Apostolmi 2:14 - Sumi Naga CL (Re-edited) Bible (BSI)

¹⁴ Ikemu Peter no chighiqhaqhi gholono puthugho no asütsa kuloghi lono timiqo vilo pi: “Judeami eno Jerusalem lo küamiqo, hi ithilo eno nongu kini kughope I tsa inilo.

BAIBEL (BSI)

¹⁴ Ikemu Pitor no apostolmi chighi qhaqhi sasu puthughono asutsa kuloghi lono timiqo vilo asheshu ghi pi, “Akusami Judamiqo eno nongu Jerusalem lo akemiqo, hi julo eno itsa inilo.

Sümi Tiqhelimi Bible

¹⁴ Tisheno Peter no Apostolmi chighiqhaqhi gholo puthugho no asütsa müghachhoi keu lono aqokitikhi lau asheshu, “Aküsàmi Jewmi eno nongu khunoqo Jerusalem lo xü acheni keno, I no hipau vehu nongu vilo hepho-piye nike I no pikeu tsaqüi iniju lo.

Apostolmi 2:14 Iomraidhean Croise

AHOLE 8:32

“Ikehu I tsa inilo, O anuliqo: khunono I laghi lo checheni keno tipano kümghapue.

ISAIAH 40:9

O Zion, asütsa kivi shekushuu, naghuto kiqhe lo iqholo; O Jerusalem, asütsa kivi shekushuu, akumtoshi o sütsa süqhelo; vekipighi asheshulo, msa kevilo; Judah phughiqo vilo pilo, “Nongu Lhou julo!”

ISAIAH 51:1

“I tsa inilo, nongu achipiu-mikucho phuche keqo, eno Ampeu phuche keqo: atuqu eno atu kuchhuki khileno nongu chitha phelu keno, tipaqo kümsü julo.

ISAIAH 51:4

“Iw timiqo, tsaqüi I tsa inilo, Iw shiyeqo, akini kugho puwolo; kughengu azah lakhi I launo ipe nani, eno I no achipiu pesü timiqo ghenguno aküvü shitsü nani.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 52:8

O phughi ghukhemi sütsa—panongu no ighamku ani, panongu no alokivi le phe ani; panongu nhethi ampi noAmpeu no Zion lo idewoche keu ju anie.

ISAIAH 55:2

Kushiye asho lono kumono kütau lono pisa peveni kea? kushiye kiumu aghapiqimla keu lo mlapuku ani kea? Tsaqüi I tsa inilo eno kiu no akivi keno ti chulo, eno achuqupu kivi pesü nongu lopivilu lo.

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

HOSIYA 8:1

Afuko pesü o mütsü lo thelo! Alhuqu toike lakhi no Ampeu ki shou ikughi ani, kughengu panongu no Iw puloshoqhi hexavae eno I yezah hebideve ake.

MATTHEW 2:1

Kughou akükau Herod ghuloki lo Judea ghakhu lo Bethlehem lono Jisü punu keno, julo, kipelau no ayepu kighithimi Jerusalem lo ighi,

Apostolmi 1:26

Panongu no pama dolo asaqhiju kelo Matthias shou qhibelu kehu pa pesü apostolmi chighiqhaqhi gholo kihisü luve.

Apostolmi 13:16

Ikehu Paul no puthugho no pa u peqhe tsüno pi: “Israelmi eno nongu Alhou sükümsami, inilo.

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

Apostolmi 5:35

Pa no hohomi vilo pi, “Israelmiqo, timi hipaqo shou kiu shiniye ani keno tsaqüi shilo.

Apostolmi 7:2

Stephen no pi, “Athiküzümi eno apunoqo, I tsa inilo. Ni sü Abraham no Haran lo xüsü mphi züu Mesopotamia lo akelono, ajuküvü Lhou no pa lau ipeghi,

ZAKINIU 27:9

Tishino Moses ngo Levimi achinemi no Israelmi kümtsü vilo pi, “O, Israel, iqünhei shino inilo. Ishi tsala lono nongu ye Ampeu nongu Lhou timiqo shivae.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?