Apostolmi 21:8 - Sumi Naga CL (Re-edited) Bible (BSI)

⁸ Thoghiu ningu ye Caesarea lo ighi no tile tsavipeu Philip, tsüni kishelu keqo gholo lakhi, kilo wuno pa gholo ngove.

BAIBEL (BSI)

⁸ Tishiwo thoghiuye ninguno cheve puzu Kaisaria lo ighi, tilehi ninguno Filip atsakiviu pikulha chekeu kilo wuno pa gholo ngoe. Paye Jerusalem lo mitsuni kishelukeqo gholo lakhike.

Sümi Tiqhelimi Bible

⁸ Thoghiu ye alà cheve püzü, ningu ye Caesarea tolu eno Philip tsavipeu ki lo ngolu, pa ye Jerusalem lo timi tsünì kishelu keqo gholo lakhi ke.

Apostolmi 21:8 Iomraidhean Croise

Apostolmi 10:1

Caesarea lo Italia Ghüshimi ipikeu loji lo aqhe zatsüu Cornelius ache.

Apostolmi 16:10

Kughou Paul no kungunhetsü hipau ithulu keno, tipa mtsa ningu ye Macedonia lo wuniye kuto, kughengu hi ye atsakiviu pesü panongu lau pi peniye Alhou no ningu kuani kepi ithive.

Apostolmi 16:13

Eno Sabbath tsalani akighini-a aghi nani kepi kümsü no ningu no aphughi khagho khalau aghoki mkülo wuno iqa ghi totimi tile kumqo akeqo pütsa.

Apostolmi 16:16

Ningu no akighini-a lo wuche kelo aqeliu lakhino ningu sasü kusho. Li ye aghawu ache eno tino li pelo hithiu ghili pilupe keu lono li mpemi no pisa qeluche.

Apostolmi 18:22

Kughou Caesarea tokeno, pa no akukuhomi sasü kusholu no tithiu Antioch lo wuve.

Apostolmi 20:13

Ningu no ashuka lono Assos lo wuve, kughengu Paul no pekithi tsüke toi tilau no pa saluni ye kughu, pa ye apukhu lono tilau ighini keu shiae.

Apostolmi 20:6

Ikemu ningu ye Kholaqhi sümokeu Sho ghulhu thiu Philippi lono cheve, eno atsala pungu lono Troas lo panoqo lau ighi, tilau ningu ye atsala tsüni ngove.

Apostolmi 21:16

Caesarea lo akhopemi khami no ningu gholo iqho eno nino ngoniye akeu kilo sawu. Aki mpeu ye Cyprusmi Mnason, akhopemi azüumi ke.

Apostolmi 23:23

Tileno zatsüu no aqhe shou zatsümi kini kuno pi, “Itiji ayi toku kihelo ghüshimi 200, tipau gholo khurshimi 70, eno angu kipemi 200 ishi Caesarea kutolo wukepu shi kutolo.

Apostolmi 27:1

Kughou Italy lo ningu puwuve nike xathave keno, panongu no Paul ngo akughumi kütami khami pesü Akükau Ghüshimi mqo lo aqhe zatsüu Julius ipikeu picheve tsü.

Apostolmi 28:11

Aqhi küthü thiu, Alexandriami zükilu, züdoyeghi tipau lono süsü puwove keu lono ningu ye wuve, tipau lo alhou kinikishe julho ae.

Apostolmi 28:16

Kughou ningu no Rome lo iloghi keno, Paul ye ghüshimi lakhi no pa kheno pa kutoshi ngolu penike azah tsü.

Apostolmi 6:5

Panongu no pikeu no aqomi kümtsü lopiqi luve, eno panongu no hipaqo kishelu: Stephen, aküpülü ngo Aghungu Kimthe no chhitoi kemi, Philip, Prochorus, Nicanor, Timon, Parmenas, eno Antiochmi Jewmi chineye lono ighikeu Nicolaus.

Apostolmi 9:30

Kughou athiküzümi no hi ithive keno, panongu no pa sasü Caesarea lo wuno Tarsus lo puwuve.

Ephesiami 4:11

Pa no timi khami pesü apostolmi shitsü, khami no tungkupmi, tsavipemi, Pastormi, eno shikükami shitsü,

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.