Apostolmi 24:10 - Sumi Naga CL (Re-edited) Bible (BSI)

¹⁰ Kughou angh no Paul pelo pi penike kichetsü keno, pa no pi: “Nono ampe kushuo shiye hipau shou küghaküthau shi ighive keu ithi ani kehu, ni ye alokivishi I shokükha tsa piani.

BAIBEL (BSI)

^10-11 Kughou ahng no Paul vilo pijulo pi pa kiche keno, Paul no ishi pi: “Nono ampe kushuwa ashiayeh hipau shou kughakuthau shi ache keu ithi puzu, niye alokivishi ishokha keu shi ani. Mutsuqheino pi ani kemo keno nono phulu nanike, hi atsala chighi kinia shi aphike niye Alhou mllaniye Jerusalem lo iqhoe. Achinekilo na, Sinagog lo na, momu aphughilo namu

Sümi Tiqhelimi Bible

¹⁰ Kughou angh no Paul kiche no piju lo pi keno, Paul no khochile: “I no ithi akeu ye no ye ampe kushuwa shiye hipau shou küghaküthau shi ighivea; ikehu I lokivi shi I likhi I süsho keu tsa pìní.

Apostolmi 24:10 Iomraidhean Croise

Luke 12:11

Kughou timiqo no nongu sünhepe sinagog lo, momu yepemi eno küghaküthami lau sawuni keno, nongu ye kishi nongu süshoni momu kiu pini kelapi amlo kütakihi kevilo,

Luke 12:14

Ikemu Jisü no pa vilo pi, “O timi, noghi lae, khuu no I pesü nokujo dolo xaküthau momu kikijeu shitsü kea?”

Luke 18:2

“Mishighüna lakhi lo Alhou mu msamo eno timiu ghi gihumo keu küghaküthau lakhi ache.

Apostolmi 12:17

Panongu pelo inaqhoive peniye pa no au kütsüpe tsüno Ampeu no akughuki lono kishi pa saipeghi keno kishekulu lhepiye. Pa no pi, “Hipau pesü James ngo athiküzümi vilo pilo.” Eno pa ye a-a kütau cheve.

Apostolmi 13:16

Ikehu Paul no puthugho no pa u peqhe tsüno pi: “Israelmi eno nongu Alhou sükümsami, inilo.

Apostolmi 18:15

Ikemu hi ye atsa ngo aje eno nongu yezah vehu kütsala keu keke nongu dolono xathalu lo. Ni ye hipaqo vehu loye küghaküthau shimoe.”

Apostolmi 19:33

Amqo khami no Alexander iniju, kughengu Jewmi no pa pelo panongu züu puwue. Alexander no shokha keu tsa piniye au kihipe timiqo vilo inaqhoi shilopi.

Apostolmi 21:40

Kughou pa no puloza tsüve keno, Paul no anepa lo puthugho no timiqo lau pa u kihitsü. Eno iqünheive kemtsa pa no Hebrew tsauno panongu vilo pi:

Apostolmi 23:24

Paul ghengu ghi khurshi kuto tsüno pa khesawo angh Felix tolo.”

Apostolmi 26:1

Ikehu Agrippa no Paul vilo pi, “O ghenguno pilu penike azah tsü ani.” Paul no pa u sükhope pa shokükha tsa pi:

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

SAMUEL ATUGHIU 2:25

Tsala milakhi no lakhiu lau axine shive aye, Alhou no pa ghenguno alaki kipiu shitsü cheni, ikemu khuana no Ampeu lau axine shive aye, khuu no pa ghenguno alaki shitsüni kea?” Ikemu pama no apu tsa ini tsümove, kughengu pama shou akithi süghini keu ye Ampeu pulou shiveke.