Apostolmi 23:6 - Sumi Naga CL (Re-edited) Bible (BSI)

⁶ Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

BAIBEL (BSI)

⁶ Ikemu Paul no jupuwo kelo timiqo dolo khamino Sadukimi eno khamino Farisimi shiakha kehu, pano Ahoholo ishi asheshu thuve: “Athikuzumiqo, niye Farisimi lakhi, eno Farisimi nu lakhi ke; hile ishou atsa kugha akeu hipauye kutau lono kumono kithimiye xukithethu shiluve naniepi ino lakuju akeu ghengunoke.”

Sümi Tiqhelimi Bible

⁶ Tisheno Paul no panongu khami no Sadduceemiqo eno kütami no Phariseemiqo ishi keu ithi akehu, Jewmi Hoho lo asheshu thuve, “I thiküzümiqo, ni ye Phariseemi, Phariseemi lagha lono ighi kemi ke. I no atsa kükügha-a lo puthugho akeu ye kithimi ye xülethuve nani ipi lajupu akeu ghenguno ke.”

Apostolmi 23:6 Iomraidhean Croise

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

MATTHEW 22:23

Tipani xüchilekulu kühae piche keqo Sadduceemi no Jisü lau ighi no pa vilo ighikuju tsa iniju,

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

Apostolmi 22:3

“Ni ye Jewmi, Cilicia lo Tarsus lono punu, ikemu mishighüna hipau lono saputhu, eno Gamaliel pukhuphi lono ni puasü Yezah kiqi lono akighithi ithulue. Ishi nongu kümtsü toi ni ghi Alhou ghenguno müamzü chekemi.

Apostolmi 22:30

Ikemu thoghiu Jewmi ye kushiye pa nguku akeno ithini kehu, zatsüu no pa kuqhovepe, eno achinetomi ngo hoho kusho lopi azah tsü, eno pa no Paul sasü ighi no panongu zülo qhi.

Apostolmi 22:5

ti ye achinetou eno hoho lo kichimi kümtsü no thopi shilu nani. Panongu launo yesü khupe I no athiküzümi Damascus lo akemi lau pewu no tilau timi akeqo Jerusalem lo tshü sasü ighi no ghime niye kughue.”

Apostolmi 23:1

Paul no tsaqüi hoho mpemi juno pi, “Athiküzümiqo, ni ye ishi kutolo Alhou zülo I kükümsü mtsümishei shi xüighivae.”

Apostolmi 23:15

Tighenguno itehi nongu eno hohomi küqha no achipi lono Paul vehu xatha tsüniye aketoi zatsüu vilo pa sasü nongu lau ighi lopi asütsa tsüpuwu lo. Ningu ye pa no aphivilo ighi mphi lono pithive nike kutope ani.”

Apostolmi 23:20

Pa no pi, “Jewmi ye Paul ghili chixechilei ighiju niye akeshi küqha no o vilo thoghiu hohomi zülo pa saghi penike o vilo piniye ani.

Apostolmi 23:7

Kughou pa no hi pi keno, Phariseemi ngo Sadduceemi dolo kimpi ipeghive no hoho ghi kijeve.

Apostolmi 24:15

Alhou khuu timi hipaqo no ikhilu cheni keno, Pa shou Iw lajupu achekeu ye amikuchomi ngo kixikilami kinikujo xüchilekulu anani.

Apostolmi 24:21

I no panongu zülo puthugho akelono ishi ighamku pikeu nguno kütau ye kiumu kühae: ‘Ishi tsala lo nongu zülo I tsa kügha akeu ye kithimi xüchilekulu vehu ghenguno ke.’”

Apostolmi 28:20

Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

FILIPIAMI 3:5

atsala akütacheni no aphighüyiko ghakemi; Benjamin laghami Israelmi; Hebrewmi no punu keu Hebrewmi; Ayezah tsa loye Phariseemi;

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

IBRIMI 6:19

Ningu ye lajupu hipau angulhow thebei eno ithamo keu yiküba toi ani, lajupu hi no nhaqhiphi thiu alou chebo lo ilocheni,