Apostolmi 2:4 - Sumi Naga CL (Re-edited) Bible (BSI)

⁴ Aghungu Kimthe no panongu kümtsü shepichhive no Aghungu no panongu pelo pilupe kehu amili kütau no pithuve.

BAIBEL (BSI)

⁴ Panongu kumtsu Aghungu Kimthe no chhitoive eno Aghungu no panoqo pelo pilupe kehu kutami tsauno pithuve.

Sümi Tiqhelimi Bible

⁴ Panongu kümtsü Aghungu Kimthe no chhitoive eno Aghungu no panongu pelo pilu pe kehu amili kütau no atsa pithuve.

Apostolmi 2:4 Iomraidhean Croise

SAMUEL AKINIU 23:2

“Ampeu Ghungu no I vecheo pi; Pa tsa ye I mili lo anie.

ISAIAH 28:11

Kughengu Ampeu no inaghami, paküta keu tsa kipimi vecheo Paw timiqo pütsa nani,

ISAIAH 59:21

Ampeu no highi piani, “I ghengu ye, panongu sasü Iw puloshoqhi ye hike: I Ghungu khikhi nongu lolo ani keno, eno I kükütsütsa khikhi I no nongu kichi lo süvetsü akeno, tipaqo ye khilemu nongu eno no tianuli ngo atilimi launo wuvemo nani; eno ti ye ishi tsala lono alhokupuju kutolo ke.”

JEREMIYA 6:11

Ikehu ni ye Ampeu loghu no chhitoi ani; ni ye ti süchile keu no lhovae. “Alaghila lo atianuliqo shou tipau lepuku lo, eno lhothemi kumqo akeqo shou ghi lepuku lo; akimi anipu gha, kichimi eno kitemi ghi, sasü wuve nani.

EZEKEL 3:11

Ow timi haphe sawuve keqo lau wulo, eno panoqo no inina monamu panoqo pütsa no, ‘Ampeu Alhou no ishi piani,’ ipilo.”

MICAH 3:8

Ikemu I ghengu ye, Ampeu Ghungu küka eno kuchou xakütha ngo akumto no I shepichhipe ani, ti ye Jacob vilo paw hekibide eno Israel vilo pa xine piniye ke.

MATTHEW 10:19

Kughou panongu no nongu küghani keno, nongu ye kishi pini momu kiu pini kea pi kütakihi kevilo, kughengu nongu no kiu pikepu keno, atüqhüdo ighi kelono nongu tsü nani.

Mark 16:17

Amchipu hipaqo no pülü luve kemi gholo anani: I je lono panongu no tüghami haphelu nani; panongu no amilikithe lono atsa pi nani;

Luke 1:15

kughengu pa ye Ampeu zülo kije shi nani. Pa ye khilemu aji momu shomzü kepu aji kümka yemo nani, eno pa ye aza polo aphi lono Aghungu Kimthe no chhitoi nani.

Luke 1:41

Kughou Elizabeth no Mary sütsa chilu keno, li polo anu huno ithauve no li ye Aghungu Kimthe no chhitoive,

Luke 1:67

John papu Zechariah ye Aghungu Kimthe no chhitoive no tungkuptsa pithuve,

Luke 12:12

kughengu nongu no kiu pi kepu keno Aghungu Kimthe no tipa tüqhüdo lono nongu shika nani.”

Luke 21:15

Kughengu nongu külami khunomu nongu theqhive momu lachile mla kepushi I no atsa eno alokütsü pesü nongu tsü nani.

Luke 4:1

Jisü ye Aghungu Kimthe no chhitoipe Jordan lono ideighi püzü Aghungu no sasü yenguyi ke-a lo wuve no

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

John 20:22

Pa no hipau pive kethiu panoqo shou atuthu shepuku no pi, “Aghungu Kimthe sasü lulo.

Apostolmi 1:5

kughengu John no azü pesü baptiz shitsüe, ikemu ado kushuo kumo lo Aghungu Kimthe pesü nongu baptiz shitsü nani.”

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 10:46

Kughengu panongu no amili lono pi akeu eno Alhou sheqhe akeu chilue. Tileno Peter no shuphe,

Apostolmi 10:47

“Ningu shou ighike toi timi hipaqo shou ghi Aghungu Kimthe ighivae, panongu pesü azü lono baptiz shinike khuana no lakha lunani keshea?”

Apostolmi 11:15

I no panongu vilo atsa pithu kemtsa, hukuthu lo ningu shou ighike toi Aghungu Kimthe no panongu shou ighive.

Apostolmi 11:24

kughengu pa ye timi kivimi, Aghungu Kimthe eno aküpülü no chhitoi kemie. Eno timi kutomo no Ampeu lau ighi luve.

Apostolmi 13:52

Pülüluve kemi ye alokivi eno Aghungu Kimthe no chhitoive.

Apostolmi 13:9

Ikemu Saul, khuu pesü Paul ghi kuche keno, pa ye Aghungu Kimthe no chhitoi akehu pa no thebei Elymas ju,

Apostolmi 15:8

Timi mlo ithi akeu Lhou no ningu lau mlake toi, Aghungu kimthe panongu tsükeu vecheo panongu lau thopi shi,

Apostolmi 19:6

Kughou Paul no panongu shou pa u bekeno, Aghungu Kimthe no panongu shou ighi, eno panongu no amili lono eno tungkuptsa piuve.

Apostolmi 2:11

Jewmi eno Judah chineye luve kemi, Cretemi, Arabiami, ikeghi panongu no Alhouw akümzapu kümla ghili pikeu ningu tsauno chilu anie.”

Apostolmi 2:3

Eno ami mili toi amqo-amqo shi panongu zülo ipeghi no lakhikhi shou ngove.

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

Apostolmi 4:8

Peter no Aghungu Kimthe no shepichhi pe pi, “Timi yepemi eno layemiqo,

Apostolmi 6:3

Tighenguno athiküzümiqo, nongu gholo timi tsüni khunoqo ajuaje kivi ani eno Aghungu ngo alokütsü no chhitoi ani keno kishephe lo, nino panongu pesü hipau kümla lo süsüni.

Apostolmi 6:5

Panongu no pikeu no aqomi kümtsü lopiqi luve, eno panongu no hipaqo kishelu: Stephen, aküpülü ngo Aghungu Kimthe no chhitoi kemi, Philip, Prochorus, Nicanor, Timon, Parmenas, eno Antiochmi Jewmi chineye lono ighikeu Nicolaus.

Apostolmi 6:8

Stephen ye küpükini eno aküka no chhitoi akehu akümzapu eno amchipu kümla timiqo gholo shiae.

Apostolmi 7:55

Ikemu pa ye Aghungu Kimthe no chhitoipe atsütsü lo jupuku no Alhou juküvü ithulu, eno Alhou u ajeu Jisü puthugho akeu ithulue.

Apostolmi 8:17

Ikehu pama no panongu shou au betsü, eno panongu no Aghungu Kimthe ikhiluve.

Apostolmi 9:17

Ikehu Ananias no wuno aki lo ilo püzü Saul shou pa u beno pi, “Athiküzüu Saul, nono ala lo chekelo Ampeu Jisü khuu o lau ipeghi keno, pa no o nhetsü athoputho tsüno Aghungu Kimthe pesü o shepichhi penike I puwu ani.”

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

1 Kor. 12:10

Lakhi lau akümzapu kümla shikulupu tsü püani, lakhi lau tungkuptsa pikulupu, lakhi lau aghungu jeli kimchi kütüta shikulupu, lakhi lau amilikithe tsa jeli pikulupu, lakhiu lau amilikithe tsa pekide kulupu tsü püani.

1 Kor. 13:1

Tsala I no timi eno kungumi mili lono pi aghi namu kikimiye küha aye, ni ye ayikihe ghügha momu küghapayi ghügha paphi ke.

1 Kor. 13:8

Kikimiye ye khilemu kishekhave chemoe. Tungkuptsa ghi hauve nani, amilikithe tsa eno akighithi ghi kishekhave nani.

1 Kor. 14:18

I no nongu kümtsü nguno alau amilikithe lono picheni kehu ni ye Alhou shikimthi ani.

1 Kor. 14:5

Ni ye nongu kümtsü amilikithe lono pi penishi ani, ikemu tinguno alau tungkuptsau pi penishie. Akukuhou xaqhe nike khuana no pekide tsümo aye, amili lono pi akeu ye tungkuptsa pi akeu no pa nguno akiqheu ke.

Ephesiami 3:19

eno timi kighithi kümtsü shoqa achekeu Khristow kikimiye ithilu keu lono Alhou lhoaye kümtsü pesü kupukülai nongu shepichhi tsü peni.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

2 Peter 1:21

Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

SAMUEL ATUGHIU 1:14

Eli no li vilo pi, “No ye khitohi shomzüni kea? O tsaizü launo putosüve lo.”

SAMUEL ATUGHIU 10:10

Kughou panongu no Gibeah lo ighi keno, julo, tungkupmi amqo lakhi no pa sholu, eno Alhou Ghungu no pa shou ikughive no pa ye panongu gholo tungkuptsa pi.