Apostolmi 2:22 - Sumi Naga CL (Re-edited) Bible (BSI)

²² “Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

BAIBEL (BSI)

²² “Israilmiqo, atsa hi inijulo, Nazaret no ghami Jisu ye nongu lau Alhou no kophetsukemi lakhi nongu gholo Alhou no pa vechewo akumzapu ngo akichiqhipu eno amchipu shikeu nongu ghi tsaqui ithi ani.

Sümi Tiqhelimi Bible

²² “Aküsàmi Israelmiqo, hi inilo: Nazareth nó ghami Jisü ye Alhou no akümzapu, akichiqhipu eno amichipuqo vechewo nongu lau kishe pesü tsüke, tiye nongu no ithi ake toi Alhou no pa vechewo nongu gholo mülà keu ke.

Apostolmi 2:22 Iomraidhean Croise

ISAIAH 41:14

Ampeu no piani, “Msa kevilo, akulotiu Jacob, Israel timiqo o kuphu chekeu ye Ni ke, Ampeu no sheshu; o xakuluu ye Israel Lhou akimtheu ke.

MATTHEW 12:28

Ikemu I no Alhou Ghungu pesü tüghami haphe aghi aye Alhou yekipe ye nongu lau ighivae.

MATTHEW 2:23

Pa no Nazareth ipikeu phughi lo xüsüve, tishikeu lono tungkupmi vecheo pa ye Nazarene ipi kunanie pi püakeu shikupuve.

MATTHEW 9:8

Kughou aqokitikhi no ti ithulu keno, panongu ye ighüve, eno Alhou khuu no hitoike kükagha pesü timiqo tsü keno, panongu no Pa jepipi tsüe.

Luke 11:20

Ikemu Alhou no au chhosü keu vecheo I no tüghami haphe aye, Alhou yekipe ye nongu lau ighivae.

Luke 18:37

Panongu no pa vilo pi, “Nazarethmi Jisü hu hipaqha kathawu cheni.”

Luke 24:18

Tileno Cleopas ipikeu no pi, “Jerusalem lo shoinami o likhino ishi dolo tile kiu shive keno ithiamo keo?”

John 1:45

Philip no Nathanael sholu no pa vilo pi, “Timi khuu vehu Moses no Ayezah kaku lo yepüani eno tungkupmi no yepüani keno, ningu no phuluvae, pa ye Nazarethmi, Joseph nu Jisü.”

John 10:37

I no I Pu kümla shi aghimo aye I pülü kevilo;

John 11:47

Ikehu Achinetomi ngo Phariseemi hoho no kumqo no pi, “Ningu ye kiu shikepu kea? Kughengu timi hipau no amchipu kümla kutomo shi auvae.

John 12:17

Pa no akumoki lono Lazarus kuphe eno akithi lono pa xüputhu akelo pa gholo aqokitikhi akeqo no tamono thopi shiae.

John 15:24

Khunomu shichemo keu kümla I no panongu gholo shimo keaye panongu ye axine shikeu küküqü kühani cheke, ikemu itehi ye panongu no ithuluve akehu, ni eno I Pu nikujo mithi ani.

John 19:19

Pilate no atsa ghi yepe kros lo qhitsü. Ishi yepüa, “Nazarethmi Jisü, Jewmi Kükau.”

John 3:2

Pa no putho lono Jisü lau ighi no pi, “Rabbi, nino ithi anike no ye Alhou launo ighikeu shikükami, kughengu Alhou aghimo keloye khunomu nono amchipu kümla shi akeqo shimlae.”

John 4:48

Jisü no pa vilo pi, “Nongu no amchipu eno akümzapu ithumla ke kutolo nongu ye pülümo nanie.”

John 5:36

Ikemu I no ashepe akeu ye John shepe nguno akijeu ke. Kughengu Apu no I pelo mlakupu peniye I tsükeu, akümla khikhi I no shiani keno, tipaqo no Apu no I puwu kepi thopi shiani.

John 6:14

Kughou pa no amchipu shikeu timiqo no ithulu keno, panongu no pi, “Kuchou no khuu ayeghiqha lo ighi niye ani keno Tungkupu hu hi chenie!”

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 7:31

Tishimu timi kutomo no pa pülü luve no pi, “Kughou Khristo ighini keno pa ye timi hipau no amchipu kümla shi akeu nguno alau shinani kema?”

John 9:33

Timi hipau no Alhou launo ighi püaghimo aye pa ye kiumu shimlani cheke.”

Apostolmi 13:16

Ikehu Paul no puthugho no pa u peqhe tsüno pi: “Israelmi eno nongu Alhou sükümsami, inilo.

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 2:19

I no kunguu atsütsü lono akichiqhipu piye nani eno aqhou ayeghi lo aji, ami, eno amchhi phoboi amchipu piye nani;

Apostolmi 2:43

Apostolmi vecheo akümzapu eno akichiqhipu kümla kutomo shikelo timi kümtsü shou msaighü keu ikughive.

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

Apostolmi 22:8

I no, ‘Ampeu, no khuu kea?’ ipi kelo pa no I vilo pi, ‘Ni ye Nazarethmi Jisü, nono shikighime akeu huke.’

Apostolmi 24:5

Timi hipau ye aküsü kupuu toi ayeghiqha lo Jewmi kümtsü gholo aküküpna xukutho cheni, pa ye Nazarethmi mqo lo atou ke.

Apostolmi 26:26

Kughengu akükau ye hipaqo vehu ithi ani, eno pa vilo ni ye ighümo no piani. I no thebei ithi anike hipaqo lakhimu no ye mthakeu kühae, kughengu hi ye acheku lono shipüamoe.

Apostolmi 26:9

“Niu ghi Nazarethmi Jisü je mjochile nike tolukivi thaqhü mla masae pi kümsüche.

Apostolmi 3:12

Kughou Peter no ti ithulu keno, pa no timiqo vilo pi, “Israelmiqo, kushiye nongu ye hi jupe akichiqhi ani, eno ni küka momu ni küxü kimthe huno timi hipau pelo alache lupe ketoi kutuxoxo ni juani kea?

Apostolmi 3:6

Ikemu Peter no pi, “Nikujo ye ghükayi na ameshoyi namu kühae, ikemu I no kiu ani keno o tsüni. Nazarethmi Jisü Khristo je lono ithu no alache lo!”

Apostolmi 4:10

Nazarethmi Jisü Khristo, khuu nongu no yedave kemu Alhou no akithi lono xüputhuve keno, pa je vecheo timi hipau ye vithai nongu zülo puthugho ani kepi nongu eno Israelmi kümtsü no ithilo.

Apostolmi 5:35

Pa no hohomi vilo pi, “Israelmiqo, timi hipaqo shou kiu shiniye ani keno tsaqüi shilo.

Apostolmi 6:14

kughengu pa no Nazarethmi Jisü hipau no a-a hipau kütsave nani, eno Moses no ni tsükeu khuayeqo kilive tsü nanie pikeu ningu no chiluvae.”

2 Kor. 12:12

Kuchou apostolmie pikeu michipu pephe ghi nongu gholo kutuokutuu amchipu ngo akümzapu eno akichiqhipu kümla shipüani.

IBRIMI 2:4

Alhou ghi amchipu eno akümzapu, mzamghalei keu jeli eno Pa pulou kiqi lono küsaje tsükeu Aghungu Kimthe gho vecheo ashepe shiküqha tsüke.