Apostolmi 19:26 - Sumi Naga CL (Re-edited) Bible (BSI)

²⁶ Nongu no chilu eno ithulu anike Ephesus lo likhi kumono Asia kümtsü lo, hi Paul no au no mlakeu lhouqo ye khilemu alhou kumoe pino timi kutomo züiza sawuvae.

BAIBEL (BSI)

²⁶ Nongu ampino chilu eno ithuluve ake, Efesia lo likhi kumono Asia yeghiqha kumtsulo Paul ipikeu hipauno timi kumzapu musu kughuzuvae. Pano pikeuno timi u-no mlakeu lhouye khilemu alhou kumoe pi pie.

Sümi Tiqhelimi Bible

²⁶ Nongu ampi no ithulu eno chiluvea ke, hilau Ephesus lo likhi kumo no kuchou lo ye Asia bocho kuchopu lo Paul ipikeu hipau no timi kutomo müsüluvea eno sà küghüzüvae. Pa no pikeu no timi u no mülà keu lhou ye khilemu alhou kumoe ipie.

Apostolmi 19:26 Iomraidhean Croise

JEREMIYA 10:11

Ikehu nono panongu vilo ishi pini: “Atsütsü eno ayeghi lhomo keu lhouqo ye atsütsü qholo eno ayeghi lono pühave nani.”

HOSIYA 8:6

Kughengu hi ye Israel launo ke; ayi kiyiqimi lakhi no mla keue; hi ye Alhou kumoe. Samaria mishitsü julho ye kubo kighinyive nani.

Apostolmi 14:15

“Timiqo, nongu ye kushiye hipaqo shi ani kea? Nikujo ghi nongu toi timi, eno nongu lau atsakiviu süghi ani, tishianguno nongu pelo hi adou thime lono tsüghüsü aküxüpu Lhou khuu atsütsü, ayeghi, azüghi eno tile akeu kümtsü lho keno, Pa lau ighi peniye ke.

Apostolmi 17:29

Tishiaye Alhou tikughukomi keke, Alhou ye timiw kümsükuju lono ameshoyi, ghükayi, momu atu, pesü ajulho shisü keu toi ningu ye kümsü kepu kumoe.

Apostolmi 18:19

Panongu no Ephesus lo ighi kelo, Paul no panoqo tile qhive no, pa ye sinagog lo Jewmi sasü küptsa wuve.

Apostolmi 19:1

Apollos no Corinth lo akelono, Paul no apukhu lono chesü Ephesus lo ighi. Tile pa no akhopemi khami kusholu.

Apostolmi 19:10

Ampe kini kutolo hitoi ache, eno Asia lo Jewmi ngo Greekmi kümtsü no Ampeu tsa chiluve.

Apostolmi 19:25

Pa no timi hipaqo eno titoike kümla kishimi kümtsü kukumqo no pi, “O nongu, ningu ye hipau lhidi lono ni küakini anie pi nongu no ithi ani.

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

Galatiami 4:8

Khaghi nongu no Alhou mthano ache kelo, nongu ye alhou kumo keqo qüaxemi shiche.

ZAKINIU 4:28

Nongu no tilau timi u no asüatu pesü mlakeu lhouqo qe nani, alhou tipaqo ye ithulu, chilu, chulu, tsüngülu chemoe.

1 Thes. 1:9

Kughengu nino nongu lau ighi kelo kishi nongu no ningu ikhilu, ajulho launo tsüghüsü aküxüpu eno kuchou Lhou qenike ighi,

Piyeküsü 9:20

Püsa hipaqo vecheo pithi mlave kemi timi khunoqo achili akeno, panoqo ye pano kümla lhoksa lono xaide keumu kumo, moaye tüghami kümlla momu ameshoyi, ghükayi, alazayi, eno asüatu julhoqo ye ithulu chemo, chilu eno alachelu chemo kehu tipaqo kümlla pimu phevemo,