Apostolmi 23:9 - Sumi Naga CL (Re-edited) Bible (BSI)

⁹ Tile shishe mqhumza ipeghive, eno Phariseemi mqo lo Ayezah shikükami khami no puthugho no aghoshi pi, “Ningu ye timi hipau shou akipimi kiumu phumlae. Aghungu momu kungumi no pa pütsa püaghi aye kiu pini kea?”

BAIBEL (BSI)

⁹ Ikehu mutomushukeu kije lakhi ipeghive, eno Farisimi mqo kudaumi gholono ayehtsa kukutsumi hamino puthugho ithu puzu hiye ighono kumo kepi pithu, “Ninguye timi hipau shou akipimi kiumu phumlae! Kutowomu aghahwu momu kungumi lakhino pa putsapuani keniae. “

Sümi Tiqhelimi Bible

⁹ Ikehu tilehi mtomushu keu kijè ipeghive, eno ayeza kükütsümi khunoqo no Phariseemiqo keno panongu no puthugho püzü akumto shi kütsalae. Panongu no pi, “Ningu ye timi hipau shou akipimí kiumu phumlae. Ishi ake aghawu momu kungumi no pa pütsa püaghiluvie.”

Apostolmi 23:9 Iomraidhean Croise

AHOLE 16:7

Kughou milakhi no Ampeu lopu shini keno, Ampeu no pa ghümiu ghi pesü külashitsü cheni.

JEREMIYA 26:16

Tileno hiyampemi ngo timiqo no achinemi eno tungkupmi vilo pi, “Timi hipau ye thive kepu aküzüpu kumoe, kughengu pa no Ampeu ni Lhou je lono ningu vilo pivae.”

Mark 2:16

Pa no Ayezah pechemo kemi ngo zame küqhami gholo chuakeu Ayezah shikükami ngo Phariseemi no ithulu no pa khopemi vilo pi, “Kushiye pa ye zame küqhami ngo Ayezah pechemo kemi gholo chucheni kea?”

Luke 23:22

Ghuthu aküthüu pa no timiqo vilo pi, “Kushiye kea? Pa ye kiu lhoksa shive akea? Ni ye akithi pa tsü küzüpu kipimi ithulu püamoe. Tighenguno I no pa ghimeve no kuqho pheveni.”

Luke 23:4

Pilate no achinetomi ngo aqokitikhi vilo pi, “Ni ye timi hipau lau akipimi kiumu phulu amoe.”

Luke 5:30

Phariseemi ngo Ayezah shikükami no Jisü khopemi lau nhenheshi pi, “Kushiye nongu ye zame küqhami ngo axinemi gholo chusho cheni kea?”

John 12:29

Aqokitikhi tile puthugho akeqo no chilu püzü ti ye tsütsüsü anie pi. Kütami no pikeu no kungumi no pa pütsa anie pi.

Apostolmi 11:17

Tishiaye Ampeu Jisü Khristo pülülu kelo ningu tsüke toi, Alhou no agho aphiphi pesü panoqo tsükeu lo ni ye khuue pi I no Alhou laghi hakhani kea?”

Apostolmi 22:6

“Kughou I no Damascus kupunuve keno, puchomghü lo paikhavi atsütsü lono aküvü kije no I yeluve.

Apostolmi 22:7

Ni ye ayeghi lo iluqive eno asütsa lakhino I vilo pikeu chilu, ‘Saul, Saul, no ye kushiye I shikighime ani kea?’

Apostolmi 23:29

I no phulu keu no pa nguku akeu ye pano Yezah ghenguno shi aghi, ikemu pithive momu akughu shi küzüpu kiumu kühae.

Apostolmi 23:8

Kughengu Sadduceemi ye xüchilekulu, kungumi, momu aghawu kühae picheni, ikemu Phariseemi ye hi kümtsü pülü cheni.

Apostolmi 25:25

Ikemu I no phulu keu no pa ye thive küzüpu kiumu shi püamoe. Eno pa ampi no akükau lau qhüiniju ketoi ni ye pa puwuve nike xathavae.

Apostolmi 26:31

Panongu ixawo chekelo lakhino lakhi vilo pi, “Timi hipau ye akithi momu akughu shiküzüpu shi püamoe.”

Apostolmi 27:23

Kughengu itiji Alhou, khuu I no mlla cheni eno ni ye Paw shi acheni keno, Paw kungumi no I phivilo puthugho,

Apostolmi 5:39

ikemu hi no Alhou launo shiaghi aye, nongu ye panongu theqhimla nani. Nongu ye Alhou küla aghi luvike!” Ikehu hohomi no paw mijekütsü luve.

Apostolmi 9:4

Pa ye ayeghi lo ikiqive eno asütsa lakhino pa vilo pikeu chilue, “Saul, Saul, no ye kushiye I kijipüsa ani kea?”

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

SAMUEL ATUGHIU 12:5

Pa no panoqo vilo pi, “Ampeu no thopi ke eno ishi Paw nukikishe no thopi ke, nongu ye I lau akipimi kiumu ithulumoe.” Eno panongu no pi, “Pa no thopi ke.”

SAMUEL ATUGHIU 24:17

Pa no David vilo pi, “No ye I nguno amikuchoue, kughengu I no alhoksa pesü o tsü keghi nono akivi pesü I lochilevae.