Apostolmi 23:12 - Sumi Naga CL (Re-edited) Bible (BSI)

¹² Kughou atsala ipeghi keno, Jewmi no kuchughu no Paul pithive moke kutolo panongu ye kiumu chusho monie pi ashoqhi shive.

BAIBEL (BSI)

¹² Kughou atsala ipeghive keno Judami no kuhokumqo puzu kuchughukeu lakhi pughu. Panoqono alikhi ashou ashoqhi shi puzu panonguno Paul pithive moke kuto achuqupu chu shomo nikeu shi.

Sümi Tiqhelimi Bible

¹² Tishiwo thoghiu inaqhe Jewmi khami no kumqo no kuchughu püzü panongu kutoshi Paul heqhipithívemo ke kutólo chu-shomo nikeu shoqhi shie.

Apostolmi 23:12 Iomraidhean Croise

BOTHUBO 37:18

Panongu no putou no pa ithulu, eno pa no kupunu ighi mphi lono panongu no pa pithive niye küsüqeve.

KUKAMI ATUGHIU 19:2

Jezebel no Elijah lau pi puwu, “Thoghiu hipa ghuloki lo I no o küxü pesü nono tungkupmi lau shike toi shimo aye, alhouqo pelo niu heqhi pithive peniu.”

KUKAMI AKINIU 6:31

Pa no pi, “Shaphat nu Elisha kütsü no pa bighi shou akeloye Alhou pelo ishi tsala lono hitoi I lau shipeniu.”

NEHEMIA 10:29

kümtsü no pano thiküzümi, sakiphemi gholo küqhano müsüini keu shoqhi shike, ti ye Alhou Yezah khikhi Alhou qeu Moses vecheo tsü keno tipau kiqi lono chewuni kehu, eno Ampeu ni Mpeu zakütsü ngo akhuaye kümtsü papeni kehue.

ESTHER 2:22

Mordecai no hipau vehu ithive no Kükaliu Esther vilo pive, eno Esther no Mordecai jelono akükau vilo pivetsü.

LESHELE 31:13

Kughengu kutomo no chhuchhushi küptsa keu I no chilue— kichi kümsa keu no akuaqha kümtsü lo ani!— panongu no I shou kuchughu ani, I küxü luve tsüniye küsüqe ani.

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 44:25

Aqokitikhi MPEU, Israel Lhou no ishi piani: Nongu eno nongu nipuqo no shuphe no tishi mlave keu lono ishi pikeu shikupuvae, ‘Ningu ye mtsüqheino, atsütsü kükaliu lau akümllagho tsü nani eno li lau atsaiji kümllagho tsü nani.’ Ikehu nongu shoqhi shikupuve lo!

ACHINE 27:29

Timi lakhi pesü ikhiphe tsüve keu ye khilemu xaphe mlae; pa ye thive masa nani.

MATTHEW 26:4

eno küsüu no Jisü küghape pithive nike kuchughu küqhave.

MATTHEW 26:74

Tile Peter no pa ampi ghushouve no ishi tushoqhi, “Ni ye timi hipau mthae.” Tipa mtsa awudu no ighave.

MATTHEW 27:25

Timi kümtsü no khochile, “Timi hipau ji peleve keu ngusü ye ni shou eno ni tianuli shou ikughi peni!”

Apostolmi 23:13

Timi lhobidi shou no hitoi küsüqeve.

Apostolmi 23:14

Panongu no achinetomi ngo layemi lau wuno pi, “Ningu ye Paul pithive moke kutolo achuqupu miche monie pi ashoqhi shivae.

Apostolmi 23:21

Ikemu panongu pelo o züluvepe kevilo, kughengu timi lhobidi shou no Paul pithive moke kutolo chushomo nikeu ashoqhi shive no itshüpe pa khe ani. Itehi panongu ye kutope ow puloza khe ani.”

Apostolmi 23:30

Kughou pa pithive niye kuchughu akeu I pithi keno, tipa mtsa I no o lau pa puwuve ani, eno pa nguku akeqo vilo ghi o zülono pa shou pikepu aghikeu pilo pivae.”

Apostolmi 25:3

eno panongu pulou shitsü ghi Jerusalem lo Paul puqho tsülopi, kughengu panongu ye Paul no ala lo cheke lono pithive nike kuchughu ake.

Apostolmi 9:23

Atsala kutomo thiu Jewmi no Saul pithive nike kümqü,

Apostolmi 9:24

ikemu panongu mqü pa no ithive. Pa pithive nike putho pucho panongu no khagho jukutoa,

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

2 Kor. 11:26

hijeje kicheghüzü lo chekelo kümsapu jeli hipaqo sholu püani: aghoki, süxakulumi, ni likhi niw timi, shiye kütami, mishighüna lono, asayeqha lono, azüghi lono, kichile thiküzümi;

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

JOSHUA 6:26

Tile Joshua no ashoqhi lakhi shi, “Khuu no Jericho phughi hipau shiqhe kithe nike ithughini keno, Ampeu no angusü pa shou apeniu. “Aboqha tu ye pa nu anoghiu küxü shouno shosü peni, khaghoqo ye pa nu anipau küxü shouno süqhe peni.”

JOSHUA 7:1

Ikemu Israelmi ye thime kiumu lu kevilo pikeu yezah hebideve kughengu Judah shiaye lo, Zerah nu, Zabdi nu, Carmi nu, Achan no Ampeu no kütsave penike pephe tsükeu lono thime hami luve. Tino Ampeu no Israelmi shou Pa loghu pukuve.

JOSHUA 7:15

Eno timi khuu no anhemgha luve keu shi kiche pheni keno, pa eno pa no akeu kümtsü ami no pitiveni kughengu pa no Ampeuw puloshoqhi hebideve eno Israel lo akukujopu kümla pa no shiveke.’”

SAMUEL ATUGHIU 14:24

Israelmi ye tipa tsalani shishe akulho shive, ikehu Saul no timiqo lau ashoqhi shino pi, “Timi khuu no avela shimphi züuno eno I ghümi shou amkhü lumphi züuno achuqupu chuveni keno angusüpue.” Ikehu khunomu achuqupu miche move.