Apostolmi 20:31 - Sumi Naga CL (Re-edited) Bible (BSI)

³¹ Tighenguno tsükhüi alo, I no anhezü piji, ampe küthü kutolo tamono putho pucho nongu lakhikhi shika chekeu kümsü lulo.

BAIBEL (BSI)

³¹ Tighenguno jukuto alo, ino anhezu thotsu piji ampe kuthu kutolo tamono putho pucho nongu lakhikhi shika chekeu kumsulualo.

Sümi Tiqhelimi Bible

³¹ Ikehu nolikhi nongu jukuto alo! I no anhezü-piji ampe küthü kutólo tamo no putho-pucho nongu lakhi-khi pikichi achekeu kümsülu alo.

Apostolmi 20:31 Iomraidhean Croise

EZEKEL 3:21

Ikemu tsala nono amikuchomi pelo axine shipemo nike kütüghü no pa no axine shimove aye, pa ye mtsüqheino xalu nani, kughengu pa no kütüghü keu luveke, eno no ye o ngulho xaphe luve nani.”

MATTHEW 13:25

Akümlami no züake lono aghümi no alupi pewo aghibo gholo yisüve no wuve.

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Apostolmi 19:10

Ampe kini kutolo hitoi ache, eno Asia lo Jewmi ngo Greekmi kümtsü no Ampeu tsa chiluve.

Apostolmi 19:8

Pa no aqhi küthü qhalo sinagog lono amlo kumtoshi timiqo pütsa, kütsala, eno Alhou yekipe ghili pesü züiza.

Apostolmi 20:11

Tishino Paul no kunguu ikuve no achuqupu chuve kethiu, tsütho moke kutolo küptsa ano cheve.

Apostolmi 20:19

shishe aqhokighe eno anhezü kipiji shino Ampeu huthu, eno Jewmi no kuchughu keu vecheo ighono I pishipuju püani.

Apostolmi 20:7

Apine kithe lo atsala atüghüni, ningu no aghulhu shiniye kumqo akelo, Paul ye thoghiu wuve niye akehu pa no timiqo sasü küptsa anipi zübumta kutolo süpushuve.

Apostolmi 24:17

Ampe hami thiu no ni ye kümsagho eno akümllagho pesü ni shiye tsünike ighi.

1 Kor. 4:14

Ni ye nongu shikujo niye hipau yepuwu amoe, ikemu I qhuu I tianuli kiqishi nongu hakutho tsüniye ke.

FILIPIAMI 3:18

Kughengu ni ye azüu ghi anguno pivae eno itehi ghi anhezü piji ghi pi anike timi kutomo no Khristow kros ghümi shi acheni.

Kolosiami 1:28

Ningu no Khristo pesü sheshu cheni, kümtsü kütüghü eno shika cheni, tishianguno kümtsü pelo Khristo lau tekhoilu peniye ke.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

2 Thes. 2:5

I no nongu gholo akelono hi kümtsü nongu vilo pikeu kümsü luamo keshea?

2 Thes. 3:8

momu ame tsümono khuno vilomu khuchu püamoe, ikemu nongu khuu shoumu amakho betsümo nike ningu ye putho pucho aghimeshi mla cheke.

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

Piyeküsü 16:15

(“Julo! Ni ye küpkami lakhi toi ighi nanie! Khuu no tsükhüi shi ithu aphimini pepusü aghini keno pa kümghapue, tishianguno pa ye aphikümsa wumo nani momu aqha zülo tishi ithulumo nani!”)