Apostolmi 24:14 - Sumi Naga CL (Re-edited) Bible (BSI)

¹⁴ Ikemu I no o vilo piphe anike ni ye Alaghi, khikhi panongu no achineye mqo ipi ani keno, tipau kiqi lono ni puasü Lhou mlla, eno Ayezah lo akeu ngo Tungkupu kaku lo yepüa keu kümtsü pülü cheni.

BAIBEL (BSI)

¹⁴ Ikemu ino hi shichekeu pini: Panonguno akumouke pichekeu Laghi hu ino pula puzu ningu puasu Lhou mlla cheni, eno Muse no sughikeu yezahlo ngo tungkupmi kakuqolo yepuakeu kumtsu nighi pulu acheni.

Sümi Tiqhelimi Bible

¹⁴ Tishimu, panongu no akumou ke ipi chekeu Laghi hu I no püla chekemi lakhi shi püzü ningu pù-asüqo Lhou mülá cheni kepi ni ye ikhilu ani. I no pülü akeu ye hi kümtsü Ayeza eno Tungkupumiqo kaku lo yèpüa keu kiqi lono ke,

Apostolmi 24:14 Iomraidhean Croise

YEKIKITHI ATUGHIU 29:18

O Ampeu, ni puasü Abraham, Isaac, eno Jacob Lhou, hitoi keu kimji eno akükümsü pesü pülhapuju Ow timiqo lolo qhi püatsü eno panongu mlo pesü O phivilo qhi püatsü lo.

LESHELE 119:46

Kükami zülo I no O zakütsüqo pi nani ni ye akukujo lo ilovemo nani,

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

AMUS 8:14

Samaria kipimi jeku tushoqhi, eno ‘O Dan, o lhou xü anike,’ momu ‘Beersheba Laghi anike,’ ipi chekemi ye ikiqive nani eno khilemu ithughi kithemo nani.”

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

MATTHEW 10:32

Tishiaye khukhumu aqha zülono I je piphetsü keu ye ni ghi I pu khuu kungugha lo ani keno, Pa zülono piphetsü nani,

MATTHEW 22:40

Moses Yezah ngo Tungkupmi kaku kümtsü azakütsü hi küma shou bepe ani.”

MATTHEW 7:12

“Ikehu kütami pelo o lau kiu shipenishi kümsü cheni keno, nou ghi titoi panoqo lau shilo, kughengu hi no Ayezah ngo Tungkupu kaku shekuho tsake.

Luke 1:70

ti ye mulhou no Paw tungkupu kimthemi vecheo pike toi

Luke 16:16

“John ghuloki kutolo Ayezah eno Tungkupu kakuqo pekishe sheshu ighi; tinguno tilau ye Alhou yekipe lo atsakiviu ghili sheshu ighi kelo kümtsü no tile ilo niye anguka shi shoxüsü cheni.

Luke 16:29

Ikemu Abraham no pi, ‘Panongu ye Moses ngo Tungkupmi kaku ani; pano pelo tipaqo tsa chilu pelo.’

Luke 24:27

Pa no Kuchoyesü lo Khristo vehu kümtsü aboake shi Moses kaku lono huthusü Tungkupmi no yekeqo kutolo pama lau hepho piye.

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

Apostolmi 10:43

Pa pülü kemi kümtsü no pa je vecheo axine qhikütsü ithulue pi tungkupmi kümtsü no pa shepe shipüani.”

Apostolmi 13:15

Moses Yezah eno Tungkupmi kaku phisü kethiu sinagog lo yepemi no pama lau atsape tsüpuwu, “Athiküzümi, nokujo no timiqo shikumto kepu tsa aghi aye pilo.”

Apostolmi 15:5

Ikemu Phariseemi mqo gholo pülüve kemi khami no puthugho no pi, “Panongu ye aphighüyiko ghavetsü masae eno Moses yezah pape pemasae.”

Apostolmi 19:23

Tipa ghuloki lo, Alaghi vehu ghenguno aküküpna kije ipeghive.

Apostolmi 19:9

Ikemu khami no kuthovi auve no pülümo püzü aqo zülono Alaghi vehu lhoksa piuve kehu pa no panoqo qhive no akhopemi sasü wuve, eno tsalakipe Tyrannus hoho ki lono küptsache.

Apostolmi 22:14

Pa no pi, ‘Ni puasü Lhou no o pelo Pa pulou ithi, Amikuchou ithulu, eno Pa no pikeu tsa chilu penike o süsüvae.

Apostolmi 24:22

Ikemu Felix no Alaghi vehu tsaqüi ithi akehu, panongu puwove ghi pi, “Zatsüu Lysias ighi kethiu no I no nongu tsa xatha tsüni.”

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

Apostolmi 25:8

Paul no pa shokha keu tsa pi, “Jewmi Yezah na, achineki na, Caesar shou namu ni ye kiumu pimi püamoe.”

Apostolmi 26:22

Ishi tsala kutolo, ni ye Alhou launo ighikeu kukuphu ithulu kehu hile puthugho no kijemi kitilami lau ala süküpha mono tungkupmi ngo Moses no shinanie pi püakeu likhi ashepe tsü ani:

Apostolmi 26:27

Akükau Agrippa, no ye tungkupmi pülü chenima? I no ithi anike no ye pülü cheni.”

Apostolmi 26:4

“I lhothe lono I küxü lhoaye, kishi hukuthu lo ni ghakhu eno Jerusalem lo xüache keno, Jewmi kümtsü no ithi ani.

Apostolmi 26:6

Itehi I no hile atsa kükügha lo puthugho akeu ye I no Alhou no ni puasü lau piqhikeu lo lajupu akeu ghenguno ke.

Apostolmi 28:22

Ikemu ningu ye o kükümsü kiu keno o launo chiluni shi ani, kughengu aqha kümtsü lo hipa mqo pipüsa akeu nino ithi anie.”

Apostolmi 28:23

Kughou pa sasü kushoni ke kihikütha tsala tove keno, panongu kutomo shesü pa kungo-a lo ighi. Inaqhe no avelau kutolo, pa no apasü shi Alhou yekipe shepe shitsü eno Moses Yezah ngo Tungkupmi kaku lono Jisü ghili pesü panongu züiza nike pükapütsa.

Apostolmi 3:13

Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

Apostolmi 5:30

Ni puasü Lhou no Jisü, khuu nongu no asübo lono pithive keno, xüputhuve.

Apostolmi 7:32

‘Ni ye o puasü Abraham, Isaac, eno Jacob Lhou ke.’ Moses ye khokhoshi junike ighüve.

Apostolmi 9:2

Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

Rommi 3:21

Ikemu itehi ye Ayezah sümono Alhou lau achipikalu kepu pephe piyevae, ti ye Ayezah ngo Tungkupu kakuqo lo ghi ashepe shipüani—

1 Kor. 11:19

kughengu nongu dolo amqo kütüta aghini cheni, tishino khunono kuchou keno tipaqo kimchilu peniye ke.

Galatiami 5:20

ajulho kümlla, atumu, kimthikile, mtomshu, anhekushu, amlokighide, aghükha, kijetha eno kothakile,

2 Tim. 1:3

I no putho-pucho lo akighini shike kümtsü, I mlo mtsümishei shino, ni eno I puasüqo no qe chekeu Alhou shikimthi ghi o kümsülu acheni.

Titus 3:10

Timi khuu no kijetha niye xukuthoni keno, ghuthu lakhi eno akiniu pa ghutu lo, tithiu ye kiu lomu pa akhoto shikevilo,

1 Peter 1:11

panongu lolo Khristo Ghungu akeu no Khristo ghime ghili eno tipau shelo ajuküvüpu chekeu pichho tsü kelo ti ye kiu toi kemi eno kiu ghuloki lo kichetsü akeno panongu no phujuke.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.