Apostolmi 19:17 - Sumi Naga CL (Re-edited) Bible (BSI)

¹⁷ Ephesus lo küami Jewmi ngo Greekmi kümtsü no hi ithive, eno akümsa no kümtsü shou ikughive no Ampeu Jisü je sheqhe.

BAIBEL (BSI)

¹⁷ Efesia lo kuami Judami ngo Grikmi kumtsuno hipau tsa chilu. Panongu kumtsu akumsano chhive eno Ampeu Jisu je shisheno alaushi agigihu tsu.

Sümi Tiqhelimi Bible

¹⁷ Kughou Ephesus lo küami Jewmi ngò Greekmiqo no hipau tsa chilu keno panongu kümtsü akümsa no chhive, eno Ampeu Jisü je pesü akiqheu lo qhi no agigihu tsüe.

Apostolmi 19:17 Iomraidhean Croise

SAMUEL AKINIU 6:9

Tipa tsalani David ye Ampeu msave no pi, “Kishino AMPEUw puloshoqhi bohu I lau ighi luni kea?”

LESHELE 64:9

Tithiu timi kümtsü no msave; Alhou no kiu shive akeno panongu no tipa ghili pike eno Pa no kiu mla keno tipau kümsü kutojue.

ACHINE 10:3

Moses no Aaron vilo pi, “Ampeu no pikeu ye hike: ‘Khunono I zülo ighini keno, Ni ye akimthe kepi ithi masae, eno timi kümtsü zülo I juküvü piye masae.’” Aaron ye inaqhoi ngove.

Luke 1:65

Akisüghümi kümtsü lolo msaichi ighive, eno Judea lo ato yeghi kümtsü lo hipa tsa kügha wove.

Luke 7:16

Timi kümtsü no msaighüve eno Alhou sheqhe thuve, “Ningu gholo tungkupu kije ipeghivae!” eno, “Alhou no Paw timiqo xalu nike xuju ighivae!”

Apostolmi 13:12

Tile kiu shive keno ithulu püzü angh no pülü luve, kughengu pa ye Ampeu ghili shika keu lo shishe akichiqhive.

Apostolmi 18:19

Panongu no Ephesus lo ighi kelo, Paul no panoqo tile qhive no, pa ye sinagog lo Jewmi sasü küptsa wuve.

Apostolmi 18:21

Ikemu panongu qhive no wuche kelo pa no pi, “Alhou pulou shi aye, ni ye nongu lau ideighi nani,” eno pa ye Ephesus lono cheve.

Apostolmi 19:1

Apollos no Corinth lo akelono, Paul no apukhu lono chesü Ephesus lo ighi. Tile pa no akhopemi khami kusholu.

Apostolmi 19:16

Timi khuu philo tüghaküsa ghungu akeno, pa no panoqo shou ilhe ikughi no kümtsü süqoqhi eno mhoqhive kelo, panongu ye aki lono aphikümsa aghüzaku pusü pove.

Apostolmi 19:18

Pülü luve kemi gholo ghi kutomo no ighi no panongu no kiu mlache keno küsü mono aqha zülono piphe.

Apostolmi 2:43

Apostolmi vecheo akümzapu eno akichiqhipu kümla kutomo shikelo timi kümtsü shou msaighü keu ikughive.

Apostolmi 5:11

Akukuhomi eno hipa tsa chilu kemi kümtsü shou akümsa kije ikughive.

Apostolmi 5:13

Kütami ye panongu gholo kuloji moe, ikemu timiqo no shishe panongu pipivi ae.

Apostolmi 5:5

Ananias no hi chilu kemtsa iluqi thive, eno ti chilu kemi kümtsü shou akümsa ikughive.

FILIPIAMI 1:20

kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

2 Thes. 1:12

tishikeu lono ni Lhou eno Ampeu Jisü Khristow küpükini kiqi lono nongu gholo ni Mpeu Jisü jepipi tsü peni, eno nongu no Pa gholo apeni.

2 Thes. 3:1

Ashekhashi athiküzümiqo, ni ghenguno inikhu tsülo, tishianguno nongu gholo shike toi Ampeu tsa pesü azüu veküpha wolu eno gihulu peni,

SAMUEL ATUGHIU 6:20

Tishino Beth-shemeshmi no pi, “Khuu no Ampeu, akimthe Lhou hipau zülo puthugho luni kea?”