Apostolmi 17:4 - Sumi Naga CL (Re-edited) Bible (BSI)

⁴ Panoqo gholo khami ye züluve eno Paul ngo Silas pama gholo küqhalu, titoi Alhou sükümsami Greekmi eno totimi sakiphemi kutomo no pama lau ighive.

BAIBEL (BSI)

⁴ Panoqo gholo khamiye vethaluve eno Paul ngo Sila pama gholo kuqhaluve titoi Alhou sumsa mlla chekemi Grikmi aqo kije lakhi eno sakiphemi totimi kutomo ishino tishi luve.

Sümi Tiqhelimi Bible

⁴ Panoqo gholo Jewmi khami ye vethaluve no Paul ngò Silas pama gholo küqhaluve, titoi Greekmi Alhou sümsa chekemi kutomo eno totimi ajekipimi khami ghí tishiluve.

Apostolmi 17:4 Iomraidhean Croise

AHOLE 13:20

Alokütsümi gholo kuloji kemi ye alotsüve cheni, ikemu mbomzümi gholo kichemi ye aghime sholu nani.

AHOLE 9:6

Itikütüpa keu la qhive no xülulo, kuthoküzü kighithi la pülalo.”

ALE KIMCHI 6:1

O totimi gholo shishe ajukiviu, o qhuu ye khila wuve akea? Nino o sasü phunike khiküdau wuve kea?

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

John 7:35

Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

Apostolmi 13:43

Sinagog lo ahoho ixave kethiu Jewmi ngo Jewmi chineye luve kemi kutomo no Paul ngo Barnabas pama pape wuve, eno pama no panongu pütsa no Alhouw küpükini lo xüche lopi shikumto tsü.

Apostolmi 13:50

Ikemu Jewmi no Alhou sükümsami totimi aqoaho lo chuqumghai kemi ngo mishighüna lo timi akhotomi chuxu, eno Paul ngo Barnabas ghimeni ke xukutho thuve no tipa cheaxü lono pama hapupove.

Apostolmi 14:1

Iconium lo Paul ngo Barnabas pama no Jewmi sinagog lo ilo no thopi shikelo Jewmi ngo Jewkumomi kutomo no pülüluve.

Apostolmi 14:4

Ikemu mishighüna lo timiqo ye kijethave; khami no Jewmi gholo eno khami no apostolmi gholo süve.

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 15:27

Ikehu ningu no Judas ngo Silas pama kichi lono hipa tsatho pi penike puwu ani.

Apostolmi 15:32

Judas ngo Silas pama ghi tungkupmi kehu atsa kutomo pesü pino küpülümi hakite eno shikumto tsü.

Apostolmi 15:40

Eno küpülümi no Ampeuw küpükini lo ikhiphe tsüke toi, Paul no Silas kisheluve no cheve.

Apostolmi 16:3

Paul no Timothy pelo pa küsa shipeni shive kehu pa no sawo aphighüyiko ghave tsü, kughengu Jewmi tipa qhalo akemi kümtsü no Timothy papu ye Greekmi kepi ithi ae.

Apostolmi 17:10

Küpülümi no mtazü Paul ngo Silas pama putho lono Berea lo puwuve, eno kughou pama no tile ighi keno, Jewmi sinagog lo iloe.

Apostolmi 17:12

Tighenguno kutomo no pülü luve, Greekmi totimi aqoaho lo akhotomi eno kiptimi ghi pülü luve.

Apostolmi 17:14

Tileno athiküzümi no mtazü Paul küghüzü puwuve eno Silas ngo Timothy no ngovepe.

Apostolmi 17:17

Ikehu pa no sinagog lono Jewmi ngo Alhou sükümsami, eno alhikishi-a lono tsalakipe tile aghi kemi sasü küptsa kiqikutoju.

Apostolmi 17:34

Ikemu timi khami no pa gholo ighi eno pülü luve, tipaqo gholo Areopagus hohomi Dionysius ngo Damaris ipi kemi totimi lakhi eno kütami khami ishie.

Apostolmi 18:4

Sabbath atsütsü pa no sinagog lono kütsala no shika, eno Jewmi ngo Greekmi züiza niye pükapütsa che.

Apostolmi 19:10

Ampe kini kutolo hitoi ache, eno Asia lo Jewmi ngo Greekmi kümtsü no Ampeu tsa chiluve.

Apostolmi 2:44

Pülülu kemi kümtsü no kumqo no thokha aqü shiche.

Apostolmi 21:28

ighamku pi, “Israelmi, ni kuphulo! Timi hipau no aqha kümtsü lo timi kümtsü vilo Israelmi ngo Ayezah eno a-a hipau lhoksa picheni. Tinguno alau pa no Greekmi achineki lo sailoghi no akimthe-a hipau kitiqevae.”

Apostolmi 28:24

Khami ye pa tsa no züluve, ikemu khami ye pülü tsümoe.

Apostolmi 4:23

Kughou pama pheve keno, pama no aküsami lau wuno achinetomi ngo layemi no pama vilo pikeu pesü pi.

2 Kor. 8:5

ike hi ye nino kümsümo mithekeu, ikemu panongu no pano ampi pesü Ampeu tsüve paghi ke, tishino Alhou pulou lono ningu lau tsüe.