü no I zülo mloqa kehu, Ni ghi ti chiluve tsüae, ipi Ampeu no sheshu ani.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

EZRA 10:9

Tileno Judah ngo Benjamin timi kümtsü atsala küthü dolono Jerusalem lo hekütsü luve. Ti ye aqhi atokuu lo atsala amkuu shiae. Timi kümtsü no hipau vehu ghenguno eno tsütsüghu kije ghuqhi akeu ghenguno thüthüshi Alhou ki khalau iqa luve.

JOB 29:14

I no amikucho phimini pepuche, kuchou xakütha no chijeboike phi eno akütsükükha ke.

LESHELE 11:7

Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.

LESHELE 119:120

O msa kelauno I phi I shi no khokhoshi ke, ni ye Ow küghakütha msa cheni.

LESHELE 45:7

No ye achipiu mikucho kimiye eno küsakügha mithi ke. Tighenguno Alhou, o Lhou no o küsami nguno alau alokivi thazü pesü o nukishe ke.

LESHELE 72:2

Pa pelo achipiu mikucho pesü Ow timiqo, eno kuchou xakütha pesü kumlhomi xatha tsü pelo!

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

AHOLE 16:12

Kükami no alhoksa mlakeu ye aphikümqhüpue, kughengu kükalakhü ye achipiu mikucho pesü puthuphe püani ke.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

ISAIAH 1:18

Ampeu no pi, “Ighilo, ningu itehi no kiqikuto juni: nongu xine no hughüi aghi namu, tipaqo pesü mürasü toi metsüghoive tsüni; akuhuphi toi huchuyi aghi namu, asüpha toi metsüghoive tsüni.

ISAIAH 1:21

Pükhükulupu, kuchou xakütha no chhitoi keu phughi ye kishino kütüqhalimi ilhouve akelae! Ghuthu lakhi loye amikuchomi no tile ache ikemu itehi ye ghikiqhimi no auvae.

ISAIAH 16:5

tileno iqemokeu kikimiye lono kükalakhü shosü tsü nani eno David laghami no ayepe nani, pa ye achipiu phu no xatha kemi, amikucho shinike khelho nani.”

ISAIAH 32:11

Khokhoshi lo, nongu akuchhoma shi ililai akeu totimiqo; no phimini xape aphikümsa shino achita lono yeqhiyephi minivelo.

ISAIAH 41:21

Ampeu no piani: atsa kükügha lo nongu chipiu süghilo; Jacob Kükau no piani, nongu chipiu süghilo.

ISAIAH 55:6

“Ampeu phulu kepushi ake lono, Pa phulu lo; Pa no kupunupe ake lono, Pa kuluve lo.

ISAIAH 61:8

Kughengu ni Ampeu ye achipiu xakütha kimiye; I no aküpka ngo akumou mithi ke; I no amikucho lono panongu asaxü tsü nani, eno I no panoqo sasü lhokta ghenguno puloshoqhi shi nani.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

JEREMIYA 22:3

Ampeu no ishi piani: Kuchou xakütha eno achipiu mikucho shilo, eno püka luve tsüno itaghi aküpkau no qhasüpe akeu xaphe lulo. Inaghami, mighimi, eno chimemi lau anguka eno akumou shi kevilo, a-a hipau lo pimihami ji pele kevilo.

JEREMIYA 23:29

I tsa ye ami toike, eno ayihesü no atuqu amuno shi hephove keu toike kumo? ipi Ampeu no sheshu.

JEREMIYA 36:16

Kughou panongu no atsaqo chilu keno akümsa launo tsüghüwo lakhino lakhi kujukile. Panongu no Baruch vilo pi, “Ningu ye atsa hi kümtsü pesü akükau lau pithi masae.”

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

DANIEL 12:2

Eno ayeghimkhu lo zü akemi kutomo ithughive nani, khami ye lhokta küxü lo eno khami ye akukujo ngo shekhaha küthakügha lo auve nani.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

DANIEL 5:30

Tipa ji putho lono Chaldeami kükau Belshazzar ye pithive.

HOSIYA 10:12

Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

HOSIYA 10:4

Panongu no atsa likhi piqhi; abokümsa shoqhi pesü panoqo no puloshoqhi shie; ikehu küghakütha no hokideve keu lulo tüghü lupi ipeghi ketoi toi thuipeghi ani.

HOSIYA 7:5

Ni kükau tsala lo sakiphemiqo ye aji shomzü keu no süuve; Pa no thoküghami gholono pa u xachho tsüke.

AMUS 5:24

Ikemu kuchou-xakütha no azüghizü toi qowu pelo, eno achipiu-mikucho no qotamo keu ghoki toi pelo.

AMUS 6:12

Khurshi ye atuqu shou no pocheni keshea? Amshitsü sasü azüghi hokide cheni keshea? Ikemu nongu no kuchou-xakütha pesü tüghü shivetsü eno achipiu-mikucho xathi pesü kukhukimji sübo shivetsüe—

HABAKUK 3:16

I no chilu no I phimpi sükidi; aghügha huno I mütsü thüthüshi; tsümave keu no I ghi lo iloghive; I pukhu no khokho shiuve. Ikeghi ni ye inaqhoi shino ni leighi kemi shou aküpüna tsala ighini keu ngokhe anani.

HAGAYI 1:2

“Aqokitikhi Mpeu no pi ani: Timi hipaqo no Ampeu ki shiqhe kitheni keu do tomphie piani.”

MATTHEW 22:5

Ikemu panongu no iniküküzüi chekhave, lakhi no pa lulo huve, lakhi no paw lhidi-a lo wuve,

John 16:8

Kughou pa no ighini keno, pa no axine ngo amikucho eno küghaküthapu pesü ayeghilomi kipimi phunani:

Apostolmi 10:42

Pa no ningu vilo sheshu lopi azah tsü, eno Alhou no pa pesü küxümi ngo kithimi shou küghaküthau shi kishelu kepi ashepe shipenike azah tsüe.

Apostolmi 17:13

Ikemu Berea lo ghi Paul no Alhou tsa pikülha anie pi Thessalonica lo Jewmi no chilu kelo, panongu no tilau ghi ighi no aqokitikhi kiteqhi eno xukutho thuve.

Apostolmi 17:2

Alhoaye lo shiche ketoi Paul no sinagog lo ilo no Sabbath pinedo küthü Kuchoyesü lono timiqo sasü kiqikuto küsaje.

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Apostolmi 2:37

Kughou timiqo no hi chilu keno panongu mlo itapinyive no Peter ngo apostolmi kütami vilo pi, “Athiküzümiqo, ningu ye kiu shiveni kea?”

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Apostolmi 24:26

Ikeghi Felix ye Paul no pisa pa tsüni mala lajuae. Ikehu ghuthu kutomo Paul kuno pa sasü küptsae.

Apostolmi 26:28

Agrippa no Paul vilo pi, “Hi ikhonheike dolono no ye I pelo Khristomi shive penike I züiza ani keo?”

Apostolmi 9:6

Itehi ithu no mishighüna lo ilolo, eno kiu shimasa keno o vilo pini.”

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 14:12

Tishi aye, ningu kümtsü pütüta müzülo kihikülai pe Alhou tsü masa nani.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

2 Kor. 6:2

Kughengu Pa no pi ani, “Ikhikulupu ghuloki lono I no nongu sütsa initsü, eno xakulupu tsala lono I no nongu kuphue.” Julo, itehi no ikhikulupu doke; itehi no xakulupu tsalae.

Galatiami 3:22

Ikemu Kuchoyesü no thokha kümtsü axine kütsügha qholo süghivae, tishianguno Jisü Khristo lau aküpülü akeu vecheo pikiqhitsa huye khunono pülü keno pano tsüniye ke.

Galatiami 5:23

akümtsha, alikhi aghasükulu; hitoi keqo shou ayezah kiumu kühae.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

Titus 1:8

ikemu timi sasükinimi, akivi kimiye chekemi, küsüqhi kulumi, müzüchoi kemi, akimthe eno alikhi aghasü kulumi shimasae.

IBRIMI 12:21

Ti ye shishe aküighüpu kehu Moses no pi, “Ni ye akümsa no khokho shive.”

IBRIMI 3:13

Ikemu “Ishi tsala” ipi ake tivilo nongu ye tsalakipetsü lakhino lakhi shikumto kilelo, tishianguno pishikiqhi xine pelo khuu mlo mu shikümkave pemonie.

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

IBRIMI 6:2

baptizkishi ghili, au kibe, kithimi xüchilekulu, eno lhokta küghakütha pesü itaghi aboqha qhakithe moni.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

James 2:19

Alhou ye lakhi likhi kepi nono pülü cheni; ti ye aloe. Tüghamiu ghi pülü cheni—eno khokhoshi msa cheni.

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

2 Peter 1:6

akighithi gholo alikhi aghasükulu pesü veqalo, eno alikhi aghasükulu gholo kushuo puqhekulu pesü veqalo, kushuo puqhekulu gholo Alhou ithitoi keu pesü veqalo,

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.

SAMUEL ATUGHIU 12:7

Tighenguno itehi itha mono puthugho lo tishi aye I no Ampeu zülono nongu qhüiniju no Pa chipiu mikucho kümla Pa no nongu eno nongu puasüqo lau mlakeu kümtsü pitsüni.