Apostolmi 2:46 - Sumi Naga CL (Re-edited) Bible (BSI)

⁴⁶ Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

BAIBEL (BSI)

⁴⁶ Tsalakipetsu achinekilo kumtsa wu, panongu kilo kumtsa kuchukusho shi, alokiqi eno alophaphaleyi keu lono pano chuqupu chu.

Sümi Tiqhelimi Bible

^46-47 Tsalà kipetsü panongu aqoshi achineki khala lo tamo no kusholu ae. Panongu no panongu ki lo kümtsa asho mülà no amlo kuchou lono Alhou sheqhe eno timi kümtsü lopu shilu keu lo alokivishi asho kijé chue. Eno tsalà kipetsü khunoqo xakulu ithulu keno Ampeu no tipaqo pesü panongu mqo lo sülupe ke.

Apostolmi 2:46 Iomraidhean Croise

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

LESHELE 86:11

O laghi I shikalo, O Ampeu, tishiaye I no Ow kuchou laghi lo checheni; O je sümsa penike I mlo lakhishi tsügha tsülo;

YETSAPIU 9:7

Wulo, alokivi shi o chuqupu chulo, eno aloqiqhiyi o tsaizü yelo, kughengu nono kiu shi ani keno Alhou no kihithape qhivae.

MATTHEW 6:22

“Anhethi no aphimpi lo akulu ke. Ikehu o nhethi no tsüghükhüi aye, o phimpi kuchopu aküvü likhi nani,

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

Luke 24:30

Kughou pama gholo chuniye iqa keno, pa no asho ikhipe shikimthi kütsü kighini shino süphope pama tsü.

Luke 24:53

eno tamo mithe achineki lono Alhou sheqhe ae.

Apostolmi 16:34

Tishino pa no pama sasü pa kilo wuno kuchu-kusho kutope tsü. Eno Alhou pülü luveke ghenguno pa no akibolomi kümtsü sasü alovi.

Apostolmi 2:42

Panongu no pano ampi pesü apostolmi shiküka eno kuposhukulu eno asho sükupho ngo akighini lo ikhiphe tsü.

Apostolmi 20:7

Apine kithe lo atsala atüghüni, ningu no aghulhu shiniye kumqo akelo, Paul ye thoghiu wuve niye akehu pa no timiqo sasü küptsa anipi zübumta kutolo süpushuve.

Apostolmi 3:1

Ghulo lakhi Peter ngo John pama no avelau ayi küthü kihe kighini lo achineki lo iqhoche.

Apostolmi 5:21

Panongu no hi chilu no tsüthove kemtsa achineki lo ilo no shika thuve. Achinetou ngo pa gholo akemi no Israelmi layemi hoho kusü, eno apostolmi saghi penike akughuki lo puwu.

Apostolmi 5:42

Eno tsalakipe achineki lo ngo aki akilo panongu no Jisü ye Khristo kepi tamono kütsü shikae.

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

1 Kor. 10:16

Kükümgha jukhu ningu no pesü shikimthi tsü chekeu ye Khristo ji gholo kutupo anike kumo? Asho khikhi ningu no süpho cheni keno, ti ye Khristo phimpi gholo kutupo anike kumo keshea?

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

Ephesiami 6:5

Aqü-axemiqo, Khristo lau toi msaighü eno khokhoshi, tsaqütsalei ayeghi lo nongu mpemi gholulo.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

Kolosiami 3:22

Aqemiqo, thokha lo nonguw ayeghilo mpemi gholu lo, pano mlopiqi tsüniye aküa lo likhino mla kevilo, ikemu Ampeu sükümsa lono amlo tsüqhiyi shilo.