Apostolmi 2:37 - Sumi Naga CL (Re-edited) Bible (BSI)

³⁷ Kughou timiqo no hi chilu keno panongu mlo itapinyive no Peter ngo apostolmi kütami vilo pi, “Athiküzümiqo, ningu ye kiu shiveni kea?”

BAIBEL (BSI)

³⁷ Kughou timiqono ti chilu keno panongu mlo itapiniyive puzu Pitor ngo apostolmi kutamiqo vilo pi, “Athikuzumiqo, ninguye kiu shikepu kya?”

Sümi Tiqhelimi Bible

³⁷ Kughou timiqo no hi chilu keno, panongu mlo itapiniyive püzü Peter ngò apostolmi kütamiqo vilo pi, “Athiküzümiqo, ningu ye kíshive kepu kea?”

Apostolmi 2:37 Iomraidhean Croise

LESHELE 73:21

Kughou I ngulho no kukhukimji shi akeno, I mlo no ghüza pesü akelo,

YETSAPIU 12:11

Alokütsümi tsa ye ambekhemi küsü lo ayi mtsüsüi keu toike, ahole pekütsü püakeu ye ayishu tsatsai yesü püake toike. Tipaqo ye Ambekheu lakhi launo ighie.

ISAIAH 21:12

Pa no khochile, “Tsüthou chea kemu putho ghi chephi; nono inijuni shi aye itaghi ideighi no inijulo.”

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

Luke 3:10

Tile aqokitikhi no pa vilo ighiju, “Imaye ningu ye kiu shini kea?”

Luke 3:12

Zame küqhami ghi baptiz shitsü penike ighi no pa vilo ighiju, “Akükütsüu, ningu ye kiu shilopi kea?”

Luke 3:14

Ghüshimi ghi pa vilo ighiju, “Maye ningu yeo, ningu ye kiu shilopi kea?” Pa no pi, “Kütamiw pisa süxaluve niye anguka lono kichi kümsa momu akimki pesü nguku kevilo, ikemu nongu jume lo aghakiqi shilo.”

John 8:9

Ikemu kughou panongu no hipa tsa chilu keno panongu gholo kichimi no atüghü shino lakhikhi no wokhave, eno Jisü likhi atotiu no pa zülo puthughope aghive.

Apostolmi 1:16

“Athiküzü chelimiqo, Judas no Jisü küghakulumi lapiyeu shive keu ye Aghungu Kimthe no azünatha David vecheo pi püakeu Kuchoyesü shikupu niye ke.

Apostolmi 22:10

I no pi, ‘Ampeu, ni ye kiu shini kea?’ Ampeu no I vilo pi, ‘Ithu no Damascus lo ilolo, eno o pelo shipeniye kughu püakeu kümtsü tilau no o vilo pini.’

Apostolmi 5:33

Panongu no ti chilupe axuideve no apostolmi pithiveni shive.

Apostolmi 7:54

Kughou panongu no hi chilu keno, panongu ye axuideve no pa jupe ahu tsüghü.

Rommi 7:9

Ghuthu lakhi lo ni ye Ayezah sümono xüche, ikemu kughou azakütsü ighi keno axine no xüuve eno niu no thive.