Apostolmi 22:20 - Sumi Naga CL (Re-edited) Bible (BSI)

²⁰ Eno kughou ow thopiu Stephen ji pele akeno, ni ghi tile ae eno pulotsü ghi pa pithi kemi phimini hekütsü tsüae.’

BAIBEL (BSI)

²⁰ Kughou oshepekishiu Stifan pithi akeno nighi tile ae eno achipishi aniepi pulokuqha tsuae, eno pa pithikemiqo phimini hekutsu kiyi tsuae.’

Sümi Tiqhelimi Bible

²⁰ Eno kughou Stephen no O pülü keu ghenguno pìthíve keu jì pele akeno, ni ye tile puthugho no puloküqha tsü ake eno pa heqhipithí akemiqo tiphimini jukuto tsü ake.’

Apostolmi 22:20 Iomraidhean Croise

Luke 11:48

No puasüqo no pithive tsü keqo thigho nongu no shiqhe keu kiqi ye nongu ghi no puasüqow thopimiae eno pano kümla ye achipie pi no kütsü küngü tsü ani.

Apostolmi 26:10

Titoi ni ye Jerusalem lo mla püani. Achinetomi launo azah pesü, küpülümi kutomo akughuki lo khathake likhi kumono panongu pithini kelo ni ghi Iw pulobe tsüke.

Apostolmi 6:5

Panongu no pikeu no aqomi kümtsü lopiqi luve, eno panongu no hipaqo kishelu: Stephen, aküpülü ngo Aghungu Kimthe no chhitoi kemi, Philip, Prochorus, Nicanor, Timon, Parmenas, eno Antiochmi Jewmi chineye lono ighikeu Nicolaus.

Apostolmi 7:58

Eno aphughi khalau pa sünhephe no atu pesü veqhi pithive. Tishino thopimi no pano phi xape apumi lakhi Saul ipikeu pukhu philo qhitsü.

Apostolmi 8:1

Saul no Stephen pithive keu lo pulo tsüe. Tipani no Jerusalem lo akukuhou kijiküpsa kije ipeghive. Apostolmi thono küpülümi kümtsü Judea ngo Samaria qhalo apanagha kuhave.

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

Piyeküsü 17:6

Atotiu ye küpülümi ji eno Jisüw thopi ghakishimi ji shomzüpe ae. Kughou I no li ithulu keno ni ye shishe akümzave.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.