Apostolmi 22:3 - Sumi Naga CL (Re-edited) Bible (BSI)

³ “Ni ye Jewmi, Cilicia lo Tarsus lono punu, ikemu mishighüna hipau lono saputhu, eno Gamaliel pukhuphi lono ni puasü Yezah kiqi lono akighithi ithulue. Ishi nongu kümtsü toi ni ghi Alhou ghenguno müamzü chekemi.

BAIBEL (BSI)

³ “Niye Judami lakhi, Kilikia ghakhulo Tarsus phu lono punu kemi, ikemu Gamaliel qholono kiphimi lakhi shi-ghi Jerusalem phughi hipau lono saputhue. Nipu asuqo yezah ghola akuthou lono ishika puthu, eno nongu ishi hile akemiqo kumtsu hutoi Alhou ghenguno azukini shi ache.

Sümi Tiqhelimi Bible

³ “Ni ye Jewmi ke, Cilicia lo Tarsus phughi lono punú kemi, ikemu aphughi hipau lono saputhu ke. Ni ye Gamaliel qholo no phi kemi eno tsaqütsalei ni pù-asüqo yeza lo qokipheluve kemi. Ishí nongu no shi akeu toi ni ghí Alhou ghenguno ighono minemighei chekemi ke.

Apostolmi 22:3 Iomraidhean Croise

SAMUEL AKINIU 21:2

Tighenguno akükau no Gibeonmi kuno pütsa. Gibeonmi ye Israelmi kumo kemu Amorimi ghükulumi ke. Israelmi no panongu süsho tsünipi ashoqhi shipüa kemu Saul no Israelmi ngo Judahmi lau pa zükini shi anipi panongu pithive niye shike.

KUKAMI AKINIU 4:38

Kughou aghakhu lo püqümiye akeno, Elisha no Gilgal lo ighi. Tungkupmi loji no pa zülo iqa akelo, pa no pa qeu vilo pi, “Ali kije lono akulhozü shipe panongu piyelo.”

Luke 10:39

Li tsünipu lakhi Mary ipikeu no Ampeu pukhu philo iqa no paw shiküka tsa inia.

Luke 2:46

Atsala küthü thiu pa no achineki lo shikükami gholo iqa no panoqo tsa ini eno panoqo vilo ighikuju tsa iniju ake lono pama no wo phulu.

Luke 8:35

Timiqo no ti juniye wu, eno panongu no Jisü lau ighi kelo khuu philono tüghamiqo haphe keno, timi hu Jisü pukhu philo iqa no aphimini pepusü akükümsü ghi achipilo aghi keu ithulu, panongu ye msave.

Apostolmi 11:25

Tishino Barnabas no Tarsus lo Saul phuniye wu,

Apostolmi 15:23

Eno yesü ishi yetsü: “Athiküzümi, apostolmi, eno layemi no Jewkumomi küpülümi Antioch, Syria, eno Cilicia lo akemi lau petha tsü ani.

Apostolmi 15:41

Pa no Syria ngo Cilicia qhalo wuno akukuhomi shikumto tsüe.

Apostolmi 21:20

Kughou panongu no hi chilu keno, Alhou sheqhe, eno pa vilo pi, “Athiküzüu, nono ithi anino Jewmi gholo pülüluve kemi qhethonhe kutomo ani. Panongu ye ighono müamzü ayezah pecheni.

Apostolmi 21:39

Paul no khochile, “Ni ye Jewmi, Cilicia lo inapügha phughi kumono Tarsus lomi ke. I no o qhüiniju ani, I pelo timiqo pütsalu pelo.”

Apostolmi 23:34

Yesü phive no pa no Paul vilo pa ye khuno cheaxü lono ighi keno ighiju. Eno kughou pa ye Cilicia lono ighie pi chilu keno,

Apostolmi 23:6

Kughou tile khami no Sadduceemi eno khami no Phariseemi shi akeu Paul no vethalu keno, pa no hoho lo sheshu, “Athiküzümiqo, ni ye Phariseemi, Phariseemi nuke. I no kithimi xüchilekulu shou lajupu akeu ghenguno atsa kükügha zülo puthugho ani.”

Apostolmi 26:5

Panongu no thopi shinike pulo aye, panongu ye ado kushuo lono ni ithi ighivae, ni chineye lo ayezah akümkau mqo Phariseemi shi ni ye xü ighivae.

Apostolmi 26:9

“Niu ghi Nazarethmi Jisü je mjochile nike tolukivi thaqhü mla masae pi kümsüche.

Apostolmi 5:34

Ikemu hoho lo Ayezah shikükami Phariseemi lakhi, timi kümtsü no gihu chekeu, Gamaliel huno puthugho no apostolmi khalau pipeve penike azah tsü.

Apostolmi 6:9

Tile timi khami Kuqhopheve kemiw Sinagog (aje ishi piche) lo kihimpemi, Cyrenemi, Alexandriami, Cilicia eno Asiami, no Stephen sasü kütsala thuve.

Apostolmi 9:1

Saul ye Ampeu papemi pithiveni pi shikichi ae, pa no achinetou lau wuno

Apostolmi 9:11

Ampeu no pa vilo pi, “Ithu no Müzüchoi ipi chekeu laghi lo wuno Judas kilo Tarsusmi Saul ipikeu phuwulo, kughengu pa ye akighini shi ani,

Apostolmi 9:30

Kughou athiküzümi no hi ithive keno, panongu no pa sasü Caesarea lo wuno Tarsus lo puwuve.

Rommi 11:1

Tishi aye, I no hi ighiju ani, Alhou ye Paw timi kileqhive akea? Kiu gholau nomu kumoe! Kughengu ni ampi ghi Israelmi, Abraham polo kughuko, Benjamin laghami ke.

2 Kor. 11:22

Panongu ye Hebrewmi keshea? Ni ghike. Panongu ye Israelmi kea? Ni ghike. Panongu ye Abraham polo kughukomi keshea? Ni ghike.

Galatiami 1:14

Jewmi chine lo niw timi I qhesho kutomo gholo ni ye azüu shiche, ni puasüqo no pekishe chekeu khuaye lo ighono amlo tsüqhiyi cheke.

Galatiami 1:21

Tithiu ni ye Syria eno Cilicia bocho lo wuve.

ZAKINIU 33:3

Iyei, Ampeu no Paw timi kimiye, Pa kimthe timi kümtsü Paw sükusho lo ae; ikehu panongu no O pape ke, eno Ow mijekütsü papeke,