Apostolmi 2:1 - Sumi Naga CL (Re-edited) Bible (BSI)

¹ Kughou Pentecost tsala ighi keno, panongu kümtsü a-a lakhi lo ae.

BAIBEL (BSI)

¹ Kughou Pentikost pinye to keno, kupulumi kumtsu a-a lakhilo kuhokumqo ae.

Sümi Tiqhelimi Bible

¹ Kughou Pentecost tsalà tove keno panongu kümtsü amqo shi a-a lakhi lo ngoa.

Apostolmi 2:1 Iomraidhean Croise

YEKIKITHI AKINIU 30:12

Alhou no Judah timi pelo amlo lakhi shino akükau ngo paw hiyampemi Ampeu tsa ikhilu penike akümla shive.

YEKIKITHI AKINIU 5:13

Afuko küighami ngo alephemi no kümtsa Ampeu lau akishe le ngo shikimthikütsü le phe. Kughou afuko ngo küghapayi eno alebo jeliqo küigha keno alephemi ishi Ampeu shipili, “Kughengu Pa ye aloe, eno Paw iqemokeu kikimiye ye alholo achenie.” Ampeu chineki lo khüngküsü no chhitoive,

LESHELE 133:1

Julo, kughou athiküzümi no küqhakulu lono xüni keno, ti ye kiutoi jukighilepu eno akivi kelae!

IPEKULU 23:16

Nono aluza lo kiu yisü keno, o ghime xathi pithi tüghüu pesü Ghile Ghulhu pinini. Ampe shekha lo o ghime xathi o luza lono hekütsü ke ghuloki lo no ye Pekükütsü Ghulhu shini.

IPEKULU 34:22

Nongu ye ashothi amsüu ghile hukelo Ghile Ghulhu pinilo eno ampe shekha lo Apusho lo Ghulhu ikhilu lo.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

ZEFANIA 3:9

“Kughengu tipa ghuloki lo I no shiyeqo tsapi tsüghükhüi shi kilive tsü nani, ti ye kümtsü no Ampeu je kulu eno lakhi shi Pa qelu peniye ke.

Apostolmi 1:5

kughengu John no azü pesü baptiz shitsüe, ikemu ado kushuo kumo lo Aghungu Kimthe pesü nongu baptiz shitsü nani.”

Apostolmi 1:8

Ikemu kughou nongu shou Aghungu Kimthe ighini keno, nongu no akumto ithulu nani, eno Jerusalem, Judea kümtsü, Samaria, eno ayeghi shekha kutolo nongu no I shepemi shi nani.”

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

Apostolmi 20:16

Paul ye Asia lono ado puwo moniye Ephesus kathasü wuniye kughuve, kughengu pa ye Pentecost tsalani Jerusalem lo tolu nike mighi cheke.

Apostolmi 4:24

Panongu no ti chilu no kümtsa ighamku Alhou vilo pi, “Kümtsü shou Ampeu, khuu atsütsü ngo ayeghi eno azüghi ngo tile akeu kümtsü lhosü keno,

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

Apostolmi 5:12

Apostolmi no timiqo gholo amchipu eno akümzapu kümla kutomo mla ae. Panongu kümtsü Solomon kisheqho lono kumqo che.

Rommi 15:6

tishianguno nongu no asütsa lakhi lono ni Mpeu Jisü Khristo Papu Alhou juküvü shilu peni.

1 Kor. 16:8

Ikemu ni ye Pentecost tsala kutolo Ephesus lo ngove nani,

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

FILIPIAMI 2:2

nongu kükümsü aphiphi, kikimiye aphiphi, kuloni küghüvüi amlo lakhi shikeu lono I lokivi kupu tsülo.