Apostolmi 17:31 - Sumi Naga CL (Re-edited) Bible (BSI)

³¹ kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

BAIBEL (BSI)

³¹ Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

Sümi Tiqhelimi Bible

³¹ Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

Apostolmi 17:31 Iomraidhean Croise

LESHELE 9:8

Pa no achipiu mikucho pesü ayeghiqha küghatha cheni; Pa no müzüchoi timiqo shou küghatha cheni.

LESHELE 96:13

Ampeu zülo alephe nani, kughengu Pa no ayeghi shou küghathabe nike cheni. Pa no achipiu mikucho lono ayeghiqha shou eno Paw pükhükulu vecheo timiqo shou küghatha nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

MATTHEW 10:15

Kuchou no I no nongu vilo piani, küghakütha tsala lo Sodom ngo Gomorrah ghimeu no tipano ghami nguno puqhekulu shinani.

MATTHEW 24:14

Eno kungugha yekipe tsakiviu hipau pesü ayeghiqha kümtsü lo sheshu nani, tino shiye kümtsü lau thopi shi nani, tishino ashekha tsala ighi nani.

Luke 22:22

Kughengu Timi Nu ye kughu püake toi wuve nani, ikemu khuu vecheo pa thechu keno, timi tipau ye ahasapue!”

John 12:48

I milive no I tsa ikhilumo keqo ghengu ye küghaküthau lakhi ani; I no pive keu tsa no ashekha tsala lo pa shou küghathabe nani.

John 16:10

amikucho tsa loye, ni ye Apu lau wuve chea eno nongu no ni ithulumo akehu;

John 5:27

Pa no Anu pelo küghatha penike kükagha tsüvae, kughengu pa ye Timi Nu ke.

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Apostolmi 17:6

Ikemu kughou pama phumlave keno, panongu no Jason ngo athiküzümi khami sünhe sasü mishighüna yepemi zülo wuno ighamku pi, “Ayeghiqha pesü akütsü no aqhoshi tsü kemi hilau ghi ighivae,

Apostolmi 2:32

Alhou no Jisü hipau xüputhuve, eno ningu kümtsü no tipau thopimi ke.

Apostolmi 4:10

Nazarethmi Jisü Khristo, khuu nongu no yedave kemu Alhou no akithi lono xüputhuve keno, pa je vecheo timi hipau ye vithai nongu zülo puthugho ani kepi nongu eno Israelmi kümtsü no ithilo.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 2:5

Ikemu o mlo kümka eno kuthovi keu lono no ye aloghu tsala ghenguno, ti ye kughou Alhouw achipiu küghakütha pepheni keno, o sala aloghu pekike ayae.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

IBRIMI 6:2

baptizkishi ghili, au kibe, kithimi xüchilekulu, eno lhokta küghakütha pesü itaghi aboqha qhakithe moni.

2 Peter 3:7

Ikemu Alhou tsa atho hipau no itehi akeu tsütsü yeghi ami lono pitiveni ke ghüpe püani, ti ye küghakütha tsala eno Alhou kümthami kütsani ke ghenguno qhipüani.